رواية حياة مريرة الفصل الأول 1 بقلم أمل صالح
من خلال موقع بليري برس تستعرض معكم في هذا المقال ،رواية حياة مريرة الفصل الأول 1 بقلم أمل صالح ، لمزيد من التفاصيل حول المقال تابع القراءة
رواية حياة مريرة الفصل الأول 1 بقلم أمل صالح
رواية حياة مريرة البارت الأول
رواية حياة مريرة الجزء الأول
رواية حياة مريرة الحلقة الأولى
– نعم!
– هي الحجة مقالتلكيش ولا إيه يا آنسة رغد؟
– تقولي إيه؟ أنت بتقول إيه يا أستاذ سعيد!
– تقولِك إني عايز أشوف شعرِك، فين المشكلة؟
– فين المشكلة؟!! دي رؤية شرعية مش كتب كتاب يعني أنت أصلًا أجنبي عني، تشوف شعري بتاع إيه أنت ؟!
بص ناحية الباب ونادى بسخرية – يا حجة نبيلة، ما تيجي تشوفي الدنيا.
دخلت نبيلة والدتها – في حاجة ولا إيه؟
– أنا مش متفق معاكِ على حاجة، في إيه بقى؟
بصت نبيلة لرغد بنتها – ما تسمعي الكلام يا رغد يا حبيبتي.
رغد عينها وسعت بصدمة من كلام مامتها ووقفت شاورت على سعيد اللي رافع حاجبه بكل بجاحة وبرود – دا عايزني أقلع الطرحة عشان يشوف شعري يا ماما!
بصت نبيلة لسعيد وشدت رغد لبرة، وقفت قصادها – فيها إيه يعني يا رغد، ما هيبقى جوزِك كدا كدا..
قربت شوية منها وكملت بهمس – بعدين دا مهندس يا رغد، لقطة ميتفوتش دا.
زعقت بقهر وعينها دمعت – اتجوزيه أنتِ ووريه شعرِك يا ماما، أصل اللي أنتِ بتقوليه دا جنان مش كلام أم عاقلة لبنتها!
شدت دراعها بسرعة وقالت بصوت يكاد يكون مسموع – وطي صوتِك! بتزعقي كدا ليه؟
كملت – هو أنتِ عجبِك الوضع اللي احنا عايشين فيه دا؟ عاجبِك العيش دي؟
ردت رغد بصوت مبحوح بان فيه مدى رغبتها في البكاء – عاجبني وراضية، الحمد لله على كل حال..
مسكت رغد ايد مامتها بأمل إن تفكيرها يتغير – ماما اللي بتطلبيه مني دا حرام، أنا وأنتِ واللي جوة دا هنشتال ذنبه، ذنب على حاجة تافهة زي كدا، طب ليه؟؟
شدت نبيلة إيدها من بين كفوف رغد – أديكِ قولتي حاجة تافهة يا رغد…
شاورت للمكان اللي قاعد فيه سعيد – خشي لو سمحتِ، خشي عشان حالنا يتغير!
زعقت رغد تاني – أنتِ كدا بتاجري بيا، افهمي أرجوكِ!!
– ادخلي يا رغد عشان مدخلكيش غصب.
مسحت رغد وشها بعنف واتكلمت بحدة وتهديد لعله يكون السبب في تراجع والدتها – همشي واسيبهالِك خالص…
يتبع….ෆ
لقراءة الفصل التالي : اضغط هنا
لقراءة باقي حلقات الرواية اضغط على : (رواية حياة مريرة)
في نهاية مقال رواية حياة مريرة الفصل الأول 1 بقلم أمل صالح نختم معكم عبر بليري برس
