رواية غرام الفصل الثامن والعشرون 28 بقلم زهرة الربيع

رواية غرام الفصل الثامن والعشرون 28 بقلم زهرة الربيع

رواية غرام البارت الثامن والعشرون

رواية غرام الجزء الثامن والعشرون

رواية غرام الحلقة الثامنة والعشرون

بدر وقف قصادو بالظبط وقال باستفزاز وغضب شديد انا جوز الأنسه
سامي رفع حواجبو بدهشه وبص لغرام وقال …انتي متجوزه…انتي صغيره خالص
هنا بدر مسكو من قميصه بشراسه وقال بغضب…وانت مال اهلك ..صغيره ولا كبير انت هتطلع لها بطاقه دخل امك ايه بالموضوع
سامي بلع ريقه بخوف من نظراتو وغضبو حاول يبان قوي قال….ايه ده اي ده….ايه الهمجيه دي يا استاذ عيب كده
غرام اتدخلت بسرعه وقالت بدموع…سيبو يا بدر سيبو ..ابعد عنو خلاص مشيني من هنا
بدر كان هيضربو ومضايق منو بس لما شاف الدموع في عنيها و الخوف الي واضح على ملامحها سابو بضيق وقال….يستحسن لو مشوفش وشك الحلو ده تاني ..علشان هحسرك عليه فاهم …وشد غرام بقوه وخرج بغضب شديد
سامي حط اديه في جيوبو وقال بسخريه..للاسف موعدكش
بدر وصل الشاليه وهو كتله من الغضب شد ايد غرام بعصبيه ودخل بيها الشاليه وهو في قمة غضبو
غرام كانت بتحاول تفك ايدها الي كانت هتتكسر في قبضتو وقالت بعصبيه…سبني يا بدر..بقولك سيبني ايدي هتتكسر
بدر ساب ايدها بعنف لدرجة كانت هتقع من دفعتو وقال…قمتي من على التربيزه ليه وواقفه معاه بتنيلي ايه ها وبأي حق سيباه ماسك ايدك وزعق فيها جامد…ردي عليا
غرام كانت خايفه من غضبو بس حاولت متبينش قالت بغضب…وانت مالك…اقف براحتي…ملكش دعوه بيا
غرام كانت هتدخل تغير بس مسكها جامد وشدها عليه بعنف وقال بغضب اعمى وهو بيضغط على دراعاتها بشده …انا جوزك…انا جوزك…اغنيهالك..
غرام قالت بعصبيه اكبر…..دلوقتي جوزي…انت لسه من يومين مسلمني لراجل غيرك علشان تعرف مكان اختك سلمتو مراتك سبتو اخدني قدام عنيك ومتعرفش حتى هياخدني على فين و
بدر فقد اعصابو لما قالت كده وقال بعصبيه وزعيق…كفايه بقى كفايه…انا عمري ما هسلمك لحد افهمي بقى مش بايدي مكانش علشان اختي كان كلو علشانك ..كان طمعان فيكي وعايزك وانا اسهل حاجه عندي اققتلو واخلص لاكن كنت زي العاجز لو قتلتو مش هنعرف نوصل لملك ..ايوه سلمتك ليه بس كانو رجالتي مرقبينو من اول ما طلع وحاولين المكان الي اخدك عليه وانا رجعتلك زي المجنون مكنش فيه حل تاني حاولت انو يطلب اي حاجه غيرك لو هيطلب عمري بس رفض مكانش عايز غيرك….وايوه الي حصل بنا هنا كان متخططله دخلت عليكي علشان يبقالك عده بس قسما بربي ما كدبت عليكي في حرف انا فعلا بحبك بعشقك كمان و كانت اجمل ليله في حياتي وانتي بين اديا ومش ندمان عليها مش ندمان على كل الي عملتو طالما بعدت الحيوان ده عنك عمري ماكنت هسيبو حواليكي مش مسموح لاي حد غيري يحبك مش مسموح حتى يحلم بيكي انتي عشقي وغرامي…انتي فاهمه
غرام بصتلو بتوهان واتملت عيونها دموع وقالت بصوت ضعيف…طب..طب كنت احكيلي يابدر قولي..قولي انك هتعمل كده وان كلو تمثيل مكنتش همانع كنت هقف جمبك مكنتش عشت الي عشتو مكنت هخاف كده لو كنت متأكده انك هترجع علشاني ليه..ليه ديما بتتعامل معايا كاني مش موجوده مصعبش عليك الي عملتو فيا
بدر حس بوجع شديد من كلامها قال بدموع…متعودتش يا غرام ..متعودتش اشارك حد حاجه او اققول على حاجه ناوي اعملها طول عمري لوحدي حتى في قرراتي في الشغل او في حياتي …كل حاجه كنت بفكر انها الانسب ليكي اولاهلي بعملها…بس كان لازم اققولك ولو كان عماد اتأخر يومها شويه كنت هقولك روحي معاه ومتخافيش راجعلك بس جيه واحنا بنتكلم سامحيني حقك عليا لو لسه فكرالي يوم واحد حلو سامحيني
غرام نزلت دموعها وفضلت واقفه بتبكي وبس…و بدر قرب منها حط ايده ورا شعرها وسند جبينه على جبينها وقال بدموع.. قلبك طول عمره احسن قلب يا غرام والله انا مستعد اتخلي عن الدنيا كلها بس افضل معاكي انا بعشقك غرام رفعت عنيها ليه وبدر تاه في عيونها بشده وضمها ليه اكتر وقرب من شفايفها وغاب معاها في بوسه طويله متمكنه خطفت انفاسهم كانو متجاوبين سوا ومنسجمين جدا
بس فجأه غرام كانها كانت في غيبوبه وفاقت منها دفعت بدر بعيد عنها بقوه ورجعت لورا بخوف لحد ما لزقت في الحيط
بدر اتفاجأ جدا بردة فعلها دي واستغرب لانها كانت متجاوبه معاه قال باستغراب وهو بيقرب منها…مالك يا غرام ا…
بس غرام قاطعتو وشاورت بايدها انو ميقربش وقالت….خليك بعيد عني يا بدر والي حصل ده ميتكررش تاني فاهم…قالت كلمتها بحده ودخلت تاخد دش
بدر فضل مكانو شويه مستغرب جدا بس هو طبعا مقدر حالتها وانها لسه مش قادره تنسى الي حصل
بعد شويه طلعت وهيه بتتحاشى تبصلو وراحت تنام على السرير بدر كان هيكلمها بس حب يسيبها على راحتها اكتر دخل هو كمان يا خد دش
في مكان تاني كان سامي بيتكلم في التليفون قال….يا عم جوزها ده راجل شراني فظيع كان هيضربني
طبعا عرفتو بيكلم مين الشخص نفسو.قال بسخريه…طب ما انت عارف من الاول ان ممكن يضربك ايه الي جد يعني
سامي ……ايوه عارف بس معرفش ان الضرب هيبقى لمجرد انها واقفه معايا امال لو عملت الي انت بتقول عليه ده هيقتلني
المجهول بعصبيه…بقولك ايه متصدعنيش انت يدوب هتكون معاها في مكان لوحدكم مش هتنام معاها يعني انا كل الي عايزه انهم يسيبو الشاليه الي عندك ويرجعو القصر صعبه عليك دي
بقامي..زهرة الربيع
سامي …اه طبعا صعبه هو العمر بعزقه وبعدين يعني انا مخدتش منك مبلغ يستاهل المخاطره دي
المجهول…طب ما تقول كده من الاول ..نفذ انت بس والي هتطلبو كلو هتاخدو انت مجربني
سامي بابتسامه خبث….اعتبرهم مشيو يا باشا
بدر بعد شويه طلع لقاها مغمضه عنيها قال…غرام لازم تاكلي وتاخدي علاجك احنا متعشناش في المطعم قومي هطلبلنا اكل تاخدي بيتزا او حاجه تانيه
غرام قالت وهيه لسه مغمضه…مش عايزه اكل يا بدر سبني انام لو سمحت
بدراتنهد قعد جمبها وقال …طب انتي ايه الي زعلك كده هو انتي زعلتي علشان بوستك
غرام كانت مكسوفه تبصلو قالت بطريقه طفوليه..ايوه زعلت
بدر ابتسم وقال بخبث….بس انا محستش انك كنتي زعلانه يعني كنت حاسس انك مبسوطه
غرام بصتلو بضيق وقالت …ايه مبسوطه دي ..لا طبعا ده خيالك المريض صورلك كده
بدر ابتسم وقال…اممممم…يمكن بتهيألي…طب وهو ايه دخل الموضع ده بالاكل ..هو كل ما هتزعلي مني هتبطلي تاكلي
غرام بصتلو وقالت بسخريه…والله معاك حق دانا لو كل ما تزعلني هبطل اكل يبقى مش هاكل عمري كلو
بدر ضحك على طريقتها وقال…يا ساتر يارب هو انا بزعلك عل طول كده ..طيب يا ستي ايه رأيك نطلع ناكل على البحر هطلبلنا دليفري
غرام اتنهدت وقالت…طيب…هات ببسي معك..اه وعايزه برجر والبطاطس سخنه …البطاطس ايه
بدرقال بابتسامه…..سخنه حاضر..
بعد شويه بدر وغرام كانو قاعدين على البحر وجيه عامل التوصيل
بدر اهو الاكل وصل يا برنسيسه
غرام ضحكت وخدو منو الاكل وقعدو وبقم ياكلو سوا بس بدر لاحظ ان فيه عمال خارجيين من شاليه جمب الشاليه بتاعمهم
بدر اتقدم عليهم وقال..مساء الخير هو فيه ايه
العامل…لا ابدا يا بيه..فيه واحد هيسكن في الشاليه ده وكان باعتنا نعمل شويه تشطيبات هو شويه وهيوصل
بدر قال تمام شكر وراح لغرام وفضل ساكت شويه…غرام استغربت هدوئو المفاجأ. قالت…هو فيه حاجه ولا ايه
بدر هو وبياكل قال…لا ابدا بس بيقولو فيه واحد هيسكن الشاليه الي جمبنا ده
غرام بلامبالاه…طب واحنا مالنا بيه
بدر قال…لا ابدا بس مستغرب اصلي لما جيت اشتري الشاليه ده لاحظت ان مفيش غيرو هو والشاليه الي جمبو وكنت هشتريه بس قالولي انو بتاع واحده من المانيه ورافضه تبيعو لانو ذكرى من جوزها الي مات فغريبه يعني انو سكن وانو اتباع بس
غرام قالت بلامبالاه..يا سيدي..هو ده موضوع شاغل نفسك بيه..على فكره من كتر المشاكل احيانا بنحس ان كل حاجه بتحصل غريبه اوفيه من وراها هدف مع ان مش شرط ابدا يعني ممكن تكون اضطرت تبيعو لاسباب ماديه مثلا
بدر ابتسم وقال بمرح…ياسيدي انا على الحكمه والكلام التقيل
غرام قالت بغرور..طبعا يا بني انت فاكر نفسك انت الوحيد الي بتفهم ولا ايه..لاكن يا بدر ايه سر تعلقك الذايد بالمكان ده
بدر ابتسم وقال…بباكي
غرام باستغراب…بابا ..وبابا دخلو ايه بالمكان ده
بدر قال..زمان لما كنت صغير جيت هنا انا وبابا وعمي الله يرحمه وشفنا المكان ده بالصدفه هو وقتها انبهر بيه جدا وقال انو مكان هادي جدا وقال انو هيشتري الشاليه ده ليكي والتاني ده لمامتك …بس وقتها صاحب المكان رفض ومرضيش وعمي وقتها زعل ومشينا ونسي الموضوع خالص من فتره لما جينا للصفقه..عديت على المكان وافتكرت رغبتو فيه لقيت الشاليه التاني زي ما قولتلك اتباع لواحده من المانيه والشاليه ده بقى اتباع لواحد هنا في شرم اشتريتو منو من غير ما حد يعرف حتى بابا ميعرفش وكتبتو باسمك علشان دي كانت رغبتو الله يرحمو
غرام نزلت دموعها وبدر بصلها وابتسم وقال …ليه الدموع بس.. ووقف واتقدم ناحيتها وغرام وقفت وبصتلو بحب شديد وقالت…انت فاكر كل ده واشتريتو علشاني
بدر باس ايدها برقه وقال…وانا ليا مين غيرك يا غرامي .غرام مقدرتش تمنع نفسها حضنتو بقوه وهو ابتسم بسعاده شديده وبادلها الحضن بقوه اكبر
بعد شويه غرام بعدت عنو وهيه مكسوفه وقالت..احم..الجو هنا برد شويه خلينا ندخل
بدر ابتسم وقال براحتك..يلا بينا ولسه هيدخلو وقفت عربيه قدام الشاليه ونزل منها …طبعا واضحه
بدر اول ما شافو اتصدم شويه بعدين فهم على طول انو هو المشتري الجديد ضم اديه بغضب اعمى واتقدم عليه زي الاعصار
سامي كان واقف بثبات وبيبصلو بنظرة تحدي وغرام جريت ورا بدر خايفه انو يتهور وووووووو
وادرك شهرزاد الصباح ….فسكتت عن الكلام المباح🤭

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية غرام)