رواية سجينه الماضي الفصل الثالث 3 بقلم هبة أحمد

ادهم / انا ماشي

الحاج محمد / طلق بنت ابنى الاول

ادهم / مستحيل اطلقها لما ارد كرامة أبويه انت ناسى لما امها رفضت تاجى هنا واخدتها وهربت

الحاجة صالحه / اخدت حورية فى حضنها اشتقتلك يا بنت الغالى

حورية / لو كان غالى عليكم مكنش اخوه رفع عليه السلاح و كان هيقتله لولا أنى اترميت فى حضن أبويه و امى قعدت تصرخ فخاف و طلع يجرى

الحاجة صالحه / بلاش تبكى علشان خاطري

حورية / محدش له عندى خاطر انتم جابتونى هنا علشان تنتقموا منى انا ذنبى ايه كل ذنبى انى بنت راجل اتزوج من بره العيله هو مقرر و فرض ان البنات و الولاد تتزوج من بعض فى العيلة كل ده علشان الأرض ما أبويه طلع اتزوج بنت غلبانه من أسرة فقيرة ربنا كان موسع فى رزقه و كنا عايشين كويس بس هو مات من القهر و الخوف منكم حسبى الله ونعم الوكيل فيكم كلكم

الحاج محمد / كل حاجة تتعوض

حورية / هاتلى أبويه و امى نفسى ارتمى فى حضن أبويه و أقوله خبينى من ظلم البشر انا بكرهكم كلكم سبونى فى حالى و طلعت فوق دخلت الاوضة و أغلقت الشباك كويس و باب الاوضة بالترباس و قعدت على السرير تبكى إلى أن غلبها النعاس فنامت

مصطفى / اتفضل ياشخنا يا جدى عمى مراد جه معايا

الحاج محمد / عوزك تطلق ادهم من بنت عمه طاهر

الشيخ مراد / أن أبغض الحلال عند الله الطلاق

الحاج محمد / بس حلال ياشخنا

الشيخ مراد / تمام يا حاج

الحاج محمد / شوف شغلك يا ابني

ادهم / انا رافض أطلق مرأتى و هى ماطلبتش الطلاق

الحاج محمد / بس انا قررت انك تطلق بنت عمك و دلوقت

ادهم / اسف ياجدى انا ماشى و لو تقدر تطلقها من غير وجودى اتفضل

الحاج محمد / بلاش تتحداني يا ابن ابني انت عارف اني ما حدش له كلمه بعد كلمتي

ادهم / كلامك سيف على رقبتي يا جدي بس بلاش نكون ظالمين بنت عمي لو مشت هتروح فين

الشيخ مراد / كلام حفيدك صح يا حاج انا ما اقدرش اطلق حد بالغصب يمكن ربنا يصلح حالهم سيب الايام تصلح ما افسده الدهر هامشى

انا

الحاج محمد / وصل سيدنا الشيخ وخد الحاجه اللى فى الجرن ( مكان واسع فيه خضار وفاكهة من محصول الأرض )

ادهم / انا اللى هاوصل سيدنا الشيخ خليك انت يا مصطفى

حورية / فضلت نايمة شبه المغمى عليها لساعات طويلة بدون حراك أو اكل

صباح جديد

٠٠٠٠٠٠٠٠٠٠٠٠٠٠٠

صدفة / ستى صباح الورد بقولك زمان البنية اللى فوق ماتت يامن الجوع أو الادهم اقترسها

الحاجة صالحه / عندك حق يابنتى و العمل

صدفة / اطلع اشوفها لسه فيها الروح ولا ماتت

الحاجة صالحه / طب و امك لو شافتك هتفترسك

صدفة / هاطلع و الأمر لله لو موت ابقى افتكرينى

الحاجة صالحه / ولا اعرفك جدك صحى نشوف رايه ايه

صدفة / حاضر وانا في الخدمه يا حاجه صالحه

شادية / تعالي يا موكوسه حضري الفطار معايا ام جعفر ما جتش النهارده

صدفة / حاضر ياماما جايه اهو

الحاج محمد / صدفه شوفي اختك صحت ولا لسه

صدفة / اختي مين فيهم دول ثلاث بلاوي

هيام / انا منهم يا كلبه و جريت وراها

فاتن / يبقى انا تعالي د انتى يومك عسل

خديجة / تعالوا يا بنات نخلص عليها ما هي دي اللي مخليانا مش ظاهرين كل اللي بيجي يقول صدفه صدفه صدفتك سوده تعالي

صدفة / جرت استخبت وراء جدها الحقني يا جدى هيموتوني

الحاج محمد / شوفي اختك اللي فوق قولي لها جدي عاوزك لو صاحيه

شادية / انت عامله زي ساعى البريد بتاعه التوصيل وبس

فاتن / فين ام جعفر عاوزين نفطر

شادية / بنتها والده وهتقعد معاها اسبوع يلا على الحوض اغسلى المواعين وانتى حضري الفطار معايا وانتى حضري السفره وخدي مني

هيام / طب ابله صدفه هتعمل ايه

شادية / الموكوسه صدفه ساعى بريد بتاعة توصيل كل حاجه بين دي ودي يعني مش هتعمل حاجه معانا طول ما جدها قاعد وهي لازقه فيه

فاتن / هي البنت اللي جت امبارح راحت فين انا كنت فاصله طلعت نمت كان نفسي اسمع الحكايه بحالها

هيام / هات لصدفه ب 10 جنيه تسالي وهي تقول لك على كل اسرار البيت دي عامله زي القاموس ههههه

خديجه / لوعلى 10 جنيه ساهله لها مني 50 جنيه بس عايزه تفاصيل التفاصيل

صدفة / دخلت الشقه اخوها لقت المفتاح فى الباب من بره فبصت عليه في الاوضه بتاعته ما لقيتهوش قعدت تخبط على اوضه الاطفال خبطت كثير لحد ما حوريه صحت السماح يا باشا جدي عاوزك

حورية/ جدك انت مش جدي انا لا عاوزه انا ولا عاوزه اعرف حد و لا اتكلم مع حد

صدفة / طب علشان خاطري والله انا حبيتك يلا البسي بسرعه عندك لبس ولا اجيب لك من عندي

حورية / انا ما بحبش استعمل حاجه حد

صدفة / هو انتى متعلمه معك شهاده ايه

حورية / معايا كليه تمريض وكنت بشتغل بس منه لله اخوك ولا يبقىلك ايه بسببه اترافدت من شغلي اكيد

صدفة / بصي فرصه ليكي اطلبي من جدى انك عوزة تشتغلي وصميمي على كده هو هيخاف على زعلك وهيشغلك تخرجي خمس ست ساعات تروقي فيهم دماغك وترجعي للمعتقل هنا تاني انا خريجه كلية التربية و وقاعده بندب حظي منتظرة ابن عمتى اللي سافر من اربع سنين وما هانش عليه حتى يقول لي ازيك في يوم هو جدى اتفق مع امه يتجوزني لما يرجع وخلصت على كده

حورية / هو جدك ده الحاكم بامره ما يسيب كل واحد يتجوز اللي عاوزه ايه التخلف ده

صدفة / الا فى مساله الجواز هو اللي بيقرر وهو كمان اللي بيجيب الجهاز حتى لبس العروسه هو اللي بيجيبه بعد كده عيشه حياتك يا عروسه و الطمي في صمت

حورية / ممكن تنزلى وتسيبيني لوحدي

صدفة / عشان خاطري انزلي معايا الا الجماعه تحت مش مصدقين اني ممكن اقنعك تنزلي تحت وعلشان تاكلي كمان انتى ما اكلتيش حاجه من امبارح

حورية / انا ما اكلتش من اول امبارح منك لله يا عباس انت اللي ضيعت مستقبلي

صدفة / يخربيتك هو عمل فيك ايه يكونش ضحك عليكى

حورية / انتى بن….. .