رواية بيت العيله الفصل السادس عشر 16 بقلم امل صالح

 رواية بيت العيله الفصل السادس عشر بقلم امل صالح

بصلها وسكت فمسكت إيده وشدته للسرير، قعدت وهو قصادها، لسة ماسكة إيده..

– متفكرش كتير..

رد بعد صمت ثواني – ازاي يا حورية؟ 

بيتهمني بسرقة أمي! ضربـ.ـني من غير ما يعرف حتى إذا كان شكه في محله، واضح ان كلهم مفكرين نفس الشيء!

– مش مهم! أنا واثقة فيك وواثقة إن عمرك ما تعمل كدا، أنت هتفضل في نظرية باسل الراجل الصادق اللي بيحبني، اللي الدنيا كلها تشهد بأدبه وأخلاقه، سندي وكل ما ليا.

بصلها ومردش فحضنته وهي بتكرر – أنا معاك ومصدقاك يا باسل.

في اليوم التاني، واقف ياسر في محل الذهب بعد ما طلعه ووقف عشان يستبدله، محطش في دماغه الفحص الدي بيتعمل من صاحب المكان.

اللي سابه لدقايق ودخل جوة بعدها خرج..

– هتتأخروا ولا إي؟

– ثواني يافندم بنجهز الفلوس.

عدى ربع ساعة بالظبط وكانت الصدمة، شريف أبوه ورضا داخلين المكان…!!!