رواية غيرة الصحاب الفصل الثالث3 بقلم حبيبة سيد

 رواية غيرة الصحاب الفصل الثالث بقلم حبيبة سيد

أسر وندي بيوصلو الفندق بس كل واحد بيدخل من باب لوحده ندي بيكون ف بنات صغيرة مستنيها بيبقو لابسين فساتين أبيض ف أبيض زي الملائكة كده وبتفتح الباب بتاع القاعة تلاقي ورد أحمر مفروش ليها علي الارض بتفضل ماشيه عليه والبنات حواليها لحد ما توصل عند أسر .

أسر بقا بيكون واقف بعيد عنها شويه وأول ما بتقرب منه بينزل علي ركبته بتكون هى واقفه قدامه بيمسك ايديها يبوسها وبعدين يقف قدامها بيكون حاطت ايديه التانيه ورا ضهره وماسك بوكيه ورد عبارة عن ورد أبيض و لوءلوء وبعدين بيديها البوكيه وبيفضلو ماشيين ف القاعه لحد ما يوصلو الكوشه بتاعتهم بيقعدوا شويه وبعدين أسر بيعمل سقفه👏👏 الموسيقه بتشتغل بيقف قدام ندي ويطلبها للرقص.

نرجع بقا عند عمرو وملك:عمرو بيروح ياخدها من البيت وبيروحوا علي الفرح هى تفكرها انه هياخدها فرح اخر الاول وبعدين يروح فرح صحبتها وهو مفكر برضو أنها هتوديه فرح صحبتها الاول وبعدين تروح لي اخوه بس بيوصلو الفندق وبيدخلو القاعه أول ما بيشوفوا ندي وأسر بيرقصوا مع بعض ملك بتعرف ان عمرو يبقي اخو أسر وعمرو بيعرف أن صحبتها تبقي مرات أسر أخو .

ملك:اول ما بتشوف ندي وهى بترقص مع أسر بتبقي غيرانه أوى لان الرقصه بتاعتهم مختلفه جدا .

أسر طول الفرح بيعامل ندي علي أنها سندريلا كل حاجه مختلفه وف نص الرقصه بيشلها يرفعها بايديه أكنها طايره وبيلف بيها وف اللحظه دى بينزل عليها بلالين وورد ونار علي شكل دوائر صغيرة بتشتغل وبيخلصوا الرقصه كل الموجود بيسقف 👏👏👏جامد من حلاوتهم وهما بيرقصو والانسجام بتاعهم ف الرقص .

عمرو وملك بيروحو يسلمو عليهم ويباركو وبعدها بشويه يبدأ الرقص فرحة الاصحاب والعيله أسر كان حاطت عينيه علي ندي طول الوقت وبيرقص مع اصحابه بعيد عنها شويه بس لاما بيلاقي واحد من الدكاتره صحابه بيسلم عليها بيروح نحيتها علطول بيمسك ايديها وبيفضل معاها يرقصوا شويه وبعد ما بيخلصو رقص بيطلعوا يقعدو مكانهم بس أول ما صحبتها بتيجى نحيتها هو بيقوم وبيختفي ف لحظة وندي بتلاحظ الاختفاء بتاعه وبتلاقي صوته طالع مره واحده بيتكلم بس محدش شايفه بيقولها.✨بصي بقا أنا اول مره أهتم بي طالبه عندى ف المحاضرات أو الكليه كلها اول مره أكون مهتم بكل تفاصيلها اول مره اكون عايز اشوفها قدامى أنا مكنتش عارف فيه ايه بس لاما غيبتى مره واحده من المحاضرات مشوفتش البت الي بتطلع عينى ف الاسئله طول المحاضره كنت قلقان ومستغرب وعمال اقول لنفسي ف ايه يا أسر مالك وليه قلقان عليها كده ولاما عرفت من صحبتكف يوم بالصدفه أنك تعبانه كنت عايز اسيب كل حاجه عندى ف اليوم دا وأجيلك كنت وقتها عايز اشوفك وأطمن عليكى وأول لاما شوفتك تانى كنت فرحان أوووى طاير من السعادة واما شوفتك مع اصحابك وبتضحكى الدنيا ضحكتلي بجد ف اليوم دا بالذات اترقيت ف الكليه وهنا بيسمع صوتها بالتضحك يقوم يضحك علي ضحكتهاهو كمان ويقولها ايوه والله حصل لاما اتخرجتى كنت حاسس انى انا الي اتخرجت كنت مبسوط بيكى جدا ويضحك علي ضحكتها كنت جاي الحفلة دى ومعايا الدبله💍عشان عرفت قبل حفلة التخرج بفترة ان ف واحد اتقدملك ف كان لازم اخد الخطوة دى وبقيتى بتاعتى الحمدلله بقيتى معايا وحلالي انا عايز اقولك انا يوم حفلة التخرج بعد ما وصلتك لحد باب الشقه روحت وفضلت أصلي وأشكر ربنا انه هدانى بيكى وكنت بعيط كنت فرحتى انك بقيتى معايا ودبلة اسر هى الي ف ايدك مش دبلة حد تانى ✨وبعدين بيبدأ يظهر ويقولها ان كوتش اعرف ان انتى وعملي فيا كده محبتش حد خالص ولا كنت ناوى احب حد بس انتى بالذات دخلتى قلبي محدش قدر يقتحم قلب أسر غيرك يا ندى أول مره بقولهاليكى وبيكون واقف قدامها ف اللحظه دى وبأعلي صوت ❤بحبك يا ندى بحبك يا اميرة👑ايامى وحوريه احلامى أقسم بالله بحبك ❤

وبيحضنها ويلف بيها.

وكل الناس الي موجوده بتسقف جامد أوى ومع كل الاحداث وكل الي بيحصل ملك قاعدة مش طايقه نفسها خالص ولا طايقه ندي وغيرانه منها أوى .

بس عمرو بيعمل حاجه ف فرح اخوه بتخلي ملك مبسوطه شويه عمرو بيمسك الميك وبيقف قدام ملك وبيقول النهارده فرح اخويا ونا حبيت أخلي الفرحة فرحتيني ونكمل فرحت العيلة بقا وبينزل علي ركبته برضو وبيطلع خاتم💍 من جيبو ويطلب من ملك الجواز ملك بتكون طايره من الفرحة عشان هتشارك ندي فرحتها والاهتمام هينقلب عليها هى بس معاملة أسر لي ندي علي انها أميرة👑بتخلي ملك تدايق رغم كل الي عمرو عملو والفرح بيفضل مستمر يمكن 3ساعات مابين الفقراء الي بتحصل والرقص والغانى وفرحة العيلة .

وبعد ما الفرح بيخلص أسر بياخد ندي ويطلعو علي اوضتهم وعمرو بيوصل ملك لحد بيتها ويمشي بعدها بفترة ملك وعمرو بيتجوزوا . 

أسر وندى بيخلصو شهر العسل بتاعهم واول ما بيرجوا بيريحو يومين وبعدين لياخدها معاه ف العربية ويوديها العيادة بتاعتها الي هو فاتحه ليها وف فترة صغيرة جدا ندي بتحقق نجاحات كبيرة وتبقي أشطر طبيبة أطفال وكل الاطفال الي بيروح عندها بيحبوها واهالي الاطفال كمان بيحبو معاملتها جدا أسر بيبقي مبسوط ان ندي قدرت تحقق النجاح دا بس ملك برضو غيرانه عشان مش عارفه تعمل اي حاجه خالص شايفه ندي بتنجح ف شغلها وحياتها مع ان عمرو جوز ملك كل فترة بيجيب لها هديه وبيفسحها مش مخليها ناقصها حاجه خالص بس الغيرة بقا .

أسر رغم انه بيبقي مشغول وندي كمان بس بيقدروا يقضو وقت مع بعض بيقدرو يفصلو ويتكلمو ف حياتهم ملك بتشوف الدلع والهزار بتاع أسر مع ندي وبتبقي عماله تقول ليه انا مش مكانها ليه انا عمرو مش بيتكلم معايا ليه مش بيفصل ويقضي وقت معايا .

ملك بتشوف سلبيات عمرو بس عشان مركزه مع ايجابيات ندي وأسر والمعامله بتاعت أسر لي ندي .

بعد سنة جواز ندي بتكتشف أنها حامل وبتروح تشترى طقم لي البيبى عشان تفرح أسر بتروح تحط الطقم دا علي السرير وأول ما أسر بيدخل الاوضة وبيشوف الطقم الصغير وفجأة موسيقى بتشتغل ويلاقي ندي ظهرت وماسكة ف ايديها بيبي لعبة مش بيبقي مصدق وبيبقي مبسوط أوى وعلي العشا الكل بيبقي مستنى أسر وندي عشان ينزلو وندي تفتح باب الاوضه وتكون نازله بس أسر بيوقفها ويقولها لاء أنتى مش هتنزلي علي رجلك نا لزمتى ايه هنا وبيشلها وينزل بيها السلالم وينزلها علي الكرسي الي علي السفرة ملك طبعا ماسكة نفسها والغيرة مسيطرة عليها من الي بيحصل والد أسر ووالدته بيبقو مستغربين بيفكرو ان ندي تعبانه أسربيدخل المطبخ يجيب كوبايه لبن🥛لي ندي واهلو مستغربين والدة أسر:هى ندي تعبانه يا أسر ولا ف ايه .

أسر بيرد عليها أحلي تعب ف حياتنا كلها وبعد 9شهور هيبقي موجود والدة أسر بجد ندي أسر ايوه يا ماما ندي حامل الكلمة دى بتنزل علي ملك زي عاصفه .

بعد فترة صغيرة ملك بتقرر تجيب نقط تنزل الحمل بالبطئ عشان يبان ان البيبي نزل عادي من غير حاجه.ملك بتعمل عصير لي ندي وتحط فيه نقط وبتديها العصير دا وبتفضل جنبها لحد ما تشربوا صحبتها بقا وبتخاف عليها دا الي بتحاول تظهروا ملك لي ندي ولكل البيت وفي يوم ملك بتتعب وعمرو بياخدها ويروح للدكتور والدكتور بيقولهم انها حامل ملك بتتبسط شوية بالخبر وبتقرر بعدها فترة انها لازم تخلص من الجنين الي ف بسم ندي والمره دى عمرو بيشوفها المره دى بيسالها بتحط ايه بتقولو انها كلمت دكتور عشان يكتب

 فيتامين لان ندي ضعيفه وعمرو بيصدق .بعد فترة من العلاج الي ملك بتحطوا ندي بيحصل لهانزيف وبتسقط وبتفضل زعلانه وبتعيط وأسر جنبها بيحاول يطلعها من الحاله الي هى فيها ملك بتكون مبسوطه انها هى الي بقت حامل بس بقت مبسوطه عشان مفكره ان الاهتمام والدلع وكل حاجه هتبقي ليها بس الكل هيحبها عشان هى الي حامل. أسر بيقرر ياخد ندي ويسافرو كام يوم وفعلا أسر بيقرر يطلع ندي من الحاجه الي هي فيها وقبل ما يرجعوا البيت تانى ملك بتقرر تحرق العيادة بتاعت ندي وبتعنل كده فعلا. بس أير بيقرر يدور علي مكان تانى يعملو عيادة ليها بس مش بيقول لحد غير لاما يجهز المكان .

بعد 5شهور عمرو بيكون داخل اوضته بس قبل ما يدخل بيلاقي ملك بتلبس بطن صناعيه عشان تكبر بطنها ويبقي باين الحمل ف اللحظه دى عمرو بيعرف انها مش حامل عمرو بيلف وينزل تانى يقعد مع اهلو واخوه ومرات اخوملك بتنزل تقعد وبعد ما تقعد بتقول لي ندي معلش يا ندى حبيبتى ممكن تعنليلي كوبايه عصير أصل انتي عارفه انا حامل ومحتاجه اغذي الجنين طبعا ندي بتقولها حاضر وهى قايمة أسر بيمسك ايديها ويقولها لاء اقعدى انتى انا هعمل العصير ف عمرو بيتكلم ولا انت ولا هي انا الي هعمل ندي بتقول لاء هى طلبت منى انا عمرو بيقول ونا جوزها محدش هيعمل العصير غيري ف أسر بيقعد ويقعد ندى عمرو بيروح يعمل العصير وبيقدموا لي ملك وبتشربوا ويقولها اها بالمناسبه انا حطيتلك من نفس الفيتامين الي كنتي بتحطيه لي ندي ف اللحظه دى ملك بترمى الكوبايه وتقولو انت عملت ايه اتجننت وندي بتستغرب من كلام عمرو وبتروح تقف قدام ملك وتقولها كنتى بتحطيلي ايه ف العصير عمرو بير عليها بتحطلك علاج عشان تنزل البيبي ونجحت ف كده ف الوقت دا أسر بيقول وهى كمان الي حرقت العياده بتاعتك.

ندى مش بتكون مصدقه الكلام وبتروح تقف قدام ملك بتمسكها وبتقولها الي بيقولو غلط صح ردى عليا قوليلي ان كلامهم غلط وان انتى معملتيش كده والده عمرو وأسر بتمسك ندي وبتقولها انتو اتجننتى ناسيه انها حامل ابعدي عنها الواد يحصلو حاجه عمرو بيضحك ويقول حتى دي كدبه هى مش حامل ولا اي حاجه خدعتنى زى ما خدعتكم ملك بتروح ناحيه عمرو وبتقولو انت بتقول ايه عمرو بيضربها بالقلم وبتوقع من قوة القلم وبيروح يشد البطن الصناعيه ملك

 بتمسك ايديها وبعدمابيشيل البطن الصناعيه. وبتقولو لاء واللهى كنت حامل بس البيبي نزل بعد ما العيادة بتاعت ندي اتحرقت . وملك بتيجى تتكلم تانى عمرو بيقولها ولا كلمة بعد كده وبيطلقها وقبل ما يطردها برا البيت ندى بتروح تشدها وتقولها ليه عملتى فيا كده انا معملتش حاجه وحشه ليكى .

ملك:بتقولها اها كل حاجه بتحصل معاكى المفروض تبقي بتاعتى انا جبتي مجموع ف ثانوى اعلي مني كان المفروض انا الي اجيبو حتى الكليه كان المفروض انا الي تدخلها حفلة التخرج بتاعتك كان لازم أنا الي ابقي مكانك فيها كل حاجه ف حياتك مميزة كل حاجه ف حياتك كان المفروض تبقي بتاعتى أنا .

ندي :ياااااه لدرجة دى كنتى عامله بتحبينى ايه الغيرة والحقد دا كله انتى ازاي كده عمرو بيطردها وبيطلعها من حياته خالص. بعد مرور 8شهور أسر بيفتح عيادة تانيه لي ندي وندي بتحقق نجاحات اكبر من الي عملته ف العيادة القديمه وعمرو بيتجوز واحده بتحبه وبتخاف عليه بجد وعوضته كتير عن ملك وهو كمان بيحبها.

وبعد سنه أسر وندي بيبقي معاهم بنوته قمر خالص اسمها حور.