رواية لارين (كامله جميع الفصول) بقلم اسراء ابراهيم

 

رواية لارين كامله جميع الفصول بقلم اسراء ابراهيم 

اسكربت

لارين هتفضل عايشة معانا هنا لحد ما خالكم يرجع من السفر ؟ 

قالت كدة انعام وهي بتبص لنيرة بنتها وهما قاعدين عالسفرة ولارين كانت متوترة وخايفة من رد فعل عمار لانه هو الوحيد اللي بتخاف منه اوي ومكنتش موافقة تعيش مع عمتها بسببه ،، من زمان وهي بتترعب منه من وهي صغيرة لما كانت بتشوفه علطول مكشر ومش بيضحك وللحظة افتكرت اخر مرة دخلت فيها بيت عمتها هنا وهي صغيرة لما كان عندها 12 سنة و لما كانت بتلعب ودخلت اوضته بالغلط واستخبت فيها وهو دخل بعديها من برة وشافها واتعصب عليها وزعقلها بصوت عالي اوي ومن وقتها مجتش هنا تاني ،، كانت بصاله بخوف من رد فعله لكنه مهتمش وقام ببرود واخد چاكت بدلته ومشي 

نيرة بفرحة / ياااه اخيرا يا لارين ،، ده انا ياما حاولت اقنعك عشان تيجي حتي تقعدي معايا ومكنتيش بترضي 

لارين براحة بعد ما عمار مشي / صدقيني ولو عليا مكنتش وافقت بس بابا بقي هو اللي صمم وقالي انه مش هيرتاح وهيبقي مطمن غير لما اقعد هنا عند عمته 

انعام وهي بتغمز للارين / اومال لو عرفتي السبب بقي يا نيرة اللي لارين مكنتش بترضي تيجي عشانه 

نيرة بفضول/ ايه هو السبب يعني مش فاهمة ؟

انعام بضحك / اصلها لسة لحد دلوقتي بتخاف من عمار اخوكي 

نيرة اول ما استوعبت الموضوع قعدت تضحك بصوت عالي ولارين كانت بتبصلها بغيظ 

لارين بغيظ/ اضحكي يا حبيبتي ،،ما انتي اصلك متعرفيش هولاكو اخوكي ،،ده خلاني بترعب منه 

نيرة وهي بتحاول توقف ضحك / متوقعتش خالص يكون عمار السبب ،، هو اينعم كشري ومش بيضحك كتير بس والله طيب ،، بس ارجع واقولك ليكي حق تخافي انا اهو اخته وسعات بخاف منه لما بيتعصب عليا 

لارين بضيق/ اهو شوفتي ،،ما بالك بقي بيا انا ،، اصلا معرفش هو ليه علطول كدة ،،مبيتعبش من التكشيرة دي طيب ،، اووف 

انعام بابتسامة/ انتي لو عرفتي عمار صدقيني هتغيري رأيك خالص ،، هو بس جد شوية 

لارين بسخرية/ يا عمتو بذمتك شوية بس ،،قولي شويتين تلاتة عشرة ،، انا معرفش انتو طايقينو ازاي البني ادم ده 

استغربت لارين شكل انعام ونيرة اللي بيبصولها بتكشيرة فاستغربت ولسة هتتكلم لقت عمار جاي من وراها فشهقت بخوف وحطت ايديها علي وشها وهو اتجاهلها واخد موبايله من عالسفرة وسابهم وخرج تاني وبعد ما خرج قامت لارين بسرعة 

نيرة باستغراب / علي فين يا لارين ومستعجلة كدة 

لارين بخوف وهي بتسيبهم وتطلع اوضتها / مع نفسكم يا بنتي انا مش مستغنية عن عمري ،، ده اكيد سمعني وهيحاول يقت*لني فانا مش هخرج من اوضتي ابدااااا

ضحكت انعام ونيرة عليها وهما شايفينها بتطلع تجري عالسلم بخوف 

…………………..

كانت قاعدة لارين في اوضتها وهي متوترة وخايفة فعلا من عمار يمكن عمتها ونيرة اخدو كلامها بهزار لكن فعلا هي كانت خايفة منه اوي ومتوقعة انه اكيد مش هيسكت علي اللي قالته عليه فمرضيتش تنزل حتي عالغدا عشان هو هيكون موجود وفضلت كدة لحد بليل وكانت جعانة اوي ومش عارفة تعمل ايه فقررت تنزل تتسحب وتجيب اكل وتطلع بسرعة فخرجت فعلا من اوضتها ونزلت علي تحت واول ما دخلت المطبخ وقفت مكانها بصدمة وهي شايفة عمار قدامها ،، كانت واقفة مشلولة ومش عارفة تعمل ايه وقبل ما يلف ويشوفها كانت استخبت ورا الباب لحد ما هو خرج بفنجان القهوة بتاعته وهنا بقي لارين اخدت نفسها بسرعة وهي بتنهج وبدأت تطلع اكل ليها براحة وجت تجيب طبق بس المكان كان عالي عليها لانها قصيرة شوية فطلعت علي الكرسي ويدوب لسة بتجيب الطبق الكرسي اختل بيها فوقعت وهي بتشهق بخوف بس وقعت بين ايدين عمار اللي لحقها بسرعة فكانت لارين قريبة منه اوي ومغمضة عنيها بخوف لانها مفكرة نفسها وقعت عالارض وكان متابعها عمار بعنيه وهو بيبلع ريقه بتوتر واول ما فتحت لارين وشافته اتصدمت وكانت باصة في عيونه وقلبها بيدق ،،هي كانت فاكرة انه خوف بس الحقيقة كانت غير ،، نزلها عمار بهدوء بين ايديه واتفاجأ بيها بتسيبه وتجري علي اوضتها من غير ما تتكلم او اي حاجة ووقتها كشر هو باستغراب وهو متابعها بعنيه ….

………………….

دخلت لارين اوضتها بسرعة وقفلت الباب وحطت ايديها علي قلبها بصدمة وخوف وتوتر 

لارين لنفسها بصدمة / ايه ده ،،ازاي ده يحصل ،، معقولة اللي حصل حقيقة ،،طب هو لحقني ليه ده المفروض يسيبني اقع 

اتنفضت لارين لصوت خ*بط الباب وهي واقفة وراه 

لارين بخضة / ميين ؟

عمار بهدوء/ انا عمار يا لارين افتحي 

لارين كانت مصدومة ومش مصدقة انه واقف عالباب فلطمت خدها بصمت ومكنتش عارفة تعمل ايه بس اخيرا اتشجعت وفتحت الباب بهدوء 

عمار بجدية وهو بيمد ايديه / اتفضلي الاكل انتي نسيتيه 

لارين وهي بتبص للطبق بتاع الاكل / انت جبتلي الاكل بنفسك ؟

عمار باستغراب/ مش انتي كنتي هتاكلي،، انتي سبتيه وجريتي 

لارين وهي بتاخد الطبق /ميرسي اوي بس يعني هو انت مش مضايق مني ؟

عمار بلا مبالاه / قصدك علي الكلام اللي قولتيه عالسفرة ،، عادي مش شاغلني اصلا 

قال عمار كلامه ولف وكان هيمشي بس لارين لحقته بصوتها 

لارين بسرعة/ انا بعتذرلك ،، انا مكنتش اقصد كلامي 

عمار من غير ما يبصلها / تمام 

كشرت لارين باستغراب وقفلت الباب وهي بتفكر في شخصية عمار الغريبة دي وهنا افتكرت عنيه اما كانت قريبة منه ونظرته اللي رغم حد*تها بس تسحر وابتسمت بخفة 

…………………… 

تاني يوم كانت خارجة لارين ونيرة بدري عشان تروح لارين مع صحبتها علا تشتري لوازم خطوبتها بليل ولارين فكانت معاها خطوة بخطوة واتفقت مع نيرة انها تروح معاها الخطوبة فكانو التلاتة مع بعض وبيشترو لوازم من المول ولارين اتفقت مع نيرة وسابتهم بحجة الحمام عشان تعرف تشتري هدية لصحبتها بمناسبة الخطوبة فكانت ماشية محتارة ومش عارفة تشتري ايه 

شاب من وراها / يا انسة ممكن اسألك علي حاجة ؟

لارين باستغراب/ خير يا فندم ؟

الشاب باعجاب / ممكن اعرف الكافيه اللي هنا فين 

لارين هدوء / ده في الدور الاول حضرتك هتلاقيه ،، بعد اذنك 

ابتسم الشاب باعجاب اكتر لانه كان بيتلكك عشان يتكلم معاها مش اكتر فاخد موضوع الكافيه حجة بس وهو سرحان انتبه لصوت عمار من وراه 

عمار بجدية/ ها يا يوسف جبت الهدية اللي قولت عليها ،،انا عندي شغل ومش فاضي للعب للعيال ده اخلص

يوسف بسرحان / حتة بنت يا عمار بجد مشوفتش في جمالها قبل كدة

عمار بضيق / مش هتبطل طريقتك دي وعينك اللي زايغة علطول

يوسف بثقة/ لا بس البنت دي غير تحسها كدة من عالم تاني غير عالمنا

عمار بغيظ/ طيب يلا بقي بطل رغي عشان ورايا شغل وبليل نتقابل في فرح وليد 

……………………..

بليل وصلت نيرة ولارين لفرح علا وكانت لارين قمة في الجمال بفستانها الازرق اللي لايق علي لون بشرتها البيضة وشعرها الكيرلي الطويل 

نيرة بانبهار / لا بس تصدقي الحفلة حلوة اوي ،،شكلها كدة صحبتك صارفة 

لارين بضحك/ انتي ليه محسساني اني جايباكي عشان تقري عالناس ،، يابنتي فضحتينا لمي نفسك 

نيرة بضحك/ خلاص يلا تعالي نروح نسلم ولا اقولك تعالي نروح البوفيه احسن 

لارين بيأس / مفيش فايدة ،،يلا يا نيرة الله يهديكي تعالي نسلم علي علا ونباركلها 

مشيو هما الاتنين وسلمو علي علا وادوها الهدايا وبعدين راحو يشوفو مكان يقعدو فيه 

نيرة وهي بتقوم / بقولك ايه انا عطشانة اوي هروح البوفيه اشرب 

لارين وهي بتشدها تقعد / وهو البوفيه اللي بيتشرب فيه يا نيرة اقعدي واهمدي وانا هروح اجيبلك تشربي عصير او اي حاجة عشان لو انتي روحتي هتفضحينا وسط الناس 

نيرة بضحك/ طيب متتأخريش بقي احسن اجوع انا بقولك اهو 

ضحكت لارين علي كلام نيرة وسابتها ومشيت وعدت من قدام يوسف اللي اتفاجأ بيها وراح بسرعة لعمار 

يوسف بسرعة / عمار الحق بسرعة 

عمار باستغراب/ في ايه يا مسروع انت ؟

يوسف بلهفة/ البنت بتاعة المول ،، لسة شايفها هنا تصدق ؟

عمار بسخرية/ يعني المفروض اعملك ايه انا اروح اخطبهالك 

يوسف بضحك/ لا ما انت عارفني مش بتاع جواز بس ميضرش لو ظبطلي معاها معاد 

عمار بغيظ/ روح شوف رايح فين يا يوسف وسبني في حالي 

يوسف بغمزة/انا مش هضيع فرصتي وهروح اتكلم معاها سلام 

مشي يوسف وعمار كان متابعه باستغراب ويوسف بقي ماشي وبيدور علي لارين بعنيه وفعلا شافها وهي قاعدة مع نيرة واستني اول ما هي قامت وقرب منها ووقف قدامها 

يوسف بابتسامة / ايه الصدفة الحلوة دي ،،والله متوقعتش اني اشوفك هنا خالص ؟

لارين باستغراب / افندم !! ،، حضرتك تعرفني ؟

يوسف بابتسامة / انا الشاب بتاع المول اللي كنت سألتك علي الكافيه 

كانت لارين هترد بس في نفس الوقت كان عمار بيدور علي يوسف عشان يعرفه انه هيمشي بس فجأة وقف بصدمة اول ما شافه واقف مع لارين وفهم انها البنت اللي يوسف شافها في المول واللي كان بيتكلم وبيتغزل فيها ووقتها قبض علي ايديه بغضب وقرب عليهم بسرعة …يتبع 

تفاعل حلو لو عجبتكم عشان اكملها 

#بقلمي_اسراء_ابراهيم

الفصل الثانى من هنا