رواية غرام الفصل الثاني والعشرون 22 بقلم زهرة الربيع

رواية غرام الفصل الثاني والعشرون 22 بقلم زهرة الربيع

رواية غرام البارت الثاني والعشرون

رواية غرام الجزء الثاني والعشرون

رواية غرام الحلقة الثانية والعشرون

غرام رفعت عنيها ليه وبدر بصلها بدموع وقوه مصتنعه وقال بجمود مزيف….انتي طالق يا غرام
غرام نزلت دمعه من عينها مسحتها بسرعه وقوه ومسكت ايد عماد قاصده تنتقم من بدر وقالت بصوت حاولت تظهره قوي….يلا بينا يا عماد
عماد ابتسم بفرحه وضغط على ايدها وبص لبدر وقال….يلا يا قلب عماد
بدر كان ضامم اديه بغضب ومش قادر يستحمل حاسس قلبو بيتقطع قال…استنى…انت مقولتش ملك فين
عماد بصلو باستهزاء وقال…بص بقى بما انك طلعت جدع معايا هقولك الي اعرفو بابا لما اخد ملك اداها لواحد صاحبو يخبيها واحد صاحبكم انتو كمان وبيعزكم زينا بالظبط وبعدها معرفناش عنها حاجه
بدر مسكو من قميصو بعصبيه وقال بغضب وزعيق…انت بتلعب معايا يا روح امك انطق يا عماد احسنلك ملك فين
عماد قال باستهزاء …انا الي اعرفو قولتو ومش هتستفيد حاجه بالي بتعملو ده وانا علشان بعزك يابدر هقولك اداها لمين
بدر سابو بعصبيه وقال بزهق…مين
عماد باستفزاز شديد….لكمال صادق…جوز خالتك والد هشام وسحر …كده بقى كلامك معاه هو الوحيد الي يعرف ملك فين وشد غرام الي كانت شبه مغيبه ومش عارفه حتى بيتكلمو في ايه ومشي بيها قدام بدر الي كان هيموت عليها
غرام كانت ماشيه معاه قاصده تضايق بدر واول ما ركبت معاه العربيه قفل الباب الي جمبها بالقفل علشان متنزلش
بس غرام بصتلو بضيق و قبل ما يطلع بيها قالت بهدوء…. نزلني
عماد بصلها باستغراب وقال…ليه يا حببتي عايزه تجيبي حاجه من جوه
غرام بصتلو بغيظ وقالت بعصبيه…يا خي حبك سبعين برص في بعض ..انت فاكر علشان خرجت معاك يبقى همشي معاك يا زباله…. نزلني حالا
عماد قال بهدوء… يا غرام يا حببتي اهدي ونتفاهم انا بحبك يا غرام والله بحبك مستحيل ابيعك في يوم او اتخلى عنك انتي كل حاجه بنسبالي اديني فرصه
غرام قالت بعصبيه وزعيق…يييووووووه اللهم طولك ياروح بقولك نزلني متخلنيش اتجنن عليك انت متعرفنيش اكسب عمرك واتجنبني السعادي افتح الباب بقولك
عماد كان هيكلمها بس شاف بدر خارج بسرعه من الشاليه عماد قلق شويه وقال…حاضر يا غرام هنزلك وبصلها وقال متزعليش مني بقى وفجأه رش عليها مخدر قوي خلاها فقدت الوعي
عماد نزل من العربيه ورن لهشام طبعا هشام وقتها كان هو بباه بيحلولو يا خدو سحر من عصام بس اول ما شاف رقم عماد طلع بره الاوضه بسرعه ورد عليه
عماد بعصبيه…اسمع يا زفت وركذ كويس بدر جاي عليكم حالا قدامو نص سا عه ويوصل هيسأل بباك عن ملك فهمو يقولو الكلمتين دول بالحرف علشان الخطه تكمل للاخر اوعى يغلط بحاجه والا هنروح كلنا فيها فاهم
هشام بلع ريقه بخوف شديد وقال فاهم فاهم ..قول
عماد………………
هشام قفل معاه ودخل لبباه قلو كلمه في ودنو وكمال ملامحو اتحولت لرعب حقيقي وقال لسحر..تمام مبترديش عليا يعني عايزه تختاريه هو وتسيبي ابوكي ماشي براحتك… ومشي من قدامها بسرعه لانو اصلا كان مستعجل جدا علشان موضوع بدر
سحر نادتلو علشان يتفاهمو بس مردش عليها وهيه انهارت من البكا وعصام قرب عليها حضنها بقوه وحزن لانو حاسس انو سبب دموعها وبعدها عن اهلها
بعد شويه بدر وصل الاوتييل. دور على كمال وهشام بس كانو قاصدين يعطلوه فمشو بسرعه ونزلو القاهره
بدر راح لعصام وخبط بقوه على الباب
عصام فتح واتفاجأ ببدر قال بسعاده..بدر اذيك انت كنت فين و
بدر كان مستعجل وكان عامل زي المجنون قال …مش وقتو دلوقتي يا عصام عايزك معايا ضروري الاول قلي كمال وهشام فين
عصام بحزن..نزلو القاهره
بدر بعصبيه اه يا ولاد الكلب…جالهم تلفون قبل ما يمشو
عصام قال باستغراب…ايوه جاه لهشام تلفون بس عرفت ازاي هو في حاجه ولا ايه
بدر بجديه..مفيش هفهمك بعدين انا هطلع وراهم وانت جيب سحر وتعالو ورانا تمام
عصام قبل ما حتى يتكلم كان بدر مشي زي الاعصار
بعد فتره كان بدر وصل على بيت كمال ودخل بدون استأذان وقال بصوت عالي…كمااااااال ..انت يا زفت
كمال اترعب من صوتو ونزل وقال بقوه مصتنعه…انت ازي تناديني كده ومين سمحلك تدخل اصلا
بدر اتقدم عليه ومسكو بقوه قعدو على الكرسي بعنف وقعد قصادو وقال…جاي علشان اسمع منك انت كمان كام كدبه جديده ها اشجيني…ملك…فين
بقلمي..زهرة الربيع
كمال بلع ريقه بتوتر وخوف وقال بصوت مهزوز …ملك ..مين
بدر ضحك شويه وبصلو بصه ترعب وقال…لا برافو عليك حافظ كويس …ملك اختي الي خطفتوها انت والكلب رأفت السيوفي ودتوها فين يا كمال وقبل ما تكدب افتكر اني هعرف بيك منغيرك هعرف وساعتها مفيش رحمه خالص ….وزعق وقال…انطق بقولك ملك فين
هشام نزل من على السلم وقاال بصوت مهزوز انت جاي تهددنا في بيتنا ولا ايه احنا منعرفش حاجه عن اختك واتفضل اطلع بره من غير مطرود
بدر اتقدم على هشام وبصلو من فوق لتحت وقال …انا مش عارف يا اخي انت مستني اعمل فيك ايه تاني ..دراعك…كسرتو…رجلك …وعجزتهالك…وشك مفضلش فيه حته ايدي مسلمتش عليها اعمل فيك ايه تاني علشان تفهم ومسكو بقوه وقال…لازم اوسخ ايدي واقتلك يعني
هنا كمال خاف على ابنو وقرب عليه وقال وهو بيبعدو عنو…يا بدر يبني الكلام اخد وعطى انا هقولك على الي اعرفو…بقى رأفت لما اداني ملك انا والله ما كنت اعرف انها اختك لانها كانت صغيره قوي وحنا كنا قاعدين في اسكندريه وخالتك احلام لما كانت تيجي تزوركم كل فين وفين مكنتش اجي معاها وهو لما ادهالي قلي دي بنت واحد من اعدائي وطلب مني اققتلها بس انا وحياتك مرضتش حطيتها في ملجأ وقلتلو اني قتلتها بس الكلام ده ليه اكتر من ٢٢ سنه وانا ممكن اديلك اسم الملجأ لو هيفيدك يعني
بدر ضحك شويه وصقفلو بطريقه غريبه وقال بنظره مميته…لا برافو …مش قولتلك حافظ كويس …بس اسمعني كويس يا كمال بيه انت وابنك والحيوان الي حفظك هخليكم تندمو على الساعه الي جيه في بالكم تلعبو مع بدر القاضي عشلك شويه بقى علشان العد التنازلي بدأ …
مشي وسابو مرعوب حرفيا وهشام واقف جمبو برعب اكبر
بدر اول ما طلع رن على عصام وقال…وصلت يا عصام ولا لسه
عصام …اديني حالا واصل مش هتقولي فيه ايه يمكن اساعدك
بدر بجديه…انت اكيد هتساعدني عايزك تسيب مراتك مع خالتها في القصر امان اكتر وتجلي على الوكيشن الي هبعتهولك
عصام كان قلقان من طريقتو دي بس قال…تمام…وقفل معاه وقال لسحر…معليش يا سحر واضح ان فيه مشاكل كبيره مع بدر وقلي اوديكي على القصر اامن ليكي
سحر بصتلو بقلق وقالت…ليه يعني هو فيه حاجه ولا ايه
عصام …انا صدقيني مش فاهم هفهم منو واقولك
سحر بقلق…ربنا يستر
عصام وصل سحر قصر القاضي وراح على المكان الي قلو عليه بدر لقا بدر نازل من المكان وركب العرابيه وقال اركب يلا
عصام ركب معاه وقال باستغراب انت ايه جابك دار الافتاء وغرام فين…انا ملقتهاش في القصر
بدر بص ده موضوع طويل..هحكيلك بعدين المهم عايزك تجبلي الرجاله الي بتشتغل معانا بالعاده عايزهم في طلعه انهارده باليل
عصام بضحك ليه بليل يعني هنسرق بنك ولا ايه
بدر بصلو بغضب وقال..مش وقت هزار يا عصام الموضوع مش حمل غلطه واحده الثانيه هتفرق
عصام بقلق واضح…. انت كده بتقلقني اوي على فكره
بدر بص بعيد وقال بجديه…خلاص يا عصام انهارده يا قاتل يا مقتول وفضل سايق بسرعه شديده على طريق شرم الشيخ بس جالو تليفون من مجهول
بدر بجديه ايوه انت لسه وراهم مش كده
المجهول………..
بدر ….فين بتقول …تمام اوعي عينك تغيب عن المكان
عند عماد خد غرام وهيه مغمي عليها وطلع على مكان قريب من المينا خد اوضه عاديه هناك علشان محدش يعرف مكانو ونيم غرام على السرير بهدوء وقعد جمبها بيتأمل في ملامحها البرئه قال..هخليكي تنسي يا غرام هنسيكي كل حاجه وحشه هنسيكي بدر انا عارف انك بتكرهيه وهنعيش مبسوطين سوا يا عمري انتي
غرام بعد فتره فتحت عنيها ببطأ وتعب وقالت بصوت ضعيف…بد.بدر
عماد اتضايق بس قال بابتسامه…فوقتي يا عيوني انا سف يا غرام
غرام قعدت برعب اول ما سمعت صوتو وقالت بعصبيه…انت …انت جبتني فين.
عماد ابتسم وقال…انتي معايا يا حببتي متقلقيش انتي في قلبي وعيوني محدش هيقدر يقربلك محدش هيقدر يا خدك مني يا غرام
غرام بلعت ريقها بخوف وحاولت تبان قويه قالت…لا انت شكلك عبيط انا مش قولتلك مش عايزه اشوف وشك ابعد عن سكتي وقامت ولسه هتمشي مسكها من ايدها وقال بغضب..رايحه فين عايزه ترحيلو بعد كل ده بعد ما دمر حياتك وخلاكي مجنونه..اتجوزك من غير رضاكي..وطلقك من غير رضاكي بتحبيه على ايه مش فاهم
غرام نزلت دموعها بحزن حاسه كل كلامو صح بس في نفس الوقت ارتعبت من طريقتو وغضبو ولزقت في الحيط بخوف وهو حط ايده على شعرها المموج وقال…انا بعشقك يا غرام اديني فرصه هتجوزك ..هعيشك احلى عيشه ارجوكي يا غرام وحاوطها عند الحيط بدراعاتو وقرب بشفا.يفو منها ولسه هيبو.سها
غرام شافت سكينه صغيره في طبق الفاكهه خدتها بسرعه وضربتو في دراعو عماد فك ايده بألم شديد وفي لحظه غرام نزلت من المكان كلو وبقت تجري بسرعه رهيبه
بقلمي..زهرة الربيع
عماد طلع السكينه من دراعو بألم شديد وجري ورا غرام بسرعه يلحقها وكان بينادي عليها بغضب شديد بس غرام كانت بتجري بكل قوتها حتى مش عارفه على فين
بعد مده من الجري غرام حست بتعب وبقت تجري ابطأ وعماد لحقها ولسه هيمسكها فيه ايد شدتها بقوه
غرام صرخت وكانت الدنيا بقت ضلمه لسه هتضربو لقتو بدر قالت بصوت ضعيف من كتر الخوف والجري….بدر…انت
عماد شافو قريب منها جري عليه بغضب شديد بس فيه رجاله مسكوه بقوه وخدروه وحطوه جوه العربيه
غرام كانت باصه لبدر وسرحانه فيه وبدر قرب ايده منها ومسح دموعهاوشدها لحضنو بقوه بس اتفاجأ انها مش بتتحرك وجسمها تقل بيبصلها لقاها فاقده الوعي شالها وركبها العربيه وقال لعصام كده تمام اتصل على الرجاله الي هناك قولهم عملو ايه
عصام رن لجماعه كلمهم وقال لبدر…كلو تمام
بدربص لغرام بحزن وطلع بالعربيه ورجعو القاهره ومعاهم غرام وعماد
بعد فتره عماد فاق لقا نفسو مربوط في كرسي وفيه اتنين مربوطين كمان زيو بيركذ شويه لقاهم هشام وكمال
هشام وكمال كان باين عليهم الرعب الحقيقي اما عماد حس انها باظت فهلا لانو مبيثقش في هشام ولا ابوه بس حاول يبان هادي وقوي
بدر دخل وقال بصوت عالي قاصد يسمع عماد ..عصام خد غرام مراتي ووصلها القصر وخليك انت معاهم لاني مش بثق غير فيك
عماد بصلو بكره وقال…غرام مبقتش مراتك انت طلقتها ولا نسيت
بدر قرب منو وقال بهمس…مش انا رديتها لعصمتي يا عمده ايه زعلت مني ولا ايه
عماد بصلو بصدمه دا الي محسبش حسابو بقى يلعن غبائو كان فاكر ان غرام بتكره بدر ومش هتخليه يقربلها وكده ميبقاش لها عده اصلا ولا يقدر يردها قال بقلق وهو بيتمنى يكون بدر كداب…هي غرام من امتى مراتك علشان تبقالها عده اصلا
بدر ابتسم باستهزاء وقال…من امبارح انهارده كانت صباحيتنا بس انت بوظتها علينا بس مش مشكله الجيات كتير وقرب عليه وقال بهمس….على فكره امبارح عرفت حاجه غريبه قوي نبقى نتكلم في الموضوع ده بعدين لو عشت يعني يا عمده
عماد فهم انو عرف انو ملمسهاش زي ما كان مفهمو حس بغضب كبير وكان عايز يخنقو
وعصام كان عايز يفضل مع بدر بس بدر اصر انو يروح غرام ويفضل معاهم لانو خايف عليهم وعصام وافق و خد غرام القصر وهيه مش حاسه بحاجه اصلا
وبدر طلع سلاحو وحطو على دماغ هشام وقال بطريقه مرعبه…اسمع يا هشام انا مراقب تليفونك من زمان قوي ..ومكالماتك كلها مع عماد سمعتها حتى اخر مكالمه لما اتفقتو تضحكو عليا بالقصه الخايبه الي ابوك حكاها هديكم اخر فرصه تنقذو نفسكم من انكم تموتو مع الكلب ده وهسألك انت وابوك لاخر مره وكلمتكم هتحدد اققتلكم او لا….ملك اختي…فين
هشام وكمال خافو جدا وارتعبو وعماد شاف خوفهم عرف انهم هيتكلمو بقى يقول برعب…اوعو تسمعو كلامو هيقتلنا كلنا ..لو عرف هيموتنا ..اوعو تقولو حاجه
بدر شاور لواحد من رجالتو وحطو لزاق على بوق عماد وكمل هو بنفس القوه الي ترعب وضغط على الزناد وقال..تمام مش هتتكلمو يبقي تموتو احسن انا هبتدي بهشام ولسه هيضرب كمال قال برعب ..هنتكلم …هنتكلم…انا اعرف مكانها وانت كمان تعرفها
بدر قرب عليه وقال باستغراب.. ..انا اعرفها …هيه مين
عماد كان بيهز راسو انو ميتكلمش بخوف شديد وبدر شخط فيه بقوه وقال…… مين انطق
كمال بصلو برعب وخوف شديد وقال بتهته…سسس…سحر…سحر هيه اختك ملك وووو

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية غرام)