رواية عودة ملوك الفصل الثاني 2 بقلم زهرة عصام

رواية عودة ملوك الفصل الثاني 2 بقلم زهرة عصام

رواية عودة ملوك البارت الثاني

رواية عودة ملوك الجزء الثاني

رواية عودة ملوك الحلقة الثانية

– اوعي يا مالك سبني أنا ملوك يعمل فيها كدا ؟ أنا لازم أروح أطلق في زمارة رقبته
سيبي يا ملك سبيني أروح أعلمه الأدب من أول و جديد أصله خلاص نسي مين هي ملوك !! لا أنا محدش يقف قدامي ابدا سبوني بقولكم
ملك بهدوء :-
يا بنتي قطعتي نفسي اقعدي بقي مش قادرة أمسك أكتر من كدا
ملوك بتزمر :-
و لو يا ملك و لو لازم أروح ابطحه مش هرتاح ولا هيهدالي بال غير لما أشوف اللون الأحمر عليه أكيد هيبقي تحفه
مالك بسخرية:-
عاوزة تقتلي الراجل يا بنت ملك عاوزة تودي نفسك في ستين داهية
ملوك باعتراض:-
وإنت روحت فين يا حبيبي إنت الخير و البركة أنا هعمل بلاوي وإنت تداري عليا عادي يعني
مالك ساب اديها و قعد على الكنبه و هو بيقول:-
فرهديني منك لله ، و بعدين اية تداري عليا دي اية هنشتغل حرامية على آخر الزمن
ملك قعدت جنب مالك بعد ما تعبت من الوقفة و ملوك قالت:-
يعني عاجبكم اللي هو عاوز يعملوا فيا دا ؟ أبدا مش هيحصل سبوني عليه محدش يحوشني أنا لازم اخد حقي من حبابي عنيه
ملك بسخرية:-
حبيبتي إحنا قاعدين من ساعة و محدش ماسكك اتفضلي روحي يا ماما محدش هيمنعك
ملوك بشهقة:-
يعني انتوا بتتخلوا عني ؟ انتوا كمان هتتخلوا عني
مسكت الموبايل و فتحت الكاميرا و هي بتقول:-
اعوانك خانوك يا بوص ، حتي اهلي اللي جيبالهم المشاكل و الكلام من كل الناس دا حتي عم عبدو البواب اشتكي مني بس مكنش لازم يتخلوا عني
ملك باستغراب :-
بس البواب مسموش عم عبده ؟
مالك بسخرية:- حبيبتي فوقي إحنا معندناش بواب أصلا !!
ملك بضحك كالمهرج:- قول و المصحف كدا ؟
خلعت خفها المنزلي ثم وجهته صوب ملوك قائلة:-
لخبطيني و مخلتيش عندي تركيز منك لله يا شيخة أشوف فيكي يوم
ملوك ببرود مصطنع:-
الله و أنا مالي يا لمبي ، أنا واحدة كنت بكمل باقي المشهد و بعمل تيك توك بتدخلي نفسك في كلامي مع نفسي لييه هو أنا بدخل نفسي في كلامك مع نفسك ؟
ملك بصت لـ مالك و ضحكت يهبل و قالت:-
منين بيودي على فين يا مالك ؟ أنا معنش فاهمة حاجة
بصت لـ ملوك و رجعت بصت لـ مالك تاني و قالت:-
خالص
مالك ضحك على منظرها و باس على رأسها و قال بحنان:-
متهتميش لكلام الهبله دي يا حبيبتي ، دي واحدة مجنونة و حالفه تجنن الكل معاها يا روحي سيبك منها و ركزي معايا أنا
أنا عاوزك تصبي كل تركيزك و انتباهك ليا أنا ، أنا و بس
ملك بصت ليه و سرحت في عيونه و مالك بيبصلها بابتسامة صافية محببه لقلبها
– جو العشق الممنوع دا هيخلص أمتي ؟
قالتها و هي بتدخل راسها بينهم من ورا الكنبه
ملك اتخضت و قالت:-
اخص عليك يا ملوك خضتيني
ملوك بسخرية:-
سلامتك من الخضة يا مامي الحق يا مالك دي اتخضت لازم تعملها اسعافات أولية بس قبلها قولي هتنكر إزي عشان أنا يدوب أخد هدومي و انزل لمكان الجرائم
مالك بص لـ ملك اللي بصتله بخبث و قالت:-
مش عيب عليكي تبقي أمك قمه في التنكر و تسالي ابوكي برضوا ؟ عيب ولا مش عيب تعالي يا حبيبتي ورايا المخزن يا روح ماما اجبلك ملابس التنكر
مالك بضحكة من قبله متذكرا موافقة مع ملك :-
دا شكل التاريخ هيعيد نفسه ولا اية يا جدعان
ملك أخدت ملوك و فتحوا المخزن و ملك اتوجهت الي شنطة طلعتها و انفضتها كويس و هي بتقول :-
شيلي معايا يختي هو أنا بجيب الحاجات دي لمين لامي مثلا ؟
ملوك شالت معاها الشنطة و طلعوا بيها على اوضيتها
ملوك بصت لـ ملك بريبه و قالت:-
اية المفروض يحصل دلوقتشي ؟
ملك بخبث :-
كل خير يا حبيبه قلب امك من جوه شوفي لو فتحوا قلبي مش هيلاقوا غير ملوك قاعدة فيه عوزاكي تقعدي على الكرسي دا كدا و سبيلي نفسك على الآخر هظبطك من كل يا روح قلبي بس الأول خدي البسي اللبس دا يا نن عين أمك من جوه
…………….
تمام يا فندم
قالها و هو بيادي التحية العسكرية و بيبص للقائد بتاعه
– اقعد يا ممدوح
ممدوح قعد و بص للقائد و قال:-
خير يا فندم حضرتك طلبتي ضروري ؟
القائد:-
حصل يا ممدوح مهمة جديده و المهمة دي مسألة حياة أو موت لازم تنجح فاهم يا ممدوح
ممدوح بابتسامة شر و بريق لامع بعينيه :-
فاهم يا فندم اديني بس حضرتك المعلومات و باذن الله المهمة هتنجح زي اي مهمة قبل كدا
القائد:-
بس دي مش اي مهمة يا ممدوح دي امن دوله و متورط فيها ناس عالية أوي
ممدوح صب كل تركيزه مع المدير و هو بيقول :-
اسمع يا سيدي ﴿ سلطان الشيخ ﴾ واحد من أهم تجار المخدرات في مصر ، مش بس كدا دا بيتاجر في الاعضاء و كمان العمله ، بيستخدم أطفال الشوارع وتوزيع البضاعة الخاصة بـ المخدرات و بياخد منهم اللي بيحس أنه انكشف و خلاص بقي كارت محروق يتاجر بأعضائهم و اللي اكتشفناه مؤخراً انه اوقات كتير بيدخل دور الأيتام بـ أسماء و اوراق مزورة بيتبني بيهم أطفال و يتسعملهم في اعماله القذرة دي ، أما العمله دي بقي فـ ليها حوار تاني خالص و متورط فيها ناس كبيرة أوي و ليهم مراكز مهمة في البلد بيتغتلسوا الفلوس و بيهربوها برا البلد و لا كان حاجة حصلت غلطات بسيطة في الحسابات بتكلف ملايين و بتتهرب بره البلد و طبعاً سلطان ليه عمولته الخاصة على كل جنيه بيهربوا بره و يا عالم في بلاوي تانية ولا لا
ممدوح بهدوء عكس الحرب و النار اللي قايده جواه و دماغة اللي مش مبطله تفكير في المعلومات اللي حصل عليها :-
المطلوب يا فندم ؟
القائد رمي الملف قدام ممدوح و قال:-
مطلوب منك تتنكر و تكون وسط الناس دي و تحاول بكل طاقتك تكسب ثقتهم لحد ما توصل لـ إنك تبقي دراع سُلطان اليمين اللي يعتمد عليك في كل حاجة فاهمني يا ممدوح
أنا عاوز سلطان الشيخ حي يا ممدوح مفهوش خدش عاوزة قدامي صاغ سليم
ممدوح قام وقف و قال و هو بيأدي التحية العسكرية:-
تمام حضرتك يا فندم
القائد شاور ليه أنه يخرج و ممدوح خرج على مكتبه علطول رمي الملف على المكتب و بص قدامه بتصميم و هو بيقول جواه:-
مهمة جديده اصعب من اللي قبلها ، أرواح ناس بتروح فيها كل يوم و مع كل لحظة بنتاخر في أروح بتلاقي رب كريم فيها اكتر ، و ناس بتدمر صحتها و مستقبلها بالسم اللي بيدخلوه البلد و بيوزعوه على الناس
دلوقتي جه دوري إني أحاول اوقف المهزلة دي ، و هتقف بالزوق بالعافية هتقف و لو على جثتي
فتح الملف و قال منطقة ( كوم تش ) استعدي لأن أيامك الجاية دمار
……..
– يا ماما بقالي ساعة قاعدة تحت إيدك أنا تعبت
ملك بتركيز:-
استني بقي و بطلي فرك خلاص خلصت أهو دقيقة بفنش الشكل اللي في وشك
بعد لحظات قالت بفخر :-
باااس خلصت بصي على نفسك في المراية كدا و قوليلي اية رأيك
ملوك بصت لنفسها في المراية و عيونها اتسعت بهلع و بلعت ريقها بصعوبة و هي بتقول :-
عفريت بيطلع بالنهار عفيت واخد شكل وشي عفريت
صوتها علي مرة واحدة و هي بتنط من على التسريحة و بتقول:-
عفريت يا مالك الحقني عفريت في اوضتي إنت لازم تغير البيت دا
لمي هدومك يا ملك في عفريت اخلصي
مالك دخل عليهم الاوضة مرة واحدة و صوت ضحكه علي و هو بيقول :-
طب اهدي يا حبيبتي و تعالي وريني فين العفريت دا
ملوك بعصبية:-
إنت بتضحك على اية يا بابي تعال بص في المراية و انت تشوف كل حاجة
مالك أخد ملوك و بصوا في المراية و هي بتقول بصدمة بعد ما استوعبت اللي ملك عملته فيها :-
أنا العفريت ، انتي عملتي فيا اية يا ملك ؟ لا أنا استحالة أخرج بالمنظر دا و اية الهدوم دي دا أنا لو قاصدة اقولهم اقفشوني مش هلبس كدا ؟
ملك بسخرية بتتريقي على تنكري يا بت دا جاب ابوكي على بوزة و وقع مغرم في غرامي من أول ما شافني
ملوك بسخرية:-
صادقة يا أمي صادقة
خطرت على بالها فكرة و قالت:-
سبيلي أنا بقي موضوع التنكر كدا و بعون الله هوقف (كوم تش) دي على رجل و يا أنا يا إنتي يا منطقة مفيهاش راجل
الرفيوهات و آرائكم لو ملقتهاش مالية الجروب اعتبروها متنشترتش و مش هتكلم عالم زهرة Zahra’s World و التفاعل عالي عشان الجاي دماااار

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية عودة ملوك)