رواية مكالمة منتصف الليل الفصل الثالث 3 بقلم عادل عبدالله
من خلال موقع بليري برس تستعرض معكم في هذا المقال ،رواية مكالمة منتصف الليل الفصل الثالث 3 بقلم عادل عبدالله ، لمزيد من التفاصيل حول المقال تابع القراءة
رواية مكالمة منتصف الليل الفصل الثالث 3 بقلم عادل عبدالله
رواية مكالمة منتصف الليل البارت الثالث
رواية مكالمة منتصف الليل الجزء الثالث
رواية مكالمة منتصف الليل الحلقة الثالثة
: وهو انت تعرفني ؟ انت لحد دلوقتي مقولتش انت مين ؟
: انت كنت بتعاكس خطيبتي من شوية في التليفون .
: انا ؟؟!!
: ايوه انت .
: اااااه . هو انت بقي عشيق الست اللي كنتوا ناويين تقتلوا جوزها .
: انت بتقول ايه ياض انت .لو متعدلتش في كلامك هزعلك .
: طيب اخلص وقول عاوز ايه ؟
: عاوزك متتصلش علي خطيبتي تاني . ويا ريت لو شايف نفسك دكر خليني اشوفك وانا اعرفك مقامك .
: انت بتعمل كده علشان تداري علي سركم اللي انكشف!!صح ؟؟ متخافش السر اللي بينكم بكره كل الناس هيعرفوه واولهم جوزها .
: يا ابن ………
قفل نور المكالمة بعد ما بدأ ناصر يشتمه بأبشع الالفاظ .
عرف نور ان المكالمة الغلط اللي جت له ممكن تكون سبب لكوارث كبيرة ممكن تحصله .
طلع نور بيته واول ما دخل لقي باباه كان صاحي علشان يصلي الفجر .
استغرب جدا لما شاف ابنه نور راجع من بره في الوقت ده !!!
: انت كنت فين يا نور ؟ انا لما نمت كنت انت في اوضتك !! نزلت ليه من البيت في الوقت ده ؟ وكنت فين ؟
بص نور لأبوه وقاله : صلي يا بابا الفجر ونام والصبح ان شاء الله هحكيلك علي كل حاجة .
: لأ . انا مش هرتاح ولا اعرف انام الا لما اعرف حصل ايه ؟
حكي نور لباباه كل اللي حصل من اول المكالمة الغلط لحد مكالمة العشيق .
ابو نور شجعه علي انه حاول ينقذ الزوج المسكين اللي كان ممكن يقتلوه المجرمين .
و انه بلغ الشرطة وهي قادرة تتصرف لكنه حذره انه لازم يخلي باله علي نفسه خصوصا انه بعد ما كشف سرهم ممكن يحاولوا يأذوه او يتخلصوا منه .
نور طول الليل معرفش ينام لحد ما طلع نور الصباح وملا الدنيا .ونور بيفكر ازاي يوصل للناس دي خصوصا انه حس من كلام العشيق ان نيتهم فيها شر .
نور فطر ولبس ونزل يروح شغله وطول الطريق بيفكر في نفس الموضوع .واخيرا افتكر حاجة مهمة اوي وقال لنفسه ……
: ازاي كان غايب عن بالي .الواد هاني صحبي شغال في شركة محمول . انا هتصل به و اعرف منه عنوان سكن الست دي من تليفونها ومن العنوان هوصل لجوزها وانبهه واعرفه اللي بيحصل من وراه قبل ما يغدروا به .
وكمان اعرف اسم وعنوان العشيق ده واشوف هقدر اعمل معاه ايه . علي الاقل ممكن اساعد الزوج الغلبان ده .
اتصل نور بصدبقه هاني وطلب يقابله ولما قابله عرفه باللي حصل وطلب منه انه يساعده في معرفة اسم وعنوان هذه السيدة وعشيقها .لكن صديقه قاله انه مش هيقدر يعطيه اي معلومات لان المعلومات دي مش بتخرج الا باذن
يتبع….
لقراءة الفصل التالي : اضغط هنا
لقراءة باقي حلقات الرواية اضغط على : (رواية مكالمة منتصف الليل)
في نهاية مقال رواية مكالمة منتصف الليل الفصل الثالث 3 بقلم عادل عبدالله نختم معكم عبر بليري برس
