رواية رواية كفاح امرأة الفصل الثالث 3 بقلم شهد وليد

رواية رواية كفاح امرأة الفصل الثالث 3 بقلم شهد وليد

رواية رواية كفاح امرأة البارت الثالث

رواية رواية كفاح امرأة الجزء الثالث

رواية رواية كفاح امرأة الحلقة الثالثة

رد مالك صدمني وقال:-هه عندي اي انا معنديش غير سرير واحد وبنام احنا والعيال اسنتو بقا لحد ماجيب سرير تاني.
قولت وانا مصدومه منهم:-بجد انا مصدومه منكم اوي انتو الاتنين بتحدفوا ماما لبعض انتو ازاي كده دي امكم مش مستحملين امكم ياربي عليكم ده جزاتها بعد مربت وكبرت وعلمت وجوزت اي الزمن ده اللي مخلي الولاد مش مستحملين امهم عشان تعبانه، عمتا انا مش هسيب ماما عندك يامالك لان نوران مراتك اوحش ميت مره من نڤين.
نڤين:-خلاص يختي خايفه عليها اوي كده خليها عندك واهي منها ع طول تبقي قدام عينك.
-رديت وقولت:-انا كده كده مكنتش هسيب امي عند حد فيكم انا هخدها عندي وههتم بيها انا اولي بأمي منكم.
رد عمر جوزي بتوتر:-وقال هناخدها تعيش معانا في شقتنا.
-قولتيله:- اه يعمر هتعيش معانا في شقتنا في حاجه ولا اي.
عمر:-لا يحبيبتي مفيش دي تنور طبعا وفي نفسه قال ده اللي كان ناقص ولادها يرموها وانا اللي اشيل الليله.
-روحت لماما قولتلها:-يلا يماما نحضر الشطنه وعلاجك انا مش هسيبك هنا لحظه، جهزت ماما وخرجنا واحنا ماشيين قوبمت ل نڤين كلمتين:-ع فكره ماما مش محتجالك بالعكس انتي اللي كنتي محتاجه لدعواتها ورضاها عليكي وبصيت لاخواتي وقولت وانتم كمان خسرتوا الجنه بسببها بس يخسارة عليكم، بعدها وجهت كلامي لياسر وقولت:-لو سمحت هات مفتاح الشقه بابا وخد مراتك وارجع بيها لان دي شقه بابا وامي اولي بيها.
ياسر:-اي ده يماما انتي مقولتيش ليارا انك كتبتيلي الشقه بإسمي ولا اي.
بصيت بذهول لماما وقولت:-اي ده يماما انتي كتبتي الشقه لده ودي.
ياسر:- ياختي كتبتهالي ودلوقتي بقا انا اللي اقولك خدي بعضك وامشي من بيتي.
يصيت ليه بصدمه هو ازاي يتكلم معايا كده انا وماما قد اي انا قلبي وجعني بسبب اخوات بصيت ليه خدت بعض انا وماما وعمر ولفيت ضهري ليهم وقولت:-حسبي الله ونعم الوكيل كله بحسابه وكله بيترد ياخواتي يكبار.
-خدت امي ومشيت وانا حزينه ع منظر امي اللي كان الدموع مغرقه وشها بسبب اللي عملوا اخواتي فيها، فضلنا ساكتين طول الطريق لحد موصلنا بيتي انا وعمر، نزلنا وليقينا مامته واقفه قدام البيت جريت علينا وقالت كنتوا فين يحبايبي قلقتوني عليكم ولسه هتكمل كلامها لقيتني بنزل كرسي امي المتحرك وبعدها بنزل امي بصيت وهي مزهوله وقالت:-اي ده ازيك يا ام ياسر عامله ايه يحبيبتي.
-ردت امي وقالت:-الحمدلله يا ام عمر انتي بخير يحبيبتي.
-ردت حماتي اللي لسه مصدومه وقالت اه الحمدلله، طب بعد اذنك يحبيبتي عايزة عمر في كلمتين، خدت حماتي عمر وانا اخدت امي وطلعت شقتي ودخلت ماما اوضه الاطفال قولت لماما بعد ازنك يماما هروح اعمل العشا.
ماما:-انااسفه يبنتي اني هتقل عليكي واسفه مره تانيه عشان موضوع الشقه بس والله العظيم اخوكي مضاني من غير ماعرف وفضلت تعيط.
-قولتلها:-انا مش زعلانه يا امي انا زعلانه عليكي بس وانهم عملوا كده معاكي عشان ميعروفوش قيمتك، وبعدين اي هتقل عليكي دي انتي لو فضلتي معايا طول عمري هبقي مبسوطه اوي هو انا اطول اني اشوف وشك الجيمل ده ع الصبح كل يوم واسمع دعواتك اللي زي سكر زيك دي.
– ضحكت امي وقالت:-ربنا يخليكي ليا يحبيبتي افرح بعيالك يارب، بس هو كده جوزك مش هيضايق مني هو وامه.
-رديت عليها وقولت:-عيب يا امي تقولي كده انتي عارفه عمر وامه بيحبوكي ازاي وبعدين انا اللي هشيل مسؤليتك ورعايتك وفلوس علاجك ومش هاخد منه حاجه اطمني.
ننزل بقا تحت عند عمر وامه.
ام عمر قالت:-اي ده يعمر اي اللي جاب حماتك هنا.
حكالها عمر ع كل حاجه حصلت من اخواتي ردت عليه وقالت:-يالهوي حسبي الله ونعم الوكيل فيهم، بس انت ذنبك اي تشيل المسؤليه دي وبعدين كده مراتك تتلهي عنك ومش هتعرف تاخد بالها منك لانها امها محتاجه رعايه كبيرة ومصارف واحتمال كمان تاخد مراتك منك وعمري مهشوف عيل ليك.
قالت كده وهي بتحاول تأثر عليه.

يتبع…..

لقراءة الفصل التالي : اضغط هنا

لقراءة باقي حلقات الرواية اضغط على : (رواية كفاح امرأة)