رواية عشقني فحطمت غروره الفصل الثاني عشر 12 والاخير بقلم الشيماء ممدوح

 

 رواية عشقني فحطمت غروره الفصل الثاني عشر  والاخيربقلم الشيماء ممدوح

لما دخل اتصدم من اللي شافه 

الحارس لقي عادل مرمي في سريره زي الميت ..

طلع قال لمأمور القسم 

ونقلوه في مستشفي الس*جن..

 بعدين مأمور السجن أمر بإجراء تحقيق سريع مع الموجودين مع عادل في الزنز*انة 

وقدروا يمسكوا اللي اداله الحقنة 

عزت (المأمور): ايه اللي خلاك عملت كده وليه

المسج*ون : الحقنة دي جاتني في زيارة من زياراتي وادهاني راجل ماعرفش اسمه بس شكله غني جدا 

وقالي انه هو واللي شغالين معاه عايزين يخلصوا منه بأي طريقة وبسرعة

 قبل ما يقول اي حاجه عليهم وعرض عليا مبلغ كبير

عزت : تقدر توصفلي ملامحه وشكله وهيئته

هنا المسجون ابتدأ يوصفه واي معلومة ماهما كانت بسيطه الشرطة بتحاول تستفاد منها 

علي قدر الإمكان عشان تمسك الرجل ده هو كمان وتجيب أفراد العصابة كلها

بعدين المأمور اتصل بالدكتور اللي مسئول عن حالة عادل في مستشفي الس*جن 

عزت : ايه اخبار المريض قدرتوا تنقذوه ولا لا 

الدكتور : الحمدلله قدرنا ننقذه وبقا كويس دلوقتي 

وهنا دخل السج*ين اللي كان مع عادل في السجن واتفق معاه انه يهربه

 وعادل حكاله كل حاجه عن شغله بس المفاجأة

 أن السج*ين ده اول لما دخل أدي التحية لكل الموجودين في غرفة المأمور وكانوا من كبار الظباط المتخصصين

 في مكافحة الجريمة والمخدرات و دي نخبة شكلتها وزارة الداخليه لمراقبة العصابة دي والقبض عليها

 لانهم عصابه خطيرة وكبيرة وقدروا يملو البلد بكمية كبيرة من المخد*رات والمم*نوعات

 وعايزين يمنعوا تهريب الشحنة اللي جاية من خارج مصر لان من التحريات اللي عملوها قدروا يكتشفوا

 انه في تبادل شحنات يعني العصابة هتصدر مخد*رات وهما هيوردولهم سلا*ح مقابل شحنة المخدر*ات

عزت : ها قدرت تعرف معاد تهريب الشحنة ي حضرة الظابط جاسر 

جاسر : ايوه ي فندم انا بخبرتي قدرت اعرف منه كل حاجه عن الصفقة الأخيرة بتاعته 

عزت بفرحة : يعني عرفت امتا معاد تهريب الشحنة وازاي وفين 

جاسر : ايوه ي فندم عرفت..

هو قالي انهم طبعا فاتحين شركة استيراد وتصدير فهيصدروا شحنه دواجن بره مصر  

وهيلفو المخدرات جوه ورق صغير ملفوف بإحكام ومشابه للون جلد الدواجن 

لأنهم هيحطوا الورق الملفوف ده بين الجلد واللحم 

كأنهم بيحشوها بيه ومحدش يقدر يفرق بين الجلد والورق لانهم نفس اللون بالظبط 

واحد من الظباط الموجودين: دي فكرة خبيثة وشيطانية احنا مسكنا كتير من تجار المخد*رات

 وشوفنا طرق تهريبهم لكن دي مختلفه خالص انا الحقيقة مشفتش في خباثت*هم..

ازاي قدرت توصل للنتيجه دي في القضية ي سيادة الرائد 

جاسر: ي فندم ده توفيق من عند ربنا اولا ثم بفضل المعلومات اللي اداهلنا رجل الأعمال

 مصطفي الحفناوي لما فاق من الغيبوبة بتاعته روحناله واتكلمنا معاه

 وقدرنا ناخد منه معلومات قيمة عن العصابة دي وابنه مراد كمان مؤخرا كان بيساعدنا وبيدينا معلومات

 واحنا بنحاول نربطهم ببعض لاني شاكك ان دول عصابه واحده

 و غير التحريات اللي عملوها باقية الزملاء قدرنا نتوصل للنتيجة الهايلة دي 

عزت : طيب عرفت هيهربوها ازاي 

جاسر: ايوه ي فندم .. في سفينه عالبحر تحت اسم تصدير شحنة دجاج

واحد من الظباط الموجودين: طيب ومعاد التهريب 

جاسر : التهريب هيكون في احتفالات رأس السنة

 بحجة انه إحدى الدول محتاجة الدواجن دي للاحتفال وبالمناسبة الدواجن دي عبارة عن شحنة ديوك رومي ..

عزت : دول ظابطينها بالملي…طيب اقعد عشان نعمل خطة الاقتحام 

بعد ما عملوا خطة الاقتحام وجه معاد تهريب الشحنة 

طلع الرائد جاسر والقوات اللي معاه واتجهوا لمكان التهريب 

ونجحوا في اقتحام السفينه والتحفظ عليها

 وفي مجموعة قوات تانية كان بيقودها النقيب محمد (اخو آدم الكبير)اتجهت لشركة عادل للتحفظ عليها 

وعلي الأوراق اللي فيها 

ونجحت الخطة وقبضوا علي العصابة واللي كان من ضمنهم

 راضي و رؤوف 🙂

النقيب محمد كان فرحان بالإنجاز اللي عمله وراح الشركه لابوه ابراهيم وكان جايبله هديه بالمناسبة دي

 وكان رايح لاوضة ابوه في الشركة 

عند ابراهيم في أوضته في الشركة :

ابراهيم بعصبية : ايه ي فريدة انا مش قولتلك متجيش تاني هنا انتي كل مرة تاجي و تعمليلي مشاكل 

فريده: مش همشي غير لما تقولي مين ابني ي ابراهيم واروح آخده في حضني

ابراهيم بسخرية: وانتي هيكون ليكي عين تروحي تقابيله

 وبعدين انتي فكرك انه لما يعرف انك سبتيه طول السنين دي كلها

 عشان الحق*ير اللي اتجوزتيه وعشان الفلوس هيرضي يرجعلك ولا حتي يبص في وشك 

فريدة بتوسل وبكاء : والله ماكان بإيدي غصب عني ي ابراهيم انا كنت بحميه من ابوه..

خفت عليه منه ..عشان هو مكانش عايز خلفه وكان عايزني انزله 

ابراهيم بانفعال : عشان ده شخص حق*ير ومش بتاع مسؤلية ولا جواز وانا حذرتك منه ي فريدة

 وقولتلك بلاش ده ..ده سمعته سبقاه وانتي مسمعتيش كلامي وكسرتي كلمتي واختارتيه هو

 وبدتيه عن أخوكي اللي كان بيحبك وخايف عليكي وعلي مصلحتك 

فريدة بندم وبكاء : مكنتش اعرف انه كده غير لما جربت بنفسي..ندمت وعرفت اني لو رجعتلك مش هتسامحني 

ومش هترضي تخليني عندك تاني بعد ماروحت اتجوزته وكسرت كلمتك ..

ندمت ..كنت فاكراه بيحبني بجد بس طلع كان بيتسلي بيا وبعدين زهق مني طلع مش بتاع جواز 

وكان بيسهر بره كل يوم ويصرف فلوسه علي الشرب والسهر والبنات وكمان نصاب 

ولما نصب علي جماعة كبيرة وعرفوا انه نصاب قتلوه ..كنت بقول انك متعرفش حقيقته وانه انسان كويس

 وبيحبني كنت بقول انك غلطان بس ندمت ندمت اني مسمعتش كلامك ..سامحني ي ابراهيم سامحني ي اخويا 

ابراهيم : خلاص الوقت فات ي فريدة والندم مش هيرجع حاجة جاية دلوقتي

 بعد ما جوزك مات وبقا ملكيش حد تدوري علي ابنك اللي بعتيه زمان وقبضتي تمنه

فريدة : والله ما قبضت تمنه وانا مدتهولكش عشان أقبض تمنه ..

انا ادتهولك لما خوفت عليه من ابوه لحسن يعمل فيه حاجة لانه كان عايزني اسقطه 

ولما تعبت وكنت هولد الخدم اتصلولي بالاسعاف ولما عرفت 

 انه مراتك كانت بتولد في نفس اليوم والمستشفي اللي انا بولد فيها كنت جاية اديك ابني 

تحميه لان جوزي عرف اني في المستشفي بولد وكان جاي في الطريق وهو مضايق ومتعصب وعرف اني ولدت 

وان الولد نزل سليم ..ولما انت قولتلي ان ابنك مات

 ومراتك لسه مفاقتش قولت اديهولك انت ومراتك تربوه بعيد عن ابوه

 اللي كل يوم يسهر مع واحدة شكل ويصرف فلوسه عالشرب والبنات

 وكنت عارفه انكم هتربوه كويس ومش هتحرموه من حاجة وهتدوله الحنان اللي هيتحرم منه 

لو كان راح لابوه الحقيقي كنت عارفه انكم هتخلوه أحسن حد في الدنيا بس انت مش مخليني اعرف عنه حاجة 

ابراهيم : ومش هخليكي تعرفي عنه حاجة ي فريدة انتي ازاي بتقولي انك مقبتضيش تمنه 

وجوزك جالي المكتب وقعد يزعق معايا ويقولي عايز فلوس واسبهولك وانا عشان اسكت الك*لب ده

 ادتلو المبلغ اللي طلبه وطبعا كان مبلغ كبير لان جوزك طم*اع بس ميغلاش علي ابني اللي فرحت بيه

 ومكنتش قادر ابعد عنه خلاص

فريدة : والله ماعرف ي ابراهيم والله ما قالي انه جالك ولا أخد منك فلوس ..

بعدين سكتت وافتكرت حاجة وقالتله..عشان كده..عشان كده كان بيعاملني كويس ومعاملته رجعت حلوة زي زمان

 اتاريه قبض تمنه ..انا عمري ما هسامحه انه حرمني من ابني ولا هسامح نفسي

 علي اللي عملته في نفسي وابني وعلي اللي عملته معاك ي ابراهيم سامحني 

ابراهيم : مش هقدر اسامحك ي فريدة لكن ابنك من حقه يعرف كل حاجة وانك امه يمكن هو يقدر يسامحك ..

ابنك يبقي 

النقيب محمد ي فريدة بقا ظابط أد الدنيا ورفع راسي وشرفني

 وبقيت ماشي افتخر بيه في كل مكان هو اول فرحتي وحتة مني ومن روحي 

فريدة ببكاء وفرح : عايزة اشوفه ي ابراهيم 

محمد كان واقف بره علي باب أوضة الشركة لما كان جاي لابوه وكان بيسمع الحوار ده وهو مصدوم 

وفي حالة ذهول من اللي بيسمعه فتح الباب ودخل وسط صدمة الموجودين

محمد بذهول : ايه اللي انا سمعته ده!!! يعني أنا مطلعتش ابنك؟!! والست اللي قدامك دي تبقي امي؟!! 

ابراهيم: سامحني ي ابني انت هتفضل طول عمرك ابني وحتة مني وهتفضل طول عمرك شايل اسمي

فريدة ببكاء وندم : ابني..سامحني ي ابني انا مكنتش عايزة اسيبك انا كنت خايفة عليك سامحني 

محمد كان باصصلهم بصدمة وذهول ومش قادر يتكلم ومشي من قدامهم وهو مصدوم ومن غير ما يرد علي حد فيهم وفريدة كانت عماله تنده عليه بس هو مشي وسابها

ابراهيم روح وحكي لأهله كل اللي حصل ميرفت وآدم كانوا مصدومين

 وميرفت فضلت تعيط بحرقة وتقوله مهما كان هيفضل ابني انا واول فرحتي ومحدش هياخده مني 

وآدم كمان حالته ماكنتش تقل سوء عن ميرفت وكان بيقول وانا كمان هيفضل اخويا الكبير وسندي في الحياة

 كلهم كانوا زعلانين لما سمعوا اللي حصل اما

 محمد أخد عربيته وراح لمكان عالنيل كل ما يضايق بيروحه وراح هناك عشان يفوق من صدمته 

_________________________________________________________________________________________

 راضي و رؤوف اخوات مصطفي لما اتمسكوا حبوا ينتقموا من مصطفي وابنه مراد وميتحبسوش لوحدهم

 وفضلوا يقولوا ان مصطفي ومراد كانوا شغالين معاهم في تجارة المخد*رات وقدموا الادله ضدهم ..

ليلي اول لما سمعت اللي حصل وأن عمامها اتقبض عليهم راحت لابوها وكانت عايزه تفهم منه كل حاجة 

ليلي : بابا انا عايزاك تحكيلي كل حاجة صحيح عمامي كانوا تجار مخدرات 

مصطفي بندم : ايوه ي ليلي كانوا بيتاجروا في المخد*رات وانا كنت شغال معاهم 

ليلي بصدمة : اايه!!!

مصطفى: ايوه ي ليلي انا في الأول كنت شغال معاهم لحد مانتي كان لسه عندك سنه تقريبا

 وعرفت ان اخوكي مدم*ن مخدر*ات اتكويت بناري وعلي رأي المثل طباخ الس*م بيدوقه

واعترفت بغلطي وأن ده عقاب من ربنا وقولت اني خلاص هتوب ومش هشتغل معاهم تاني 

ورحتلهم وقولتلهم اني مش هشتغل معاهم تاني لكن هما اتج*نو من اللي سمعوه وقالولي ازاي تسبنا في وقت زي ده 

خصوصا اننا كنا بنتم صفقة كبيرة بس انا اصريت علي قراري وسبتهم زمان وهما عشان ينتقموا مني

 قالولي ان ابني مراد مات خصوصا انه كان في حالة خطر واخدوا وسفروا بره عشان يشتغل معاهم

 عشان يبقوا انتقموا مني وحرقوا قلبي علي ابني وكمان شغلوه معاهم حرموني منه طول السنين دي كلها

 بعدين مراد سابهم ورجعلي واتبرع بكل الفلوس اللي عملها من شغله لجمعيات خيرية وكان متعاون مع الشرطة

 وقدملوهم ادلة ومعلومات مهمه ضد عمامك تثبت انهم تجار مخد*رات والشرطة استفادت

 منه وعملت تحرياتها بعدين اكتشفت انهم كلهم عص*ابه واحده شغالين مع الما*فيا

ليلي بصدمة: مين هما دول اللي عصا*به واحدة 

مصطفي: قبل ما اعمل الحادثة وادخل في غيبوبة كان في مكالمة جاتني من عادل

 ده رجل أعمال كبير وصاحب شركة كبيرة للاستراد والتصدير وقالي انه في صفقه كبيره هتحصل وهيكسب

 من وراها كتير وهيحصل فيها تبادل شحنات من الممنو*عات وكان عايزني اشتغل معاهم.. 

طبعا فضل يغريني ويكلمني عن الفلوس اللي هتاجيني من الشغل معاه بس انا اصريت علي رفضي

 وهو لما سمع كده قالي انه لو حكيت كلمه من اللي قالهولي هينت*قم مني اشد انت*قام..

 بعد ماسمعت منه المعلومات الخطيرة دي قررت اروح لإبراهيم واحكيله كل حاجة ونشوف ازاي هنبلغ عنهم 

كنت رايحله وطبعا حصلتلي الحادثه اللي عادل دبرهالي واول لما فوقت وابتدت صحتي تتحسن الشرطة جاتلي

 وادتهم كل المعلومات اللي اعرفها عنهم وكنت معاهم طول مهمتهم في القبض عالعصا*به انا ومراد.. 

ليلي : ياااه كل ده حصل وانا معرفش حاجه!!

رن تلفون مصطفي وبعد ما سمع اللي قاله المتصل كان مضايق قوي ليلي قالتله في ايه يا بابا من اللي اتصل

مصطفي: ده الرائد جاسر حب يقولي علي اللي عمله حسام..

حسام اول لما قبضوا عليه لانه كان شغال مع ابوه وعمه طبعا من ضمن الع*صابة .. 

اول لما اتمسك ومحمد شافوا قدر يميز ملامحه وقاله انت اللي كنت عايز تقتل اخويا يوم فرحوه

 طبعا محمد ماكانش يعرف ان ده حسام ابن عمك 

ليلي اضايقت جدا : يستاهلوا اللي حصل فيهم هو ده جزاتهم علي اللي عملوه

__________________________________________________________________________________________ 

اتعمل مؤتمر صحفي عن القضية بعد نجاح عملية اقتح*ام السفينة

 وكتبت عنها الصحف العالمية والمحلية وحضر المؤتمر الرائد جاسر ومدير العلاقات العامة في الوزارة 

صحفي وجه سؤال للرائد جاسر : ايه اخبار القضية ي سيادة الرائد 

جاسر : بعد اتخاذ الإجراءات القانونية الموضوع كله بقا في يد القضاء 

صحفي آخر : طيب ايه موقف مصطفي وابنه مراد 

جاسر : دول ساعدونا في القضيه وأدلوا بمعلومات قيمة ساعدتنا في القبض عالعصا*به كلها 

وده ممكن يحسن موقفهم في القضيه ويبقوا شهود ملك 

صحفي آخر : يعني ايه يبقوا شهود ملك 

جاسر: يعني هيشهدوا عالعصابه لما تطلبهم المحكمه وبشهادتهم دي هيدينو العصابة 

صحفي آخر : ي فندم احنا متعودين ان شحنات المخدرات بتاجيلنا من بره المرة دي حصل العكس 

جاسر: ايوه كلامكم صحيح لان في الآونة الأخيرة العصا*بة زرعت كمية كبيرة من المخدرات في الصحرا 

وده مكانش حد قدر يوصله بسبب الطرق الصعبة لكن احنا قدرنا نوصلها واكتشفناها 

واكتشفنا انهم عاملين خزانات للمية عشان تساعدهم لزراعة أصناف تانيه لكن مقدروش

 لاننا سيطرنا علي اغلب الأراضي الصحراوية اللي زرعتها العصابة بكميات كبيرة عشان يهربوها خارج البلد

صحفي آخر : هل تم ترقيتك لرتبة اعلي 

جاسر ابتسم : انا الحمد لله بقيت المقدم جاسر 

وهنا مدير العلاقات العامة انهي المؤتمر الصحفي

______________________________________________________________________________________ 

بعد مرور ٩ سنين

كان ابراهيم ومصطفي وميرفت وآدم وليلي ومراد ومراته وابنه متجمعين في فيلا واحدة

 وقاعدين بيضحكوا ويهزروا مع بعض وكان قاعد معاهم 

محمد ومامته فريدة اللي سامحها بعد شهور من لما سمع خبر انها مامته فكر

 وقال اذا كان ربنا بيسامح يبقي انا مش هسامح وكان بيفكر في الموضوع وأنها حاولت

 كذا مرة تستسمحه لحد ماسامحها وابراهيم كمان سامحها وجات تعيش معاهم بعد ما ندمت علي اللي عملته ..ومحمد كان بيقول انا ابن محظوظ جدا عشان عندي مامتين مش ام واحدة😂

اما بقا ندي تابت واتعلمت الأدب وأبوها رباها من اول وجديد وبقت شخص تاني خالص واتجوزت من شخص كويس وعاشت حياتها بطريقه صحيحة بعد ما عرفت غلطها وندمت علي كل اللي عملته في حياتها وبقت ملتزمة وبني آدمة كويسة  

خالد ابتدي من الصفر وبدأ في عمل شركته الخاصة واعتمد علي نفسه واتعلم من غلط ابوه ومشي في طرق صحيح بعيد عن الغ*ش والحر*ام والممنو*عات وكبر شركته وبقا معروف في السوق واتجوز من بنوته جميله ومن عيله كبيرة ومحترمة وخلف منها بنت وسماها ليلي 

وسيلين بنت محمد كبرت وكانت قاعدة بتذاكر

سيلين : بس بقا ي مراد مش عارفه اذاكر بعدين نبقي نلعب 

ليلي : مراد تعالي يلا كل وسيب بنت عمك تذاكر دي ثانويه عامة السنادي

الهام (مراد محمد): دي نفسها تبقي محامية كبيرة زيك ي ليلي

ليلي : ي حبيبتي دي هتبقي اشطر محامية في الدنيا ربنا يفرحك بيها ي روحي ويحققلها كل اللي بتتمانه 

ليلي والهام بقوا أصحاب جدا وزي الاخوات واسرارهم مع بعض ..

ليلي : مراااد .. تعالي ي مرااد كل ومتغلبنيش بقا…طيب تعالي كلي انتي ي ميرفت ي عيال حرام عليكم مش كده..

تعالي ي آدم شوف ولادك انا خلاص مبقتش قادرة عليهم 

آدم : خلاص ي حبيبي هاتي هأكلهم انا ..

آدم أخد الاكل وراح يأكلهم وهو بيتعامل معاهم بكل لطف وحنية وكانوا بياكلو وهما مبسوطين

ليلي : انا لحد دلوقتي مش مستوعبة ان ده 

آدم اللي كان شايف نفسه ومغرور ومش بيعمل حاجه لنفسه ومش بيتكلم كلمتين

 حلوين مع حد ..قاعد دلوقتي قدامي وكمان بيأكل الولاد بكل لطف وبيعاملني بكل حنيه

آدم بحب : عشان انتي قدرتي تغيريني ١٨٠ درجة ي 

ليلي انتي غيرتي حياتي وخليتي ليها طعم تاني شوفت معاكي حلاوة الحياة اللي مكنتش شايفها

 قبلك انتي قدرتي تغيري فيا حاجات كتير للأحسن ي ليلي حبك قدر يكسر غروري بعشقك ي لؤلؤتي

ليلي بحب : وانا كمان بعشقك ي ابو مراد