رواية اتجوزني عشان اربيله ابنه الفصل الخامس عشر 15 بقلم رحاب القاضي

 

 رواية اتجوزني عشان اربيله ابنه الفصل الخامس عشر بقلم رحاب القاضي

_

ــــــــــــــــــــــــــــــــــــــــــــــ

معتز بجمود

الاسبوع خلص قررتي ايه؟.. 

مريم بضيق

هو يعني انا ااا.. 

معتز بحده 

بصي يا بنت الناس موافقه تيجي ورايا اوضتنا ونبدأ من النهارده مش موافقه خليكي في اوضة اياد والصبح هنطلق.. 

مريم بدموع 

يا معتز انا ا.. 

_سابها ودخل اوضته وساب الباب مفتوح، وهي ضمت ايديها اللي بقيت تتنفض لبعضهم ودموعها نزلت بخوف وقلق وقبول ورفض ومليون شعور جواها موقفينها مكانها مش عارفه تتحرك.. 

بس في الاخر حسمت امرها وراحت ورااه ودخلت الاوضه بتاعته وهي باصه للارض وهو ابتسملها وقرب منها ومسك ايدها وقال بكل هدوء.. 

معتز 

بحبك يا مريم، الكلمه دي عرفت معناها وانها مش مجرد كلمه بتتقال كده وخلاص معاكي انتي.. 

_كان لسه هيقرب منها بس تلقائياً هي بعدت عنه وكان باين عليها اووي رفضها ليه، اتدايق من طريقتها معاه وقال بجمود.. 

معتز 

رفضاني عشان لسه بتحبيه هو صح؟.. 

‌_رفعت عيونها ليه بسرعه وكانت لسه هتنكر كلامه، بس هو زعق فيها وقال بعصبيه.. 

معتز 

اطلعي برررره.. 

مريم بعصبيه

هو انت فاكر نفسك ايه ولا فاكرني انا ايه انا مش لعبه في ايدك تقولها جايبك عشان ابني وتجبرها توافق ودلوقتي تقولي بحبك وعايزاها توافق برضو انتو ليه بتعملو فيا كده هو انتو اللي بني ادمين وانا اللي انسان الي مش بحس انت اا.. 

مسكها من دراعها جامد وقال

عمري ما اتعاملت بعصبيه مع وحده ست بس لو نطقتي كلمه كمان او فضلتي واقفه قدامي هتشوفي حاجه مش هتعجبك خالص، اطلعيييي بره.. 

_سحبت ايدها منه وطلعت من عنده ودخلت اوضة اياد وفضلت تعيط بس وقفت قدام المرايه وقالت لنفسها بحزن.. 

مريم 

ما تخفيش ومتعيطيش انا محدش هيكسرني تاني انا مش هعيش اللي عشته زمان تاني ابدا مش هتتحملي يا مريم اووعي تصدقيه اووعي..

ــــــــــــــــــــــــــــــــــــــــــــــ 

_في بيت مي صاحبة نيره كانت قاعده نيره في اوضتها ودخلت نيره وهي ماسكه كوباية نسكافيه وقالت.. 

مي 

خدي يا حبيبتي اشربي دي واهدي كده حرام عليكي نفسك انتي من لما جيتي علي الحال ده.. 

نيره ببكاء

مش عايزه حاجه يا مي سيبيني في حالي.. 

مي

لا مش هسيبك وبعدين خالتك عماله تكلم فيا وتسال عليكي وانا بقولها جايه وانتي اصلا مش هينفع تروحي كده، فاهدي واحكيلي حصل ايه عند سيف البدري ليكون عملك حاجه يا نيره.. 

نيره ببكاء وصوت مهزوز

قتلتله انا قتلته يا ميي… 

وقفت مي وقالت وهي مصدوومه 

يا نهارك اسود ليه عملتي كده وازاي.. 

نيره بخوف 

هقولك كل حاحه بس خليكي جنبي.. 

مي

انا معاكي بس احكي عملتي كده ازاي؟.. 

نيره

…. 

_فلاااااااش باااك..

نيره 

عشان انا قاصده كده، قاصده اشغلك عشان تجيبني هنا.. 

مسك راسه بالم وقال

ااا انتي قصدك ايه؟.. 

نيره 

جيت هنا عشان اقتلك.. 

_اول ما خلصت كلامها وقع سيف علي الارض و هي مش حاسس بأي حاجه بصتله نيره بكره وقالت.. 

نيره

دمرتني ودمرت حياتي امي واختي ماتو بسببك انت، اخويا اتحبس ومستقبله ضاع بسببك انت يا حيوان… 

سيف ماسك راسه بالم وبيخرف وقال

مريم.. مريم.. 

_قعدت نيره علي الاض جنبيه وحاوطت رقبته بايديها الاتنين وفضلت تخنق فيه وكل اللي في بالها شكل اخوها وهو بيقتل اختها نور ودموعها نزلت وفضلت تقول.. 

نيره 

موووت بقي اتعذب زي ما هي اتعذبت بسببك يا واطي.. 

_بعدت عنه لما ما بقاش يتحرك وقامت وقفت وبصت ليه بالم ومشيت بسرعه من الشقه.. 

_بااااك.. 

مي حضنتها وقالت

اهدي طيب انتي وطالعه وداخله اكيد ما حدش شافك.. 

نيره 

ما كنتش عايزه اعمل كده والله، بس حرقة قلبي هلي اختي وامي واخويا خلتني مش عارفه اتصرف بس انا مش قاتله والله ما كان قصدي.. 

مي عيطت وقالت

انتي مش حازم ظابط احكيله وخليه يساعدك.. 

نيره بخوف

لا لا حازم مخلص في شغله اووي ومش بيعدي اي حاجه لحد والله.. 

مي 

خلاص انتي روحي عادي واتعاملي عادي وكلن ولا اي حاجه حصلت ويمكن ما حدش يعرف ان انتي اللي عملتي كده.. 

نيره ببكاء

ضميري يا مي انا قتلت حد انا قتبت بني ادم بايديا دول.. 

مي 

اهدي بقي خلاص انتي كده هتفضحي نفسك، ويلا اسمعي كلامي.. 

مسحت نيره دموعها وقالت

حح حاضر.. 

ــــــــــــــــــــــــــــــــــــــــــــــ 

_تاني يوم الصبح صحي معتز علي صوت الباب اللي بيخبط، وطلع من اوضته وبص علي اوضة اياد لقاها مقفوله وفتح الباب وكان اياد اللي دخل بسرعه وقال… 

اياد

اوعي كده فين ماما؟.. 

معتز 

خد يالا هنا، تتكلم معايا تتكلم بادب فاهم ولا لا… 

اتملت عيون اياد دموع وقالت

انت اللي كنت بتتخانق مع ماما زمان وانت اللي خليتها تمشي وتسيبني، وانت دلوقتي ديما اللي بتزعل ميمي وبتخليها تعيط انت اناني انا مش بحبك.. 

_قال اياد كلامه وراح اوضته ومعتز كان واقف مصدوم من كلام ابنه اللي لسه تنده ست سنين ازاي قدر يشيل جواه حزن بالطريقه دي، رجع اياد وهو بيعيط وقال.. 

اياد 

فين ماما انت وديتها فين، انت خليتها تسيبني صح.. 

اتملت عيون معتز دموع وقرب منه وقال

لا والله هي مش هتسيبك، هي بس راحت عند فريده.. 

مسح اياد دموعه وقال

طيب انا عايز اروح عند ماما يلاا.. 

معتز 

طيب بطل تعيط وانزل خلي تيته تغيرلك هدومك وهاخدك اديك ليها… 

_مشي اياد من قدامه ونزل بسرعه، ومعتز طلع موبيله وكلم فريده اللي ردت عليه وهي نايمه وقالت.. 

فريده 

ايوه مين اللي بيكلمني دلوقتي يا بهايم ياللي مش بتفهمو.. 

معتز بغيظ

انا معتز يا طنط فريده، هي مريم جات عندك الصيح او بالليل؟.. 

فريده بقلق

لا ما جاتش عندي، بنتي فين يا معتز؟.. 

مسح معتز بايده علي وشه وقال

خلاص يا فريده ما فيش حاجه ارجعي ناامي.. 

فريده 

مش هتزفت انام الا لما تديني مريم اكلها.. 

معتز 

شدينا مع بعض انا وهي امبارح وصحيت الصبح مالقيتهاش في البيت فكرتها جاتلك.. 

فريده 

هبعتلك لوكيشن مكان كده روح هناك هتلاقيها هناك.. 

معتز 

مكان ايه ده؟.. 

فريده 

لما هتروح هتعرف.. 

معتز 

تمام يا فريده.. 

_دخل معتز اوضته وغير هدومه ونزل قال لمامته بضيق… 

معتز

ماما خدي اياد وروحي النادي بيه اي مكان لحد ما اجيب مربم وجاي… 

الفت

انت اصلا ما عندكش دم ليه تزعلها.. 

معتز 

هي اشتكتلك؟.. 

الفت

انا مشوفتهاش اصلا بس باين علي شكلك انك مدايق اووي واكيد مزعلها.. 

اتنهد معتز وقال

خلي بالك من اياد يا ماما، هو فاكر مريم مشيت اصلا.. 

فريده بحزن 

حاضر يا حبيبي.. 

_مشي معتز وقفلت الفت الباب ودخلت لقيت فاروق طالع من الحمام وماسك موبيل في ايده وقال… 

فاروق

هو في ايه، ماله معتز؟.. 

الفت بعصبيه

كنت طلعت سالته بدل ما انت واخد. موبيلك وقافل عليك الحمام.. 

فاروق بحده 

في ايييه علي الصبح، عايزاااااني ادخل الحمام والباب يبقي مفتوح.. 

الفت 

انا داخله اشووف اياااد.. 

ــــــــــــــــــــــــــــــــــــــــــــــ 

_وفي المقابر كانت مريم قاعده قدام قبر باباها ومامتها وقالت بدموع.. 

مريم 

انا ماليش حد غير فريده، بس فريده مش هقدر اقولها علي اللي جوايا ولا هتفهمني، انا محتجالكم اووي بنتكم تعبت رغم اني فاكره شكلكم اصلا ولا اي ذكري منكم بس وحشتوني وعايزااكم جنبي اووي.. انا انا مش عايزه اسيب معتز ولا اسيب اياد هما ظهرو في حياتي في وقت كنت متدمره هونو عليا كتير من غيرهم كان زماني مكتئبه ومتدمره، ولو سيبت معتز اللي اسمه زين ده هياخد من معتز ابنه وانا مش عايزه يحصل كده.. 

_في الوقت ده جه حد وقعد جنبيها ولما بصت ليه قالت بقلق.. 

مريم 

مين حضرتك واي اللي قعدك جنبي؟.. 

بصلها وابتسم بخبث وقال

يوسف، اسمي يوسف فخري وسعات بيقولو عليا الكبير وسعات بيقولو عليا القناص.. 

مريم

عايز ايه يعني يا يوسف فخري انت ياقناص يا مرعب؟.. 

يوسف 

عايز كتييير، اصلهم قالولي انك نقطة ضعفه وبيخاف عليكي اوووي… 

مريم بملل 

يادي القرف اللي انا فيه بسبب ابن الجزمه اللي في الاخر يشخط ويزعق فيا.. بقولك ايه فين العربيه اللي هتخطف فيها المره دي وامانه عليك بلاش مخدر انا ما فطرتش وممكن اروح فيها… 

يوسف بجمود 

انا مش بتاع خطف انا بخلص علي طول.. 

مريم اتعصبت وقالت 

يا خلصت روحك انت شايفني ايه فرخه، لا ده اما ميس مريم علي سن ورمح، ده انا اقطعك واوزع لحمك صدقه علي روح ابويا وامي.. 

طلع يوسف سلاحه وحطه ليها علي راسها وقال

هخلص كده وريني بقي يا حلوه هتقطعيني ازاي.. 

مريم بخوف 

والله انا اسفه والله اسفه، انا لساني ده يارب يتشل انا لسه صغيره والنبي مش عايزه اموت مقتوله والنبي والنبي.. 

رن موبيل يوسف فرد وقال

ايوه… جه… طيب انا طالع ليكم دلوقتي حالا.. 

مريم 

انا ما خلصتش كلام مع بابا وماما استني شويه وهطلع معاك بس من غير مخدر.. 

يوسف 

ما انا قولتلك انا مش بتاع مخدر انا بخلص علي طول، عيوني حواليكي انتي وابنه قوليلو يوسف فخري بيقولك اللعبه بدأت وعلي كبير كمان والشديد وحيله.. 

مريم 

حاضر هقوله بس حوش البتاع ده لحسن تطلع طلقه طايشه تطير دماغي وتتحبس غي وحده حتت مدرسه في حضانه فاشله.. 

_سابها يوسف ومشي وهي كانت واقغه خايفه لوحدها وفجأه شافت معتز جاي من بعيد، ابتسمت بفرحه كبيره وخوفها كله راح وراحت حضنته بسرعه وقال.. 

مريم 

كويس انك جيت انا كنت خايفه اووي، هو كان هيأذيني.. 

بعدها معتز عنه وسالها بقلق وقال

مين ده، في ايه اللي حصل؟.. 

مريم 

ده واحد اسمه يو… انت مالك اصلا انا مش بكلمك، وايه اللي جابك هنا وعرفت مكاني منين؟.. 

معتز 

من فريده وازاي تطلعي اصلا من غير ما تقوليلي؟.. 

مريم  

واقولك ليه مش المفروض اننا هنتطلق دلوقتي، اول النهارده يعني.. 

معتز

لا مافيش طلاق يا مريم؟.. 

مريم 

وده ليه بقي ان شاء الله؟.. 

معتز 

عشان اياد… 

ضحكت مريم بسخريه وقالت

ههههههه تاني انت عمرك فعلا ما هتتغير… 

معتز 

هو انتي مش عايزاني جيتي ليه ورايا امبارح.. 

مريم بضيق

عشان مش عايزه اطلق يا معتز، وزي ما انت متجوزني عشون ابنك انا قاعده معاك عشان ابنك وبس.. 

معتز 

انا بحبك 

مريم بدموع 

وانا قلبي بقي فاضي اووي ومقفول مش هيقدر يقبل كلامك ده.. 

قرب منها وقال

هوصله يا مريم، بس.. 

مريم زقته وقالت بعصبيه 

وتوصله ليه مش انت اللي قولت امبارح اني رفضتك عشان لسه بحبه.. 

معتز 

اومال رفضتيني ليه؟.. 

مريم بدموع 

عشان خايفه، مش قادره اكون معاك دلوقتي وانا جوايا احساس بيقولي انك زيه واي راجل في الدنيا خاين.. 

معتز بحده

انا اكتر حاجه حبيتها فيكي انك قويه ومش بتسكتي لاي حد يأذيكي بكلمه، انما اللي قدامي وخايفه دي مش البنت اللي حبيتها.. 

نزلت دموعها وقالت 

انت ما شوفتش اللي شوفته، ما جربتش تبقي اوضة النوم بتاعتك فرشها بنفسك وكل حاجه فيها كنت بختارها انا وهو واروح الاقيه فيها مع صحبتي الوحيده اكتر اتنين بثق فيهم في حيااتي، انت لولا انك ظهرت انت واياد انا كنت حرفيا بفكر انتحر.. 

حضنها معتز وقال 

هلاص طيب ما تعيطيش.. 

مريم ببكاء وهي في حضنه 

وتيجي في الاخر تقولي انتي لسه بتحبيه يا حبك برص احول زيك.. 

ضحك معتز وقال

خلاص بقي ما يبقااش قلبك اسود وبعدين يا يتي اصبر تاني لحد ما تتعافي من الخزوق بتاعك كفايه انك معايا وجنبي.. 

مريم بعدت عنه وقالت 

نسيت اقولك قبل ما انت تيجي كان في هنا واحد اسمه يوسف فخري.. 

معتز بصدمه 

يا نهار ابوكي اسود… 

مريم 

لم نفسك بابا نايم ورايا.. 

معتز 

وقالك ايه وجه هنا ليه؟.. 

مريم 

قالي انه عايز يخلص عليا انا واياد، وقالي اقولك ان ا.. 

معتز

قال ايه انطقي.. 

مربم 

نسيت هو انا مخي دفتر لما افتكر هقولك.. 

معتز بغيظ

يا شيخه انا كل ما اتعاطف معاكي بتخليني اكره اليوم اللي شوفتك فيه.. 

مريم 

طيب يلا نرزح عشان اتاخرت علي اياد.. 

معتز 

طيب هوصلك واروح الشغل.. 

مريم 

اوكيشن.. 

ــــــــــــــــــــــــــــــــــــــــــــــ 

_في مستشفي كبيره دخلت ام سيف الاوضه اللي فيها سيف، وقعدت جنبيه وقالت.. 

ام سيف 

ايه اللي حسل وعمل فيك كده؟.. 

سيف 

تعبت شويه مش اكتر؟.. 

ام سيف 

متاكد ايوه يا ماما. 

دخل علاء الحارس بتاعه وقال

تحت امرك يا سيف بيه قالولي انك عايزني.. 

سيف 

هبعت ليك رقم موبيل واحده اسمها نيره عايز اعرف عنوانها.. 

علاء

اعتبره حصل يا باشاا.. 

ام سيف 

مين دي يا سيف!.. 

سيف 

هعرف قريب هي مين..

ــــــــــــــــــــــــــــــــــــــــــــــ 

_اخر اليوم في الشغل خلص معتز شغله وراح ركب عربيته، وموبيله بيرن.. 

معتز بيرد علي موبيله

ايوه مين معايا؟.. 

يوسف

ايه يا باشا نسيت صوتي، ده احنا حتي ليه متقابلين مكملناش حاجه

معتز

عايز ايه يا يوسف لحقت اوحشك

يوسف

عارف رجالتي ليه مسميني القناص عشان بخطف اي حاجه في لمح البصر، زي العصفوره بتاعتك اللي واقفه في البلكونه بتاعت بيتكم وسرحانه اي الجمال ده مش حرام تموت صغيره

وقف معتز العربيه بسرعه وقال بخوف

انت بتعمل ايه عندك والله ادفنك حي انت واللي جابك لو قربتلها

يوسف

اديها طلقه واحده في دماغها ولا وحده في دماغها ووحده في قلبها.. 

اتملت عيون معتز دموع وقال

اياااك تعمل كده اقسم بالله هدمركم لو عملت كده.. 

يوسف 

سلام يا باشا عشان احط الرصاصتين في السلاح.. 

معتز بعصبيه 

متعملش كده والله هقتلك انت فاااهم.. 

_ساق عربيته بسرعه كبيره، ورن عليها فردت عليه وقالت بهدوء… 

مريم

ايوه يا معتز؟.. 

معتز بنبره مهزوزه

انتي فين؟.  

مريم

انا في البيت في حاجه ولا ايه؟.. 

معتز

في البيت فين بالظبط؟.. 

مريم بغيظ

انت بتزعق ليه، واقفه في البلكونه شويه في حاحه.؟.. 

معتز بخوف وصوت عالي

طيب ادخلي بسرعه يلااااا.. 

مريم

لا الجو حلو اووي انا مش هدخل 

نزلت دموعه وقال بعصبيه

انتي ما بتفهميش يا مريم بقولك ادخلي بسرعه

مريم 

طيب عشان لسانك الطويل ده والله ما انا داخله

معتز بصوت مليان خوف

عشان خاطري ادخلي ابوس ايدك بقي ادخلي جوه وما حدش يطلع من البيت غير لما اجي

مريم بقلق

حاضر هدخل بس انت في ايه، انت كويـ اعااا.. 

_قبل ما تخلص كلامها سمع صوت ضرب نار وصوت صرختها بألم.، وقع الموبيل من ايده وقال بدموع وخوف فاق الوصف..

معتز

مريم مش هتروحي اكيد ما فيش حاجه حصلتلك.. 

_ وزود من سرعة العربيه وهو هيتجنن ويعرف ايه اللي حصلها.. 

_ وصل معتز البيت ونزل من العربيه بسرعه لقي عربيات اسعاف قدام بيته.. دخل بسرعه وقابله اياد علي السلم وقال وهو بيعيط… 

اياد 

بابي الحق تيته.. 

معتز بصدمه ودموع

امي… 

_تفتكرو ايه اللي هيحصل؟…