رواية نور الاعمى الفصل الثاني 2 بقلم تارا
من خلال موقع بليري برس تستعرض معكم في هذا المقال ،رواية نور الاعمى الفصل الثاني 2 بقلم تارا ، لمزيد من التفاصيل حول المقال تابع القراءة
رواية نور الاعمى الفصل الثاني 2 بقلم تارا
رواية نور الاعمى البارت الثاني
رواية نور الاعمى الجزء الثاني
رواية نور الاعمى الحلقة الثانية
مايا بصدمه: بتقولي اي يا ماما قت*ل اي انتي واعيه بتقولي اي
صفاء بتوتر : بهزر يابت معاكي قت*ل اي لا طبعا
مايا بارتياح: ما انا بقول مستحيل ماما تفكر كده
صفاء: اكيد طبعا
صفاء في نفسها: بس انا بفكر كده كل يوم وكل ما افتكر الحصل زمان وكل ما اشوف وشها ومش هرتاح غير لما اخد حقي منها
في بيت زين
حسناء بحزن: تفتكر اللي عملناه ده صح
محمد : ايوا صح زين لازم يفوق لنفسه هيفضل قافل علي نفسه لحد امتي
حسناء : اتمني والله يوافق يعمل العمليه ويشوف حياته الدينا مش بتاقف علي حد
محمد: بس تعرفي انا مش مرتاح لصفاء دي بحسها طم*اعه ومش بتحب نور مع انها غلبانه
حسناء: مش عارفه بس ممكن تكون مش قصدها كده
محمد: مش عارف بس لازم نحرص منها
حسناء : تمام يلا اقوم اشوف العشا جاهز ولا لا
عند نور
نور ببكاء: يارب انا تعبت هم ليه بيعاملوني كده هو انا مش بنتهم ليه بياعملو مايا حلو وانا لا وكمان عايزين يجوزني غصب ازاي بس ياربي
قامت تتوضي وتصلي وتشكي همها لربها
بعد شويه خلصت وحست براحه غريبه وراحت نامت
عند زين كان قاعد نفس قعدته من سنتين بيفكر في الحصل معاه زمان بتمر ذكريات عليه بتحسسه ان الدينا فعلا مش سهله ولازم نواجه صعبات وفي نوعين من الناس لما تقابلها مشكله نوع زي زين استسلم وقفل علي نفسه ونوع تاني بيقاوم ويقاوح لحد ما يقف علي رجليه تاني
احمد : عامل اية يا زين
زين بحزن باين في صوته: الحمد لله
احمد: مالك يا زين اي حصل
زين: شوفت ماما وبابا عملوا اي
احمد وفهم زين بيتكلم عن اي: ماما وبابا عايزين مصلحتك عمرهم ما يعملوا حاجه تضرك
زين: وانا مش صغير عشان يروحوا يخطبوا ليا من غير علمي هم كده لغوا وجودي والناس دي هيقولوا عليا اي لما اهلي خطبوا ليا وانا مش موجود ولا اقولك اي ناس طم*اعه طمعت فينا ف مصدقوا لقيوا جوازه زي دي لبناتهم
احمد بحزن علي حال اخوه : لا زين متقولش كده اهلنا بيحبوك وعملوا كده لمصلحتك وانت عارف كده كويس ونور شخص كويس ووجودها في مكان بيدي طاقه ايجابيه ولسه هيكمل كلامه قطعه صوت والدته
حسناء: احمد معاه حق انا ارتحت لنور تحسها مش من البيت دا شوفت في عينها نوع من الانكسار
زين: ودا سبب يخليكي تخطبيها ليا من غيري ما تعرفيني وتاخدي رأيي
حسناء بحزن: حقك عليا يا ابني بس انا عايزه اشوف زين القديم تاني عايزه اشوف زين الالفي واقف علي رجليه تاني انا مامتك يا زين وحالك دا بيدبحني بسكينه تلمه
زين بحزن: حاضر يا ماما حقك عليا بس انا مش مجبر اعامل حد كويس بقولك اهو وكمان لو مفكره اني هغير رأيي في الموضوع اللي بتفكري فيه ف ده مش هيحصل
حسناء في نفسها: نور هتغير تفكيرك يا ابن بطني الصبر بس ولو تعرف نور بنت مين مكنتش قولت كده
حسناء: تمام يلا عشان العشا جاهز
زين: روحوا انتوا انا مش هاكل
حسناء: اللي يريحك هبعت لك الأكل هنا
زين: مش لازم انا مش جعان
حسناء: لا هبعت لك الأكل انت مكلتش من الصبح
زين سكت
واحمد وحسناء مشيوا
زين بحزن: غلطانه يا ماما لو فكرتي ان وحده هتغير رأيي لا يا ماما
عند نور كانت نايمه وبتحلم
نور كانت في مكان ضلمه ومش شايفه حد خالص
نور بصوت عالي: في حد هنا ياااا ناااااس
وهي وماشيه وقعت في حفره
نور ببكاء وصوت عالي: في حد هنا ساعدوني حد يساعدني
فجأه بدأ يظهر نور ضعيف ووحده وحده بيقرب من نور ويبقي اقوي
نور بامل: في حد هنا ساعدوني
ظهر شخص ملامحه مش باينه
نور : بالله عليك ساعدني خرجني من هنا
شخص قرب من نور وشدها وطلعها من الحفر
نور بتنهيده: شكرا ليك شكرا
الشخص: ساعديني خرجيني من ضلمتي انتي نوري انتي دليلي في ضلمتي متتخليش عني وبدأ يمشي بعيد عنها ونور عايزه تمشي وراه وتعرف مين دا بس مش قادره تتحرك عايزه تصرخ وتقوله هساعدك بس قولي انت مين واساعدك ازاي بس صوتها مش طالع
فجأه قامت من النوم مفزوعه
نور بقلق والعرق علي وشها: استغفر الله العظيم استغفر الله العظيم اعوذ بالله من الشيطان الرجيم اي الحلم ده وبصت علي الساعه لقيتها تلاته الفجر
نور: الفجر قرب يأذن اقوم اصلي القيام
في صباح يوم جديد
صفاء راحت اوضه نور
صفاء بغل وصوت واطي بس مسموع : نايمه ومرتاحه بعد ما خليتي حياتي جح*يم استني عليا يا نور الكل*ب قامت ضر*بت نور في بطنها برجلها
نور بخضه والم: اااااه يا بطني
صفاء: اي وجعتك اوي قومي يا اختي حضري الفطور وروقي الشقه عشا بليل جايين الجماعه نقرأ فاتحه مايا وفاتحتك عقبال ما نقرأ عليكي الفاتحه
نور بحزن والم: حاضر
صفاء بصت لها بقرف ومشيت
نور بحزن والم: يارب هون عليا الهم دا يارب اللهم لا اعتراض
بعد يوم طويل علي نور مر عليها بحزن وتعب جسميا ونفسيا بسبب معامله مامتها وأختها
صفاء بسخرية لنور: يلا يا عروسه روحي البسي
نور قامت بحزن والم ودخلت اوضتها
نور : هو انا ليه مش معترضه ليه حسه اني مرتاحه واي حلم امبارح دا وبصت لفوق سلمت لك امري يا الله
وبدأت تلبس
عند زين
صفاء: يلا يا زين عشان رايحين لبيت حاتم نقرأ فاتحه لكم
زين: لا مش جاي معاكم روحوا انتوا
صفاء: ميصحش يا زين انك متجيش قراءه فاتحتك
زين: زي ما يصحش انك تخطبي ليا من غير أذني خلاص يا ماما بلاش نتخانق اتفضلوا روحوا انتوا
صفاء بحزن: ماشي يا زين
صفاء مشيت من عند زين
صفاء: يلا يا محمد زين مش جاي
محمد : ازاي مش جاي قراءه فاتحته
صفاء: خلاص يا محمد سيبوه دلوقتي لازم نركز ان الجوازه بتاعت زين تتم
محمد: واحمد
صفاء: قصدك علي الحرب*ايه مايا لا طبعا مستحيل دي تدخل بيتي
احمد بصدمه: ازاي
يتبع…..
لقراءة الفصل التالي : اضغط هنا
لقراءة جميع حلقات الرواية اضغط على : (رواية نور الاعمى)
في نهاية مقال رواية نور الاعمى الفصل الثاني 2 بقلم تارا نختم معكم عبر بليري برس
