رواية جاسر وحور الفصل الثالث عشر 13 والأخير بقلم الكاتبه الصغيره

رواية جاسر وحور الفصل الثالث عشر 13 والأخير بقلم الكاتبه الصغيره 

الدكتور بأسف =حالتها صعبه وكمان حامل احنا طلعنا ليها الرصاصه ودخلت في غيبوبه ادعيلها 

مسكه جاسر من هدومه وقال= انت بتقول اي وانت شغلانتك اي ادخل فوقها 

مسكه عمر وقال= اهدي يا جاسر مش كده هو عمل اللي عليه 

سابه جاسر ودخل لحور لقيها متوصله بأجهزه كتير ووشها شاحب قعد جمب سريرها بأنهيار وشد شعره وقال بندم= انا السبب انا اللي دخلتك اكتر في مشاكلي لما اتجوزتك فكرت الا في نفسي 

دفن وشه فيها ودموعه نزلت 

عمر بحزن =سيبه يا دكتور مش هيعمل حاجه هو عايز يقعد جمبها 

جاسر =افتح الباب ده 

العسكري/ ما ينفعش يا جاسر بيه

 قبل ما يكمل كلامه كان ضربه ببوكس في وشه وطلع المفتاح من جيبه دخل لقي ابن عمه قاعد ولما شافه قام بخوف قفل عليهم وبص ليه ببرود حسام, عايز اي يا جاسر 

ما أدهوش فرصه ونزل فيه ضرب كان سامع صوت عضم حسام اللي بيتكسر من ضرباته ليه 

خبط عمر علي الزنزانه وقالَ= افتح يا جاسر كفايه كده

 بص عمر جمبه لقي عم جاسر واقف جمبه وساكت والحزن باين علي وشه بس ابنه يستاهل كفايه عملته في مرات ابن اخوه اللي بين الحياه والموت 

طلع جاسر مسدسه فقال عمر بخوف= اياك يا جاسر صدقني حقك وحق صدقني حقك وحق مراتك هيرجع ما ضيعش نفسك مراتك محتجاك 

ضربة جاسر بطلقة في ايدة صرخ حسام وهو بيمسك ايده بوجع مسح عمر وشه قال بزعيق للعساكر= اتصرفوا هتقعدوا تتفرجوا افتحوا الزنزانه دي 

داس جاسر علي ايده فصرخ اكتر وقال/ مش قولتلك هعذبك وهندمك علي اللي عملته

 حسام بخوف/ ابوس رجلك يا جاسر سيبني انا واد عمك وغلطت سامحني 

ضربه جاسر بطلقه تاني في ايده التانيه وقال بغل/ انت مش قد كلام الرجاله ودلوقتي انا بنفذ اللي وعدتك بيه 

قطع كلامه لما سمع صوت همس عمه بص ليه لقي دموعه نازله محمود/ علشان خاطر عمك سيبه صدقني يا ابني خساره تضيع نفسك في الو*سخ ده 

دخل عمر وشد منه المسدس وزعق فيهم علشان يرفعوه ويعالجوه عمر= انت لا فكرت في ابنك ولا مراتك التعبانه وفكرت انك تقتل حسام احب اقولك ان وانت هنا مراتك تعبت اكتر وحملها صعب عليها اكتر ولازم تولد حالا 

اتصدم جاسر وطلع يجري وصل المستشفي في وقت قصير لقي ام حور وأمه وابنه مالك قاعدين وبيبكوا قعد علي الكرسي ما قدرش يمشي اكتر من كده دموعه نزلت فقرب منه ابوه وخبط علي كتفه بحزن طلع الدكتور فجروا عليه الا هو مكنش قادر يقوم وعنيه متعلقه علي كلام الدكتور اللي قال بأبتسامه= الحمدلله لحقنا مدام حور بس للأسف حملها ضعيف ونزلناه قدر الله وما شاء فعل ربنا يعوض عليكم

 قام بسرعه ودخل ليها قعد جمبها وسند راسه علي صد*رها ودموعه نزلت وصوت عياطه علي اول مره يبكي كده بس هو خاف يخسرها دخل مالك وحط راسه علي ايده وقال =ما تخافش يا بابا ماما هتكون بخير

 رفع راسه ليه وحضنه 

فاق علي ايد بتمشي علي راسه رفع وشه بنوم فشاف وش حور قريب منه ابتسم بفرح =حور انتي فوقتي طيب كويسه هنادي الدكتور قالت بتعب= انا كويسه يا جاسر خليك جمبي

 قرب منها وباسها في وشها بحب قال بدموع =خوفت اخسرك مكنتش هقدر اعيش من غيرك

 حور بحب= ربنا كتب ليا عمر جديد علشان اكمل حياتي معاك ومع ولادنا

 أتنهد جاسر وقال =حور انتي مؤمنه وعارفه ان ده قدر ربنا

 زمت بوقها علشان تتحكم في عياطها وقالت= هو انا كنت حامل بجد

 مسح وشها وقال= ربنا هيعوض علينا يا حور بس انتي قومي بالسلامه وهنخلف بس ما تتعبيش مني وتقولي كفايه عيال 

نزلت دموعها وبكت وهي بتردد الحمدلله علي كل شئ حضنها وقال رغم تعبه وحزنه= لو ما سكتيش هضطر اعمل حاجه تزعلك ولو عايزه عيال بسرعه انا ممكن اغلط في المستشفي هنا

 ضحكت وهي بتضربه في صدره كان هيقرب منها اكتر بس اتفتح الباب ودخلت عيلتهم جري مالك عليها وحضنها بفرح =ماما اخيرأ فوقتي 

حضنته وقالت بحب= عامل اي يا حبيبي

 حليمه بتوتر= عامله اي يا بنتي 

حور بأبتسامه الحمدلله بخير 

حضنتها امها وهي بتبكي وبتحمد ربنا علي كرمه وأنها بخير

 محمود= جاسر يا ابني كنت عايز اشوف ريهام

 اسودت عين جاسر فقالت حور= سيبه يا جاسر دي مهما كانت بنته 

نفخ جاسر وهز راسه باقتضاب مشيت العيله فقالت حور =جاسر مهما غلطت ريهام فعرف ان اخوها اللي وداها للسكه دي خليها تتعالج دي مهما كانت بنت عمك 

بص ليها بحب وقال= بعد كل اللي عملته فيكي بتفكري فيها 

حور وهي بتمشي ايدها علي دقنهََ= محدش هياخد حاجه من الدنيا دي ولو هي أذتني فأنا مش هعمل ذيها اوقف معاها هي محتجاك خليها تخلص من اللي فيها

 قطع كلامها لما قرب منها وباس*ها بعد عنها وسند دماغه علي دماغها =انا بحبك يا حوريتي ومش عايز غيرك 

حور= ولا انا عايزة غيرك بحبك

النهاية