رواية جولة داخل مملكة العدوي ( كاملة جميع الفصول) بقلم هاجر احمد

 رواية جولة داخل مملكة العدوي الفصل الاول بقلم هاجر احمد

بعد ما مريم نزلت البوست بالردود قعدت أدور في الكومنتات والجد..ال وكأني في عالم تاني.لانها مش اول مرة.

– مالك يابت ياهاجر مسهمة في النيلة كدا ليه؟

انتبهت لكلام ماما ورديت: 

_ أبدًا ياماما بس بشوف ردود اللي بيقولوا على جريمة عشق بير سلم، إزاي يقولوا كدا أصلًا كفاية الحكم والمواعظ والحب والترابط اللي فيها!

– إيه الرواية بتاعة مريم اللي فيها الإمبراطور اللي قارفاني بيه؟

_ أيوة يا ماما بتاعة إمبراطور قلبي، تخيلي!

– إيه الناس دي! سايبين الناس التانية اللي تكتب الحاجات اللي تقرف وجايين للرواية دي، ربنا يصلح الحال.

قومي بقا يامزغودة نيلي المواعين وروقي الدنيا قبل ما أبوكي ياجي من الصلاة الراجل تعبان وأنتي ناوية تشلي الكل!

_جرا إيه ياولية سيبيني في أحزاني دول جابوا سيرةإمبراطوري اللي هوخط أحمر.. كمان تلاقي مريوم زعلانة!

– يبقى خلي الإمبراطور وأعوانه يصالحوها ياعين أمك.

ومشيت، أنا بقيت أقلب الكلام في دماغي؛ طب ليه الإمبراطورميحلهاش، ضحكت ونطيت وصر..خت:

_ لقيتها.. لقيتها!

لقيت ماما جاية جري تشوف بصرخ ليه، فسمعتني.

– إيه اللي لقيتيها ياآخرةصبري؟

قولت بضحك: إزاي هسكتهم، أنا هجبلهم الإمبراطور وهروحله!

وهووووب لقيت الشبشب سلم على وشي أصلي كنت واحشاه.

– بقااا بتصرخي وتتنططي على هبلك، استعوضت ربنا فيكي ياهطلة أقول فيكي إيه وأنتي فيكي كل العبر!

_ خلاص ياما بقا سيبيني أنام عشان هصحى بدري معايا مشوار مهم!

وقفلت باب الأوضة قبل ماتمسك…ني من شعري، وأول ما اختفت روحت استأذنت بابا وبعد محاولات وافق ونمت وأنا فرحانة بأني هقابل العدويين.

صحيت على الفجر وصليته وأخدت شاور ولبست اللي على الحبل، بعدها روحت المحطة

ركبت القطر وأنامتحمسة للقاء،أتصفحت وعرفت فين العنوان عشان ماأتوهش هناك.

وبعد ساعات طويلة أخيرا وصلت القاهرة.. عماار يامااصر!

أخدت تاكسي وقولتله العنوان وشويةكدا ووصلت، بصيت على المملكة حرفيا انبهرت، متوقعتش هتبقى بالجمال دا ولا بالحجم اللي وصفته مريم.

_بسم الله ماشاءالله اللهم بارك، عيني عليكم باردة يالهويز على الجمدان، دي من برا شكلها كدا أومال جوا هتبقى إيه ياموكوسة ياللي أنضف مكان اتصورتي فيه حمام المستشفى!

وفي وسط منا بكلم نفسي خبطت في ضلفتين، قصدي حيطتين، رفعت رأسي وبلعت ريقي وضحكت ببلاهة:

_ لا صارفين ومكلفين على البوابة عاملين ليه حيطتين عليها سادينها مية ونور، هاي يا كباتن!

– أنتي مين وجاية هنا ليه؟

_ ألااه هي دي مقابلة تقابلوا بيها الضيوف، أنا لازم أشتكيكم للإمبراطور على سوء استقبالي، قوله الداكتوورة المدققة هاجر أحمد برا بس!

لقيتهم بيبصولي بذهول مش عارفة ليه، وواحد فيه مسك اللاسلكي وقال:

– آدم باشا فيه واحدة اسمها هاجر أحمد بتقول عايزة تقابل حضرتك ضروري وشكلها ياعيلةياهبلة.

_متقولش هبلة طااا

الإمبراطور: مين دي؟ معرفش حد بالاسم دا هارون استنى أنا جايلك!

_ أيوة بقا الإمبراطور هيستقبلني لولولولولي!

الديزل: بابا ارتاح حضرتك أنا هتصرف وأشوف مين دي!

_ منك لله يا هادم اللذات ومفرق الجماعات!

الإمبراطور: تمام يا آدم، خلاص ياهارون آدم جايلك وهيشوف مين دي.

هارون: أوامر معاليك ياباشا!

_ أنت هارون! أنا قولت السحنة المر..عبة دي أكيد ياشاهين يا هارون، يلاخلينا مستنين..ماشي يا آدم ملقيتش غير دراكولا دا اللي تبعتهولي أنا..ناقصة..ر..عب من..أولها.

هارون: ممكن تبطلي كلام لحد ما آدم باشا ياجي ويشوف حكايتك إيه!

_ ألاااه.جرا إيه ياجدع إيه عايز تخرسني وتسكتني.ليه كنت بتكلم.ببوقك ياحج أنت، ولاعشان ربنا أنعم عليك بشويةعضلات وطول هتتنطط عليا.. لا.يابا دانا هاجر عشما..وي الحرابيق!

شاهين: خلاص ياآنسة ممكن تهدي هو..مش قصده.

_ عشان ذوق حضرتك هسكت وبعدين دا.كله في.السكة ليه سلحفاة ماشية، داأسلوب غير لائق باستقبالي أنا هلغي.رحلتشي!

– طب ماتلغي رحلتك حد ماسكك.. أنتي مين؟

اتفزعت من الصوت ودعيت ربنا إنه يكون توقعي غلط، ولفيت وياريتني ما.لفيت!

_ سلامًا.قولًا من ربٍ رحيم، مين دراكولا الغلابة… قصدي ديزل.قلوبنا إزيك ياجدع ليك وحشةوالله أنت.وشِبح ابتسامتك!

بصلي.بشبح ابتسامة سخرية: 

– الله.أهي كملت كانت ناقصة جنان هي، أنتي مين ياأستاذة وتعرفيني منين؟

بصيتله بكبرياء: 

– مش هتكلم غير قدام الإمبراطور اباشا ولاأنت عايز.تكروتني ولا نظامك إيه؟ 

شاورلي بإيده أدخل جوا وقال: اتفضلي لما نشوف آخرتها، بس.عارفة لو كنتي جايةفي أذ.ى لعيلتي صدقيني مش عارف هعمل فيكي إيه بس هسيب لخيالك العنان!

بصيتله برعب وقولت في سري:

– ايه ياعم.بتخو.فني ليه هو أناقولت حاجة يخر.ب بيت كدا الله يكون في عون الهبلة اللي حبتك دي.. اكيد هطلة ياحرام.. بس اسكتي نسيتي إنه بيقرأ الأفكار ومشعو…ذ ياخيبتو.أنا.

رفعت إيدي.ورديت:

_ عتلاق باشا البشوات والله دامنظر واحدة تأذي دانا أهطل من البت چود وربنا حتى اسأل اختشي منى.

آدم.مراد: اتفضلي!

دخلنا جوا وانبهاري زاد من.جمال الخضرة والهوا بتاع الزرع وتناسق أوراق الورد، حاجة وهم وتريح الأعصاب.

_ إش.إش.إش، إيه الجمال.دا اللهم بارك سبحان المبدع الخلاق، لا.عاش ياريس عوض تسلم أناملك أنا خلاص هعمل فرحي هنا!

وإحنا وماشيين لقيت راجل واقف جنب كشك الكلب لابس جلابية فخمنت إن دا الريس عوض فجريت.عليه وسيبت آدم.

_ ياريس عوض..ياريس!

عوض لف وبصلي: يتنادي عليا.يابنتي.. اللاااه تعرفيني منين؟

_ أنا الدكتووورة هاجر ياريس إيه أخبارك دنا من أشد معجبينك أنا والواد ضياء أخويا الأهبل.

عوض: أني! معجبيني أني؟

_ أيوة ياريس، دا أخويا عايز يدخل بيطري مخصوص ويقول الجاموسة ظربت والله! 

عوض: الله يبارك فيكي.ياست الضاكطورة دا من ذوقك بس.

جيت أرد لقيت آدم.مراد واقف قدامي:

– بعتذر عن قطع حوارك المهم ياآنسة بس ممكن ننجززز ونشوف سيادتك عايزة إيه.. اتفضلييي!

_ ألاااه.ليه بتتعامل مع.أنثى حساسة زيي كدا ياأستاذ أنت، وبعدين مش بحييه الراجل ولايقول عليا متكبرة مشيت ومعبرتهوش!

آدم.مراد بسخرية: لا.صاحبة واجب الصراحة مليش حق، اتفضلي ياأستاذة قدامي على.الفيلا خلينا ننجز في يومنا دااا!

جيت أرد شاورلي.بولا كلمة فسكت، مش جبن لار..عب بعنيه اللي حساها هتحر..قني ربنا على الظا..لم!

دخلت جوا معاه وفتحت.عيني.على الآخر.من.اللي.شوفته!

طارق بنرفزة: بقولك إيه يابن العدوي بطل البرود بتاعك دا وماتعصبنيش.جاتكم البلا عيلة تغم النفس!

آدم ببرود: اهدى ياأسد العصبية خط.ر.على سنك.

طارق اتعصب اكتر: سن مين ياض دانا كلي شباب .. طب حتى البت وقفتني بتقولي أنت في سنة كام.

رنا: ههههه.. أيوة على يدي ياأسد.

آدم: مالازم تقولك كدا بالمشجر اللي لابسه دا .. من العتبة.دا ولا الوكالة يابابا.جدو؟

طارق بغضب: أنت بتحب تعصبني ليييه ياااض! وبعدين اللي غيران.مننا يعمل زينا ود.متخلف وإتم صحيح وميطمرش.فيك!

بقيت أبص بذهول على اللي حاضرين وقولت في سري:

_ يانهار أسوس.. إيه الرجالة اللي بتنور في الضلمة دي، دول أحلى من الصور، ولا الستات فاضل فولت واحد وتنور

بس.بس ياجوري خليكي تخرجي من هنا سليمة ولا عايزة تحصلي هيلينا يامزغوتة اتكتمي واحترمي نفسك!

قعدت أبحلق فيهم -بس مكانش الكل حاضر لسه- وأنا بضحك ببلاهة:

_ الله.متجمعين عند النبي دي العيلة كلها هنا يابركة دعاكي ياما .. أما مين دي تلاقيها بتدعي عليا منا عارفة هي.مرات أبويا بس عاملة دور أمي .. ربنا يسامحك يابا…

مكملتش كلامي لما لقيت الكل. بيبحلقلي بذهول، فبصيت في الأرض بحرج:

_ احم احم، السلام عليكم ورحمة الله وبركاته!

ابتسموا و.ردوا السلام وبعدها جم استقبلوني والستات سلمت عليا، بصيتلهم تاني ولأول مرة قلبي يحزن ويفرح في نفس الوقت وعنيا لمعت بالدموع، كنت أتمنى يكون.ليا عيلة بالترابط والحب دا.

بس الفرحة طغت عليا لما.لقيت ست منتقبة قربت ناحيتي ترحب بيا.وحضنتني و استنتجت أنها ضرتي قصدي مريم الجزا.ر.

مريم: أهلا بيكي ياحبيبتي! اتفضلي استريحي نورتينا.

_ بنور حضرتك شالله تنستري ياغالية، ألا قوليلي إيه الجمال دا..عيني عليكي باردة اللهم بارك أنتي أصبى. مني يامووزة يالهطة جشطة!

ضحكت مريم: ههههه.. شكلك دمك خفيف، الله يصلح حالك ياحبيبتي أنتي زي القمر برضو.

_ يالهويز على الرقة والجمدان عتلاق أنثى مش أنا جعفر.في نفسي!

– مش هنخلص من.صفحة الغزل.دي ولا إييييه؟

اتنفضت على صوت الإمبراطور ولفيتله بحماس:

_ أخيرًا ياجدع إمبراطور قلبي شوفتك ياااه.يابا الحج دنا استنيت اللحظة دي.من زمان رغم ليا.عتاب عليك!

مريم بغيرة: يابنتي أنا لسه بقول فيكي كلام حلو.مالك وماله وقلب مين إن شاء الله عيب كدا!

بصيتلها ببراءة:

_ إيه يامريوم فهمتي غلط، أنا.بس من أشد معجبينه.حتى مش بخلي حد يمدح فيه ولا يتغزل أومال إيه!

آدم بهدوء: اتفضلي يابنتي اقعدي!

_ يزيد فضلك ياراعي الغلابة أنت يالهويز شايف الذوق ياعم.الديزل مش تقولي هعمل وأسوي وتزعق اتعلم من جدك ياجدع، جد مين دا اللهم بارك أصبى منك!

قعدت وقعد آدم.مراد ببرود جنب آرين اللي كاتمة الضحكة على.اللي اتقال وكلهم كذلك.

آدم بهدوء: تشربي إيه ياآنسة قبل ما نتكلم؟

_ ملوش لزوم ياكبير خير سابق على.الكل، أنا جاياكم من السفر صد رد ومش.هطول.

مريم: لا إزاي يابنتي لازم تشربي حاجة شكلك مرهق كدا ليه؟

_ يسلم كرمك ياجميلة الجميلات، آه والله مرهقة وتعبانة جاية من الأقصر على هنا.

آرين بانبهار: واااو.الأقصر.. أنا نفسي أروحها خالص.جدا.أوي.آه.والله!

_ هو مش الأقصر نفسها أنا من مركز إسنا بس لو عايزة تروحي أنا في الخدمة ياعسلوية وأوديكي أسوان كمان.

آرين سقفت بحماس: بجد والله.. آدم بليز نروح زي ما بتقول بليز بليييز نفسي أشوف المعابد والمراكب هناك بليييز!

آدم.مراد مسح وشه بخنقة: كانت ناقصة جنان هي أنا مصدقت تعقل شوية وشوية العقل طاروا.

بص لآرين وقال من بين أسنانه بهمس: ممكن تبطلي جنان عشان أنا على آخري وممكن…

آرين قطعت كلامه وعوجت بوقها وهي بتقول:

– خلاص.خلاص عارفة لو ماسكتيش هوريكي وش مر..عب تاني غير دراكولا اللي قدامك.. بارد!

آدم.مراد: بتقوليييي إيه ياآريييين!

آرين بنرفزة: مبقولش.مبقولش.. ربنا على الظالم!

ضحك بخفوت على نرفزتها وقال بمكر: شكلك عايزة تتعاقبي ياريبونزل .. لينا بيت هعاقبك فيه لحد أجازة الأسبوع الجاي قبل مانسافر الأقصر وأسوان لوحدنا بس.

آرين فتحت بقها وعينيها بذهول وبعدين فاقت من الصدمة ورجعت لجنانها وقعدت تسقف و تقول: 

– يس يس.. أنا عارفة إني مش ههون عليك يامرعب قلبي!

هز راسه بيأس وأنا قاعدة براقب في صمت بس قولت استفزه:

_ قد إيه مرعب وحنين ياضنايا.. بلا هم!

مردش بصلي ببرود بس جواه ترعيب أومال دا دراكولا!

مريم: زينب.. يازييينب!

زينب: أيوة جاية أهو ياست مريم!

أول ما سمعت صوت زينبو جريت ناحية مصدر الصوت زي الهبلة

_ زينبو حبيبة قلبي بالحضن يافواز!

زينب باستغراب: أهييي ياست هانم أنتي تعرفيني؟

_ إلا أعرفك دنا حليفتك هناك، تصدقي بالله كل ما أكلم مريم نصار تقولي والله مالايق عليكي غير زينبو؟

زينب: شالله يجبر بخاطرك ياست البنات ويبعد عنك كل وحش ويطعمك ما يحرمك و…

الإمبراطور: خلاص يازينب شوفي الضيفة تشرب إيه منا ما تجهزي العشا دي جاية من سفر!

زينب شهقت: ياحووستي .. كبدي عليكي يا ضنايا باين عليكي التعب تشربي إيه منا ما أحضر السفرة اهو تبلي ريقك.

_ خلاص لو لازم لمون بالنعناع ويبقى تسلم إيدك.

زينب وهي ماشية: هوااا ثواني ويكون عندك.

بعد ما مشيت الإمبراطور بصلي وقال بهدوء:

– ممكن أعرف مين حضرتك يابنتي؟

_ محسوبتك الدكتورة المدققة اللغوية هاجر أحمد عشما.وي الحرابيق.

فهد: بقا دا منظر دكتورة دا ومدققة!

_ الآه ليه كدا بس ياحج أبو ريكو مالي بس؟

فهد ببرود: ياشيخة دنا كنت فاكرك هربانة من الإعدادية بطولك دا.

_ هنبدأها تنمر.بقا اعترض حضرتك على حكمة ربنا، يوضع سره في أقصر خلقه وله في ذلك حكمة.. أبااااي عليك وعران ومعنجر!

مراد : ههههههه.. هارد أتاك ياحوت.هروح أعمل مكالمة وراجعلكم

آدم ضحك على ريآكشنات فهد اللي متغاظ مني وقالي:

– سيبك منهم أنتي منين يابنتي وعايزة إيه؟ 

_ زي ماقولت لحضرتك من شوية من الأقصر مركز إسنا بالتحديد، أماعايزة إيه فأنا عايزة رجالة العيلة.

سمعت شهقات عالية فرفعت عيني للمصدر لقيت الستات بصينلي بشرز وغضب فأدركت المصيبة اللي هببتها فقولت بسرعة: 

_ لا لا لا.أنتوا فهمتوني غلط… قبل ما أحصل هيلينا وأبقى المغفور لها.. أنا جاية في مصلحة عايزاهم فيها وماشية!

بصيت لآدم: شوف ياكبير طبعا أنا قولتلك مدققة لغوية، اللي بدققلها الروايات هي فاتنة القلوب مريم نصار.. أكيد تعرفها؟

أدم ابتسم: ومعرفهاش إزاي وهي سبب اللمة اللي أنتي شايفاها دلوقتي والحب اللي ما بين الكل هنا!

_ أهو مريم دي بقا لما قرأت الرواية بتاعتها مكانتش اكتملت وكنت بعمل ريفيوهات وكانت بتعجب مريم وعملت  غلاف الحلقة الأخيرة .. دنا اتقطعت عياط ياخي والله وضغطتي وطي ولا لما اتصبت بالنا..ر علقت محاليل و…

استغربت لما لقيت الأغلب ماسك راسه.

_ مالكم فيه إيه أنتوا تعبانين ولاحاجة كفى الله الشر؟

فهد بتريقة: أبدا بس دخل علينا راديو من أول مادخل مبيفصلش!

_ بس أنا مش سامعاه ليه طب ما تشوفوا حد يفصلوا.. ماهو أكيد مفيش حد عارف يفصلوا.

فهد بتهكم: وأنتي حد بيعرف يفصلك ياآنسة؟

للحظة تنحت استوعبت أنه يقصدني وقومت من مكاني. 

_ ياوجعة أهلي مربربة.. أنا راديو ياحوت مش قاعدةبمهد للبلو..ة اللي هقولها.. تصدق فخد بيبي ياسيوفي أنا مش هرد  احترامًا لهذا الجميل والناس الذوق اللي قاعدة!

وبصيت لربنو: وأنتي ياحجة رينو سكتي عمي فهد خليني أنجز بقا .. جاتنا نيلة في حظنا المزحلق زي.بلدنا!

رينو: ههههههه والله البت دي عسل، اهدى يا فهد عيب كدا الله!

_ قوليله عم هولا..كو هو ودراكو..لا اللي جنبه دا!

طارق ضحك: ههههههههههه.طب والله البت دي بتفهم!

رديت بكبرياء: أومال دنا أعجبك ياأسد. وغمزتله.

اتنحنح آدم عشان هيبته متروحش بسببي وقال بحزم:

– ممكن شوية هدوء ولا ايه.. مفيش احترام ليا .ولا لحد!

_ معاش ولا.كان اللي مايحترمكش ياكبارة.. حقك عليا ياكبير!

فهد بحرج: أنا آسف ياعمي مش قصدي.

دخلت زينب ومعاها العصير وكيك لزوم الضيافة. 

_ عنك ياغالي والله جيتي في وقتك يازينبو الواحد عايز يهدي أعصابه من الشرا..ر اللي حواليه!

بصيت على فهد وآدم بغيظ لقيت فهد بيصك على سنانه 

زينب: بألف هنا وشفا على قلبك ياست البنات.. عن إذنكم يابشوات.

مسكت العصير وشربته باستمتاع ماهو بيغسلني من جوا!

_ احم تسلم ايديكم والله.. عقبال شربات فرح الواد آيان في حياتكم يارب.

كلهم ابتسموا وأمنوا فكملت: استسمحكم بس أطمن أبا الحج عليا قبل الكارت ما يخلص وأرجعلكم؟

مريم: اتفضلي يابنتي البيت بيتك.

ابتسملتلها بامتنان ورنيت على بابا.

في نفس الوقت رجع مراد وشاف ملامح فهد وقال بشماتة:

– إيه ياحوت هي البنت علمت عليك..ههههههه.

فهد بغيظ: متقدرش ياصقر واسكت منيش ناقصك دلوقتي كفاية الراديو أم.لسانين دي..اوووف!

_ على فكرة سمعتك ياعمو فخد ومش هرد عليك مش فاضية!

مراد: هههههههه..البت دي معلم!

_ ألووو.. السلام عليكم، إزيك يابا الحج؟

-………

_ أنا فل الفل ووصلت أنت خدت علاجك؟

-………

_ طب الحمد لله لا.أنا هخلص وآخد تاكس بس خلي عمو يتصل يقولي عنوانه… رغم إني مبطيقش قعدة الأطلال بتاعتهم.. ناس أعداء الفرحة.

طارق: لا البت دي هاخدها عندي تعيش داحنا هنعمل ميكس جامد أنا وهي رودي.

_ أيوة يامدثر أيوة أنا قاعدة مع الإمبراطور شخصيا.. إيه.لا.مش هقول للمرعب ورينا شبح الابتسامة دي حيلته ياضنايا.. أيوة ياماما.هترييني على المواعين.اللي.سيبتها..خلاص.المسامح.كريم.. أيوةشوفت مراد.. لا عيب يقولها يابنت المستخبي أبوها قاعد!

طارق بص لمراد اللي بيطلم على وشه وقال بنرفزة:

– انا مستخبي يابن العدوي! تصدق ياض يامراد هتصدق إن شاء الله.. أنت مطمرتش فيك تربيتي!

مراد بص لفريحة وغمزلها: مش قولتلك هيقول كدا وبعدين أنت مربيني وطلعتني إمام جامع مثلا.. خليني ساكت وأشوف باقي الفضايح!

_ أيوة ياضياء إيه أخبارك.. أيوة قولت لعوض يقول الجاموسة ظربت.. يادي الحزن الأسوس اديني أبوك ياض بدل ما أجيلك يابتاع سوسو.. أيوة يابا قوله مايتأخرش عشان ألحق أروح..ثواني يابابا!

لفيت مريم لما سمعتها.بتكلمني: نعم يامريوم!

مريم بابتسامة: بقولك مينفعش تمشي أنتي هتباتي عندنا النهاردة.الوقت.اتأخر.

_ احم لا شكرًا لحضرتك أنا هروح بيت عمو و…

آدم: مفيش لأ.طالما مريم قالت يبقى كلامها فرمان.. اديني والدك.

اديته الفون بحرج وكلم بابا ورد السلام وعرفوا بنفسه وبعد ترحيبات قال: 

– طيب ياأستاذ أحمد الوقت اتأخر ومنا ما ييجي عمها هيبقى الوقت اتأخر أكتر وأنامحتاج أعرف منها تفاصيل فهي هتبات في شقة من الشقق اللي في.العمارة والصبح هخلي عربية توصلها لحد عندك.

_ لا.لا.. أنا هروح سوق الأزبكية اشتري شوية كتب وهروح على معاد القطر مش بستحمل العربية.

آدم: خلاص زي ما تحبي المهم هتباتي هنا ولا إيه ياحج؟

-……..

آدم: تمام، اتشرفت بحضرتك.. اتفضل أهي معاك!

أخد السماعة: أيوة ياحجوج، خلاص على بركة الله بقولك ك….. إيه دا قفل السكة في وشي كام مرة أقوله ميعملش كدا… ياكسفتك ياحازم!

الكل ضحك على كلامي، روحت قعدت بغيظ فآدم قالي بضحك:

– أديني انقذتك من قعدة الأطلال يادكتورة؟

ضحك غصب عني: هههههه.. چميلك داي فوج راسي من فووج آه.والله.. دول عالم كئيبة ربنا يبعدنا عنهم!

طارق: أيوة يابت خليكي فريش وفرافيش مش زي العالم الكئيبة دا وخصوصا.ابن العدوي.دا .. دا لايمكن يكون حفيدي.

_ ههههه لا.يا أسد الديزل ضيه فكت نحسه.وشوفنا الضحكة الكاملة وعملنا فرح في الجروب.

آريان: أهو مش أنا لوحدي اللي بقول!

_ ياجدع دي مصر كلها بتقول البت سرهاباتع والله.. انا عايزة نسخة زيِها للواد البومة أخويا وصحبتي عايزة لأخوها!

آرين بكبرياء: نو أنا مليش زي وبعدين.آدم مش وحش أوكي!

آدم.مراد: كفاية إني حلو في عيونك ياضي آدم.

_ أوباااااا.. يالهويز عالجفاف راعوا أني سينجل وسط الكابلزات دول.

فهد: مالها مريم نصار حصلها إيه عشان تبلينا بيكي؟

_ هو أنا ليه حاسة إنك مش طايقني؟

زياد: هههههه حاسة مش متأكدة.. فهد مبيحبش الكلام الكتير بس.

مراد بمكر: وكمان عنده عقدة من أي ست غريبة تدخل التجمع ولا إيه يافخد؟ وغمزله

غمزتله:أيوة أنت هتقولي منا عارفة حبايبه كتير ورحمة الخنفسة الطاهرة.

مراد: هههههههههههههه آه يابطني شوف اللهم لا شماتة بس أنا شمتان..ههههه أنتي رهيبة.

فهد: عاجبك كدا.. منك.لله يامراد!

مراد ببرود : ومنك يافهودة. 

_ متقلقش ياعمو فهد أنا جاية في حوار اطمن مش هقولك إني بنتك من فريسكا ولا.. ولا بلاش.لا تتقمص!

فهد بعصبية: شااايف ياعمي .. شايف بتعمل إيه.. أنت بتضحك أنت ومراتك يافارس.. متكتمهاش يامالك وانت مراتك!

فارس: أنا مالي يالمبي!

رودي: اهدى كدا يافهد هي البت شبح وجامدة انت مزعل نفسك ليه.. هدي جوزك يارينو.

رينو.همست: اهدى ياحبيبي دي من سن بنتك ميصحش.كدا!

فهد بغضب: أخوكي وهي عليا انا هلاقيها منين ولا منيييين!

– إيه الدوشة دي فيه إيه؟

بصيت على مصدر الصوت لقيته زين نازل السلم ومعاه ريتال

_ إيه.دا زينو.. ياأعقل الناسِ إلا في معاملتها.. معها الحنان والجنون وأنت لها القدرُ.

زين باستغراب: مين دي ياجماعة؟ اوعى تكون جاية لفهد!

_ههههههه.صيتك مسمع!

فهد بعصبية: حتى أنت يازين!

_ أنا هاجر أحمد مدققة فاتنة القلوب مريم نصار ياهندزة.

زين ابتسم: تشرفت بحضرتك ياآنسة!

يوسف: خلاص اهدى يافهد هي مش قصدها أكيد بتهزر وبعدين عيب دي.ضيفة.

_ الله يكملك بعقلك يابن أشرف وهنا ويباركلك في مريوم وعيالك نفر نفر.

– السلام عليكم..ياأهل الدار حد كاشف راسه.

دا كان صوت تيّم وميرو ومعاهم نور ومحمد

_ وعليكم السلام.. إيه دا  الجيش الأبيض وصل دكتور محمد عزيز و نوره وتيمو المسمسم عم الناس ودكتورتنا القمر ميرو.

بصوا لبعض بذهول فمحمد قال: أنتي تعرفينا؟

كريم: دي ياعمي المدققة اللغوية بتاعة الأستاذة مريم نصار وجاية عايزانا في موضوع.

محمد ابتسملي: آه.أهلا وسهلا نورتينا يابنتي.

نور: أهلا يا جميلة شرفتينا..

_ أنا جميلة ياخبر هو انا آجي جنبكم إيه الله أكبر عليكم!

ميرو: هههههه… شكلك زي چود دمك خفيف وطاقة.

_ شكرا يابنتشي على ثقتك الغالية! إزيك يادكترة؟

تيّم ابتسم: الحمد لله نورتي!

قعدنا شوية في الليفنج تحت استفزازي للحوت و الديزل وضحك الكل وبعدها الشباب قعدوا لوحدهم والبنات. 

آريان بهمس للشباب: شايفين الحوت بيطلع نار من ودانه!

تيّم بضحكة.مكتومة: البت دي رهيبة دي عدت الصقر والإمبراطور في الاستفزاز والبرود.

آسر: بصراحة أنا شايف إنها زودتها معاه وهو مش مستحمل!

چواد: وأنا برضو حاسس عمي هيو..لع فيها.. الخوف كمان من آدم!

ياسين: فعلا آدم ساكت خالص ودا غريب!

كريم: دا هدوء ما.قبل العاصفة اسكت وربنا يسلم.

سفيان بهدوء: ربنا يعدي اليوم على خير.. دا كله وشلة المجانين محضروش.

عند البنات:

ميرو: ههههه.. أنتي عسل أوي ياهاجر والله بقا ضربتي الراجل في وسط العربية؟

_ قوليلي يا جوري ياقمر.. أومال اسيبه يعاكسني.. كويس مطلعتش روحه في إيدي.

تالين بضحك: الله يصلح حالك ياهاجر بجد رهيبة دانتي عديتي چود.

تمارا: چود حتى الجواز معقلهاش جننها أكتر وخصوصا عايشة مع مصطفى.

همس: سيبك منهم ابت ياجوري عتلاق أنتي معلمة والله دول ناس عاقلة ماعدا البت آرين.

آرين: يووووو ياهمس متقوليش بت أنا ليا اسم أوكي وأنامش هبلة حتى آدم بيقولي عقلت الفترة دي.

_ هههههه أيوة واخدة بالي ياام فهد.

ليليان: إنما أنتي ياموزة دكتورة إيه؟ 

_ أنا زي الأخت آرين دكتورة تحاليل بس من طب الغلابة.

كلهم بصوا لبعض بعدم فهم، وحياة قالت: يعني إيه وفين دي؟

_ هههههههه… أنا لما ما جبتش مجموع طب دخلت محهد صرف صحي قصدي فني صحي واتخصصت تحاليل ومستنية التكليف الشهر الجاي بإذن الله.

كارما: أيوة سمعت عنه بياخد مجموع عالي .. ربنا يوفقك يارب.

_ وإياكي ياموزتشي.

اخدنا وهزرنا الكلام وفجأة واحنا قاعدين!

             الفصل الثاني من هنا