رواية اياد ورنا الفصل الأول 1 بقلم رنا سليمان

رواية اياد ورنا الفصل الأول 1 بقلم رنا سليمان

رواية اياد ورنا البارت الأول

رواية اياد ورنا الجزء الأول

رواية اياد ورنا الحلقة الأولى

_انت هتمشي بجد
_انتي شايفه ايه!
_انا كنت فاكرة ان يونس بيهزر يا اياد
_مش كل الأوقات الهزار ينفع فيها يا رنا…. وجودي هنا مبقاش ينفع
_ليه مبقاش ينفع………انت…انت عارف اني مقدرش اعيش وانت بعيد عني يا اياد…….اياد…اياد انت وجودك جمبي مهم متسبنيش يا اياد
قفل شنطته و اخد نفس طويل وبعدين بص عليا واتكلم بحزن
_مبقاش ينفع يا رنا ……..انتي خلاص بقيتي بتحبي يونس وهو كمان بيحبك وانا مش هقدر اشوفك مع غيري
انا قولتهالك قبل كده اني بحبك بس انتي رفضتي حبي ليكي دا واختارتي يونس
_بس انت عارف ان
_انا مبقتش عارف حاجه يا رنا……..على فكرة انا مش زعلان منك ولا حاجه علشان انا عارف انه مش ب ايدك ………انا عارف ان قلبك عمره ما حبني وانك بتحبي يونس ……….علشان كده انا مش حابب اقعد هنا واتعذب وانا شايفك مع غيري
علشان كده انا قررت اسافر واسيبكم
_طيب………طيب ممكن تقعد وتسمعني وانا هشرحلك كل حاجه
_اسف يا رنا مش هقدر فاضل علي معاد الطيارة ساعتين ونص يدوب اوصل المطار واخلص الإجراءات………..عن اذنك
_لا اياد علشان خاطري بلاش تمشي
اخد شنطته ومشي ومهتمش بكلامي ليه………خرج من الاوضه ……..فضلت واقفه مكاني مش مصدقه اللي بيحصل……..اللعبه اللي كنت بلعبها في لحظه اتحولت لحقيقة……….كنت بحاول استوعب ازاي دا حصل ……….فضلت على الارض بعيط لحد ما سمعت تخبيط على الباب مسحت دموعي وانا بكرر اسمه بفرحه وقومت بصيت على الباب
_اياد
اول ما بصيت على الباب وكان عندي امل اني الاقيه قدامي بس املي راح على الفاضي ولقيت يونس هو اللي موجود قدامي…….كان باصص على الارض اتكلمت بحزن
_مشي!
قلبي كان بيدق جامد وكان نفسي اسمع اجابة تانيه غير اللي انا عارفها …….هز راسه ب اه ………قعدت على السرير وبدات اعيط من تاني
_مشي ازاي يا يونس ……..مشي ازاي قبل ما يعرف الحقيقة…..انا انا كنت ناويه اقوله الحقيقة كلها والله ……..مشي قبل ما يعرف اني بحبه يا يونس
قرب مني و وقف قدامي
_قولتهالك قبل كده يا رنا ان اللي انتي بتعمليه دا غلط ونتيجته هتكسر قلبك
وادي كلامي طلع صح في النهايه………….اياد خلاص راح من ايدك ومش هيرجع تاني
فضلت اهز في راسي ب معني لا
_لا ………لا انا مش هسيبه يروح من ايدي تاني يا يونس
_يعني هتعملي ايه يعني يا رنا
_اي حاجة….اي حاجه المهم انه ميسبنيش
جريت من قدامه وخرجت برا البيت ……….كان بينده عليا بس انا مكنتش برد ……..كنت بجري على امل اني الحقه قبل ما يسافر ……….كنت غبية لما قررت العب عليه اللعبه دي انا ويونس………..وبالرغم من تحذيرات يونس ليا اني هخسره مهتمتش بكلامه وكملت في اللعبة دي بردو
كنت رايحه جايه قدامه بعصبية وهو كان قاعد حاطط رجل على رجل وماسك تليفونه بيلعب فيه بدا يتكلم وهو باصص في التلفون
_هتفضلي رايحه جايه كده كتير متهدي وتقعدي بقي
بصتله وبدات اتكلم بعصبيه
_يعني عجبك اللي اخوك بيعمله دا يا يونس
_وهو عمل ايه يعني يا بنتي انتي ………….كل الحكايه انه وقف مع نسرين بنت عمتك خمس دقايق مرتكبش جريمة يعني
_والله………وهو كان بيتكلم معاها عادي ………دا كان عمال يضحك ويهزر معاها ولا كأني موجوده اصلا
_انا اسف ل سؤالي دا يعني……….بس هو هيهتم بوجودك ليه وانتي وهو مفيش بينكم حاجه اصلا
_تصدق انك معندكش دم والله
_انا بتكلم بجد والله………..انتو الاتنين لا مخطوبين ولا متجوزين ولا نيلة على دماغكم اصلا وانتي مش بتحاولي انك تقربي منه اصلا ولا تبيني مشاعرك ليه
_هو المفروض ان انا اللي اعمل كده بردو يا يونس ولا هو
_والله انا شايف أن اللي بيحب التاني اكتر هو اللي يروح ويعترف بحبه الاول
_ اسكت يا يونس ومتعصبنيش بكلامك دا علشان انا متعصبة لوحدي اصلا
فضلت رايحه جايه قدامه تاني وهو ماسك التلفون واحنا الاتنين ساكتين لحد ما جات في دماغي فكرة ……..وقفت مكاني وابتسمت واتكلمت بصوت عالي
_الغيرة
_غيرة!………انتي بتكلمي نفسك يا رنا
بصتله وقعدت قدامه وانا مبتسمة وبدات اتكلم
_ايه اللي بيخلي الشخص يجري على اللي بيحبها ويعترفلها بحبه ليها
_ايه؟!
_الغيرة يا يونس الغيرة
_مش فاهم
_يبني افهم لو واحد بيحب واحد وحس انها ممكن تروح من ايده هيجري ويعترفلها بحبه يعتي لو اخوك شافني بروح من ايده والشخص دا هياخدني منه هيتجنن ويحاول ب اي طريقة انه ميخسرنيش وهيجي يعترفلي بحبه
_طيب ومين بقي يا ست الكل اللي هتخلي لوح التلج اخويا دا يغير منه
_ودي عايزة كلام طبعا………ابن عمي
_طيب وتفتكري ابن عمك ه……..اية!!
غمضت عيني وابتسمت وهزيت راسي ب اه
_لا مستحيل
_ولا مستحيل ولا حاجه صدقني
_لا انا بقولك مستحيل………….انا رقبتي ممكن تطير فيها دي يا رنا وانا مش مستغني عن حياتي
_هتعمل اللي قولتلك عليه
_قولتلك لا
_اه
_لا
_اه
_لا
_قولتلك اه
_قولتلك لا يعني لا ولو قاعدتي تقنعي فيا من هنا ل بكرة لا يعني لا يا رنا
_هديك رقم اسراء صحبتي
_ها بقي هنبدا في تنفيذ خطتك العظيمه…العظيمه جدا دي امتي
ابتسمت وبصتله واتعدلت في قعدتي
لعبة غبية مني كنت فاكرة اني كده هقدر اخليه يعترف بحبه ليا
وبغلطة صغيرة مني دمرت كل حاجه وخسرت حبي الاول والاخير
نزلت من العربيه في نص الطريق بعد ما لقيت الدنيا زحمه
كنت ماشيه في الشارع بسابق الزمن وبتمني اني الحقه قبل ما يسافر
وصلت للمطار وقبل ما ادخل لقيته قدام المطار وكان داخل
فضلت انده عليه ب فرحه
_اياد…….اياد استني
فضل يبص حواليه لحد ما شافني بقرب منه ………اول ما قربت منه مسكت في ايده وانا بضحك وكنت بنهج جامد………..اتكلمت وانا بنهج
_ال الحمد ل لله اني لحقتك
مسك في ايدي واتكلم بقلق
_في ايه يا رنا انتي ايه اللي جابك هنا……..في حاجه حصلت ولا ايه
هزيت راسي ب لا
_طيب اهدي وبعدين اتكلمي
اخدني وقعدني علي اقرب كرسي واداني ازازه مياة فتحتها وشربت منها وبدات اخد نفسي اتكلم ب استغراب
_ممكن افهم انتي ايه اللي جابك لحد هنا
_لو مكنتش جيت كنت هندم عمري كله ………في حاجات كتيرة انت متعرفهاش ولازم تعرفها
_احنا مش اتكلمنا في الموضوع دا وقولتلك اني مش عايز اعرف حاجه
_لا يا اياد مش بمزاجك
انت لازم تعرف كل حاجه دلوقتي …….كل حاجه انت تعرفها هي لعبه وبس انت متعرفش الحقيقة
_لعبة؟……….لعبه ايه دي………انا مش فاهم حاجة
فضلت ساكته وبصتله بحزن
_اتكلمي يا رنا لعبة ايه اللي بتتكلمي عنها دي انا مش فاهم حاجه………ساكتة لية
_انا كل اللي عملته دا كان بسبب حبي ليك يا اياد ……….عارفة اني غلطت بس كل دا علشان حُبي ليك وبس
_انا مش فاهم حاجة………..رنا ممكن تفهميني اية اللي بيحصل علشان معاد الطيارة فاضل عليه ربع ساعة وانا مش عايزة معادها يفوتني
بصتله بحزن ورجعت بصيت في الارض ……….كنت خايفة انه بعد ما يسمع اللي عندي يسبني ويسافر واخسره للابد

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية اياد ورنا)