رواية وجدت بك اماني الفصل الثاني 2 بقلم فراولة

رواية وجدت بك اماني الفصل الثاني 2 بقلم فراولة

رواية وجدت بك اماني الجزء الثاني

رواية وجدت بك اماني البارت الثاني

رواية وجدت بك اماني الحلقة الثانية

# في المكتب #
سماء : جدي انا موافقه بس علشانه لا علشان اكمل حلمي… و وصله ان الكلام اللي قلته برا كان بس علشان ارد على ماما… غير كده فانا بكرهه… و مستحيل أمنله ابدا
سالم : هيجي اليوم و انا متاكد انك هتعرفي الحقيقه و ساعتها صدقيني هتحسي انه غيثك يا سمائه
سماء : ياااه يا جدي هو لسه حد فاكر الاسامي دي… خلاص اللي حصل حصل
سالم : لسه فيه… هو يا سماء
على العموم يلا اطلعي اوضتك شوفي محتاجة تجهزي ايه لان كتب الكتاب اخر الاسبوع و هتسافرو على طول علشان دراستك اول الاسبوع الجاي
سماء : جدو… هو انا وقت ما احتاجكم… هتقفوا معايا ولا معاه!!
سالم : مش فاهم يا سمسمتي
انتي خايفه من ايه
سماء : خايفه من ان علشان هو الولد فعادي يعمل اي حاجه و انا ماليش الحق اشتكي ما هو الراجل… خايفه في يوم لو اتعصب و مد ايده معرفش اكلمكم اشتكيلكم… خايفه اليوم اللي تقسوا فيه عليا علشان هو الراجل يا جدي
سالم : و انا من امتى فكرت كده يا سماء!! ولا من امتى اصلا شوفت انه لا انتي البنت يبقى نشد عليكي دا انا دلعتك اكتر منه بمراحل…. سمسمتي… اللحظه اللي تفكري فيها بس انك عايزة حتى تشوفينا… هتلاقينا جاينلك على طول متقلقيش يا حبيبتي
عبدالله بمقاطعه : و نسيت تقولها يا بابا ان انا ماليش غيرها في الدنيا دي…. و ان البيت دا من غيرها مش عايش
والله يا سماء لولا جدك… انا مش عايز اديكي لحد ابدا… دا انتي الغاليه يا غاليه
تعالى في. حضني جدي عيزاك ثواني في المكتب… بعد اذنك
سالم : تعالي يا حبيبتي… تعالي معايا
عبدالله : كان نفسي تبقى حنينة على بنتك يا صفاء… بس هقول… مشيتي ورا كلام الناس و البلد انها بنت و اكسريلها ضلع و القرف دا.. محستيش ان معاكي جوهرة
صفاء : انا كنت عايزة ولد اعرف افرح بيه وسط الناس.. حتى لو كان هيبقى فاشل فاسمه في الاخر وااد
عبدالله : مفيش فايدة يا صفاء مفيش فايدة… هيجي اليوم و اللي هتندمي… بس بنتك هتكون كرهتك
_____________________________
في المكتب
سماء : جدي انا موافقه بس علشانه لا علشان اكمل حلمي… و وصله ان الكلام اللي قلته برا كان بس علشان ارد على ماما… غير كده فانا بكرهه… و مستحيل أمنله ابدا
سالم : هيجي اليوم و انا متاكد انك هتعرفي الحقيقه و ساعتها صدقيني هتحسي انه غيثك يا سمائه
سماء : ياااه يا جدي هو لسه حد فاكر الاسامي دي… خلاص اللي حصل حصل
سالم : لسه فيه… هو يا سماء
على العموم يلا اطلعي اوضتك شوفي محتاجة تجهزي ايه لان كتب الكتاب اخر الاسبوع و هتسافرو على طول علشان دراستك اول الاسبوع الجاي
سماء : جدو… هو انا وقت ما احتاجكم… هتقفوا معايا ولا معاه!!
سالم : مش فاهم يا سمسمتي
انتي خايفه من ايه
سماء : خايفه من ان علشان هو الولد فعادي يعمل اي حاجه و انا ماليش الحق اشتكي ما هو الراجل… خايفه في يوم لو اتعصب و مد ايده معرفش اكلمكم اشتكيلكم… خايفه اليوم اللي تقسوا فيه عليا علشان هو الراجل يا جدي
سالم : و انا من امتى فكرت كده يا سماء!! ولا من امتى اصلا شوفت انه لا انتي البنت يبقى نشد عليكي دا انا دلعتك اكتر منه بمراحل…. سمسمتي… اللحظه اللي تفكري فيها بس انك عايزة حتى تشوفينا… هتلاقينا جاينلك على طول متقلقيش يا حبيبتي
عبدالله بمقاطعه : و نسيت تقولها يا بابا ان انا ماليش غيرها في الدنيا دي…. و ان البيت دا من غيرها مش عايش
والله يا سماء لولا جدك… انا مش عايز اديكي لحد ابدا… دا انتي الغاليه يا غاليه
تعالى في. حضني تعالي
_________________________________________
غيث : اتفضلي يا سماء دا بيتك
سماء : اوضتي فين يا ابن عمي؟!
غيث : اختاري الاوضه اللي انتي عيزاها و خديها… دا بيتك و انا اللي ضيف عليه يا سماء
سماء : من غير كلام و نحنحه يا ابن عمي… انا في اوضتي عليك عليا الاكل و الشرب غير كده ارجوك حاول متخليناش نتعامل و عايزة مفتاح الاوضه
غيث : كل الابواب فيها مفاتيحها… و بالنسبه للكلام فدي مش نحنحه… الصبح و انتي بتمضي على ورق كتب الكتاب خليت جدي يخليكي تمضي على عقد البيت دا… يعنى البيت دا باسمك دلوقتي و لو في يوم حصل حاجه انا اللي همشي لكن دا بيتك
سماء : و يا ترى جبت فلوسها منين يا ابن عمي… من القرف اللي بتشربه ايه بقيت بتبيعه… و يا ترى هتاكلني بالحلال يا ابن عمي ولا بفلوس حرام
انا مش عايزة منك حاجه غير انك تبعد عني… كفايه انك خليتهم يحطوني في خانة اليك علشان اكمل حلمي لازم اتجوزك… دا سبب لوحده يخليني اكرهك اكتر
غيث : للدرجة دي يا سماء للدرجه دي… على العموم مش وقته الكلام دا… روحي نامي و الصبح هوريكي كل حاجه هتعوزي تعرفيها و السبت الصبح هنروح الكليه علشان تقدمي على الورق اللي انتي عيزاه و نخلص كل اجراءاتك
سماء : انا هعرف اروح لوحدي… مش عايزة منك حاجه
غيث بزعيق : سمااااء كلمتي مش هتنيها و اتفضلي يلا
على اوضتك
#بعد دقايق #
غيث في التليفون : عارف والله يا جدي بس كان غصب عني… دي مش بتنطق اسمي حتى… صعب اني اسمع و اشوف كل الكره دا منها ليا… معرفش ازاي اتعصبت عليها… انا مستعد ادفع عمري كله بس علشان اشوف نظرة عينيها تاني.. النظرة اللي كانت بتخصني انا بس مش الكره… انا خايف يا جدي
سالم : برضوا براحه عليها اللي حصلها مش شئ بسيط يا غيث… استحمل نتيجة اللي حصل دا للاخر و متندمنيش اني وافقت على جوازكم… انت غلطت و مش غلط صغير.. كفر عن غلطك دا بقى
غيث : حاضر يا جدي حاضر… ربنا يعيني و يصبرني بس لو سمحت برضوا كلمها و لينها شويه يا جدي ارجوك
سالم : حاضر حاضر… يلا امشي خليني اكلمها يلاج
# بعد نص ساعه #
سماء : نعم بتخبط ليه؟!
غيث : احيه دا انا لو جي اشحت منك مش هتعملي كده في ايه يا بنتي
سماء : لخص يا ابن عمي خير… عايزة انام
غيث : حاضر ياختي هلخص… بصي انا عارف انه لا هو… ممكن نصلي سوا؟!
سماء : نصلي سوا!!!!
غيث : ان عارف ان جوازنا مش طبيعي و ان انتي عندك اسباب كتيرة تخليكي كرهاني و مش طيقاني… بس دا اول طلب اطلبه منك… ارجوكي خلينا نصلي ركعتين سوا و بعد كده مش هسيبك تنامي براحتك.. بالله عليكي
سماء : تمم هروح اتوضى و هطلع تكون جهزت المصلية سماء
“كنت مستغربة جدا و انا بصلي وراه… حلاوة صوت تلاوته كانت مقشعراني… حسيت لوهلة ان دا غيث اللي اعرفه هل يعقل يكون فعلا رجع لصوابه…. كنت خايفه لحد ما بدأنا صلاة و اندمجت مع صوته و خشوعه لحد ما خلصنا صلاة ولقيته بيلف و يبصلي و بيبتسم… و حط ايده على راسي… هو ايه اللي بيقوله دا ولا بيقرأ ايه… حاسه اني سمعاه بس مش فهماه صوت دماغي اعلى.. هو بيمسك ايدي ليه احيه دا احنا على سجادة الصلاة حتى دا ايه دا ”
: هو انت بتعمل ايه يا اخ… ايدي بعد اذنك هاتها كده… ايدي يا ابني انت متبت فيها ليه
غيث : ما بس بقى خليني اركز
سماء : تركز في ايه يا ابني اعمل اللي تعمله في ايدك
غيث : الوقت فات يا سكره…. و كمان علشان ناخد احنا الاتنين الثواب…. و اعملي حسابك ان كل صلاة هنصليها سوا هعمل كده… و اتفضلي ايدك ياستي مش هسرقها يلا قومي كلي علشان تنامي
سماء : مش جعانه و ملكش دعوة بيا سامع!!
غيث : يا الله… طيب انا جعان هقوم اكل… خليكي براحتك كده
سماء : دا مشى بجد!!!
هو بيعرف يعمل اكل اصلا!!!
ايه الريحه دي!!
غيث: انتي لسه بتفكري بصوت عالي… بس اه يا ستي بعرف اعمل اكل بس دا الاكل اللي بعتينه معانا
هتيجي تاكلي ولا اكل لوحدي!!
سماء : هو انا هاكل بس مش معاك هات الطبق دا كده… بس شكرا هروح اكل في اوضتي عن اذنك
غيث : هي رزعت الباب!!!
لسه المشوار قدامك طويل يا غيث… لسه كتير بس كله يهون علشان نظرة عيونها والله
# في الصباح #
سماء : بسم الله… انت قاعد كده ليه… حد يخض حد كده و كمان الساعه ١٠ انت في البيت ليه ها!!
غيث : صباح النور ليكي انتي كمان يا سماء… و يعنى قاعد اعمل ايه يعنى علشان مخضكيش انتي اللي طالعه و مش مركزة… و مفروض ابقى فين الساعه ١٠ الصبح يا سماء
سماء : في الشغل مثلا… دا لو بتشتغل اصلا
غيث : النهارده الجمعه ياختي… الوحيدين اللي بيشتغلوا بتوع السوق دا لمعلمواتك يعنى… اما بشتغل ولا لا… فمتقلقيش هنعرف ناكل
سماء : و يا ترى بالحلال يا ابن عمي
غيث و هو بيجز على سنانه : سماء يا حبيبتي… علشان انتي عارفه ان صبري مش كبير يا امي…. اه بالحلال يا سماء… بشتغل و هكفيكي باذن الله هكفي بيتنا و مصاريفنا بالحلال يا سماء تمم
و يا ستي هسيبلك البيت و هنزل تقعدي تشوفي محتاجه فيه ايه و ايه اللي ناقص في التلاجه انا حاولت اجيب كل اللي فاكره…. و بعد الصلاة هرجع اخد منك الليسته و لو عايزة تنزلي علشان تشوفي الاماكن تكوني جاهزة
سماء : طب براحة على الباب يعنى ايه ذنبه يتهبد كده… بس ذوقه حلو في الفرش اما نتفرج 🤷
________________________________________
سماء : مش عارفه يا جدي انا حاسه دلوقتي اني بتعامل مع غيث… اه خايفه حبه بس نظرة عيونه كانها بتطمني دي العيون اللي انا عرفاها و بطمن معاها مش التانيه.. . بس لسه خايفه حبه
سالم : واحده واحدة يا بنتي و كل حاجه هترجع و هتطمني على الاخر… بس متستنزفيش صبره يا سمسمه.. دا مهما كان راجل
سماء : حاضر يا جدي.. حاضر
سالم : اهو دا اللي باخده منكم يا ولاد الجزمة انتوا تتصلوا اللي يشتكي و اللي يعيط و في الاخر حاضر يا جدي… عيال تجيب القرف اقسم بالله
سماء : جدو عايزة استشيرك في حاجة و بعدين كمل تهزيق
انا عايزة انزل اشوف الدنيا و اعرف الحاجة تتجاب منين و كده… بس مش عارفه انزل معاه!!
سالم : سماء يا حبيبتي… هو انتوا شاقطين بعض من جامعة الدول و خايفه حد يشوفكم سوا ولا في ايه فهميني… دا جوزك يا بنت الاهبل
سماء : ما انا عارفه يا جدي انه جوزي بس في افكار سودويه في دماغي اووي… فمش عارفه ابقى مطمنه فاهمني!
سالم : سماء… محدش هيخاف عليكي اكتر مني بس بعدي غيث… انتي في امان و انتي معاه اذا كان منه او من غيره
سماء : اشطا يبقى اقوم البس… سلام انا دلوقتي يا جدي
_______________________________________
غيث : السلام عليكم… ايه دا انتي هتنزلي معايا!!
سماء بتوتر : مينفعش!
انا بس قلت اعرف الاماكن علشان لو عوزت بعدين انزل بس خلاص اسفه… انا كده كده كنت كاتبه الحاجة في ورقه هجيبهالك
غيث بسرعه : تجيبي ايه… انتي روحي هاتي شنطتك. و انا هخش اغير بسرعه… و اعملي حسابك هناكل برا
سماء : ملوش لزوم المصاريف دي انا
غيث بمقاطعه : بلا انا بلا انت… هنجيب كل اللي عيزاه بس لو في خضار او حاجه هنسيبها لبكرا اجيبهالك الصبح احسن
سماء : لا الخضار كله موجود جوا.. دي حاجات تانيه… بس في حلل و حاجات محتاجاها
غيث : مفيش مشكله و كويس انك نبهتيني علشان اخد فلوس زيادة
سماء : لا ما هو جدي اللي كان مديني فلوس فهجيبهم منها
غيث : جديي!!
بصي يا سماء… البيت دا بيتي و انا جبت كل حاجه فيه من فلوسي انا اللي تعبت و اشتغلت بيها… فلوس جدي خليها معاكي ليكي انتي بس برضوا اي حاجه تعوزيها تطلبيها مني.. ولما مقدرش ساعتها يبقى في كلام تاني
و اعملي حسابك انك هتاخدي مصروف مني انا… مليش دعوة باي حاجه قبل كده.. يعنى فلوس جدي مش علشان مصاريفك… شوفي عايزة تحوشيهم تجيبي بيهم دهب براحتك… بس انتي مسئولة مني انا سامعه
سماء: حاضر
غيث : ايه دا حاضر من غير مقاوحه… مش مطمنلك على العموم انا هخش البس بسرعه و راجعلك

يتبع…

لقراءة الفصل التالي : اضغط هنا

لقراءة جميع حلقات الرواية اضغط على : (رواية وجدت بك اماني)