رواية الخارقة الفصل العاشر10 بقلم مجهول

رواية الخارقة الفصل العاشر بقلم مجهول

لما عرفت انى فقدت العذرية مبقتش مصدقة ولافاهمة ازاى كل الرجالة دى معرفتش تعمل معايا حاجة ومن علاقة واحدة افقد عذريتى وبكل سهولة ، فضلت قاعدة مع سامر اكتر من كام ساعة ولا عايزة اتكلم ولا عندى نفس اعمل اى حاجة ، كل اللى بعمله انى بفكر ، هقول لبابا ايه خاصة بعد ماكان طاير من الفرح ان كل الامور رجعت تمام ، والاعلام اللى عملنى بطلة قومية ، طب لو حبيت اتجوز حد غير سامر ، الفضيحة هتكون ازاى !!.

مشيت وانا بفكر فى اجابة لكل الاسئلة دى ، لكن سرعان ماتماسكت شوية ووقفت على رجلى وروحت البيت ، قلعت هدومى وخدت دش وعملت بلوك لسامر من غير اى سبب ، حسيت انى خلاص خدت اللى عايزاه منه وان مش هو ده الراجل اللى انا عايزة اكمل حياتى معاه وعجبنى اوى موضوع الخارقة وناوية انى افضل مكملة كده وافضل اكبر فى عيون الناس لحد مااكون اشهر واقوى واحدة على الارض.

وكانت الصدفة الجميلة انى لقيت مخرج مشهور كلمنى وقالى :

= استاذة شيماء ، ازى حضرتك انا المخرج عابد عابد عابد

.. اهلا ازى حضرتك غنى عن التعريف طبعًا

= كنت محتاج حضرتك تمثلى معايا فى الفيلم الجديد

.. شرف ليا يااستاذ عابد ، بس ايه الدور

= حضرتك هتطلعى مشهدين او تلاتة فى الفيلم الجديد ومش هنختلف فى الفلوس

.. انا افتكرت حضرتك هتدينى دور بطولة

= ان شاء الله يااستاذة شيماء ، لكن مينفعش تجربتك الاولى تكون بطولة ، لازم على الاقل تمثلى فيلم او اتنين وبعد كده ربنا يسهل ان شاء الله

.. انا موافقة

= ومن الناحية المادية حضرتك متقلقيش ، انا مقدرك كويس جدًا

قفلت المكالمة وقررت اخوض التجربة اللى هتحققلى جزء من احلامى وهي الشهرة ، وفعلا روحت اللوكيشن وقريت المشهد وكان عبارة عن انقاذ قارب غرقان بدون معدات انقاذ ، الفيلم كان بيحكى عن تلاتة تاهو فى جزيرة والقارب بتاعهم حصل فيه شرخ وغرق وهما نايمين على الجزيرة وطبعًا مكنش قدامهم حاجة غير ان حد منهم ينزل يجيب القارب من قاع البحر من غير مايحصله حاجة في مجازفة شديدة

طبعًا سألته قبل ماادى الدور وقولتله:

= وايه يضمنلى يااستاذ عابد انى هعيش تحت المياه زى المرة اللى فاتت ، او الاسماك المتوحشة اللى تحت المياه متاكلنيش او يحصلى اى حاجة تحت

ضحك وقالى بهزار:

.. ده انتى شيماء الخارقة وبعدين متقلقيش فى كاميرات وغواصين نازلين معاكى ومأمنينك لو لقينا حصل اى حاجة هيتم انقاذك 100 %

اطمنت لما شوفت الغواصين ومعدات الانقاذ ، لبست هدوم الدور وقعدت على الجزيرة مع الاتنين وطبعًا نزلت البحر جرى وفى الاول كنت مرعوبة وكنت بنزل بحذر وبترقب لحد مانزلت دماغى فى المياه وحاولت اتنفس ، والحمد لله حسيت بدخول الاكسجين جسمى وكأنى بره البحر وكمان فتحت عينى وموجعتنيش ولا حسيت بملوحة المياه الزايدة ، بالعكس الموضوع كان ممتع جدًا ، وبدأت كمان اصور حاجات تحت المياه خارجة عن النص”، بأنى اجرى ورا الاسماك واشوف تعبان البحر واشده من ديله ، مسكت القارب من تحت ورفعته بايدى الاتنين لفوق وفضلت اادف برجلى علشان اطلع بيه على سطح المياه ، الغواصين مكانوش مصدقين حسيت انهم مش فى وعيهم او مخضوضين من القدرة اللى عندى.

عدى كام يوم والفيلم نزل فى السوق وبدأت الناس تعرفنى وتسألنى عن المشهد ده وهل حقيقي نزلت فى المياه من غير معدات ولا ده جرافيك ولما كنت بأكدلهم كنت بشوف في عنيهم نظرات الاعجاب الشديد ، مستنتش ان استاذ عابد يكلمنى علشان دور جديد وكلمته وقولتله:

= مبروك لنجاح الفيلم يااستاذ عابد

.. الله يبارك فيكي ياشيماء ، اديتى حلو بس ناقصك شوية حاجات علشان تكونى ممثله كويسة

= ايه هي يااستاذ عابد؟! ده انا كنت لسه هقولك على دور البطولة

.. علشان تبقى نجمة شباك لازم وانتى معايا اخلاقك وكسوفك تحطيهم على جنب

= اعتبرنى حطيتهم على جنب

.. لازم اتاكد بنفسي وهديلك دور يكسر العالم كله مش مصر بس وهوصلك للعالمية ، انا عندى فكرة فيلم عن بطله بتستغل قوتها الخارقة بأن النار مبتاكلش جسمها فى جمع ثروات البراكين والمناطق اللى جنبها وبتساعد الفقرا والمساكين

= الله حلو جدًا يااستاذ عابد

.. بس عندى شرط واحد قبل مااديلك دور البطولة

= ايه هو ؟؟

.. لازم اتاكد انك راكنة الاخلاق والعادات وكل حاجة على جنب وعلشان كده هتجيلي البيت

= وانا موافقة ..