رواية كفاح امرأة الفصل الخامس 5 بقلم شهد وليد

عمر:-اللي عندي قولتله وانتي قرري.

-خد بعضه ومشي وسايبني وانا لسه بصدمتي فيه بقي عمر يقول ع امي كده دي امي دي السبب في اني اكمل في الجوازة، نمت وانا مقررة اني بكره هاخد امي وامشي ايوه همشي انا معنديش اغلي من امي حتي لو هخسر الشخص اللي حبيته.

-تاني يوم نزلت وخبطت ع باب حماتي فتح ليا عمر اللي شكله اتغير وبقيت ملامح متأثره خصوصا لما شافني بالشنط انا وامي وقولتله:-انا اوعي تكون فاكر انك لما هتخيرني بينك وبين امي هختارك لا انا اختارت وامي والطلاق يععمر.

-خرجت فايزة حماتي وقالت:-شوفت انا قولتلك هتختار امها و هي متجوزاك يحبيبي عشان تلاقي مكان تعيش في هي وامها.

-قولتلها:-لا طنط انتي ابن خيريني بينه وبين امي وهو عارف قد اي انا بحب امي بس هو مش بيحبني لانه لو بيحبني كان هيعرف ان دي امي هو خيرني وانا اختارت لاني اللي بيني وبين امي دم ورابط قوي مبيتقطعش اما اللي يبني وبين جوزي هي قسيمه ودبلتين وبس، عمر بصلي ومنطقش بكلمه بصيت لامي وقولتلها:-يلا يا امي نمشي منها، صحيح يحماتي عايزة اقولك حاجه انتي عندك بنت وكان المفروض تحطي نفسك مكان امي تخيلي كده عيالك يرموكي في الشارع وبنت تطلق بسببك كنتي هتعملي اي انتي المفروض تكوني عارفه اني لما هكون باره بأمي هكون باره بيكي انتي كمان وكنت هحترمك وهحافظ عليكي وع ابنك بس انتي رفضتي النعمه دي في ناس كتيرة لما بتجيلهم النعمه ع طبق من دهب بيرفضوها بسبب انانيتهم تخيلي كده انك كان مفروض يبقي عندك مرات ابن زي نڤين مرات ياسر اخويا او زي نوران مرات مالك تخيلي امي الست الطيبه دي يجيلها مراتات عيالها دول وانتي يجيلك مرات ابن زي بس هقول اي معدش عندي كلام اقوله يلا ربنا يهدي، سيبتهم وخدت امي ومشينا.

بعدها قال عمر لامه:-ماما ونبي ابوس ايدك امسيكها متخلهاش تمشي انا مش هقدر اعيش من غيرها.

حماتي:-هي مسألتش فيك وانت كمان متسألش فيها وبكره هجوزك اللي احسن منها، عمر كان زعلان ان انا مختارتوش واختارت امي وحس اني كسرته وقرر انه يطلقني.

-ركبت تاكسي انا وامي ورحنا ع شقه بابا خبط وفتحت ليا نڤين مرات ياسر اللي اول مشافت الشنط اللي معايا فكرت اني جايبه ماما تعيش معاهم، طلع ياسر وقال:- في اي اي الشنط دي كلها في حاجه ولا اي.

-قولتله:-بصراحه انا وعمر هنطلق وانا جبت ماما وجينا نعيش هنا.