رواية عروس متمردة الفصل الثاني 2 بقلم سولييه نصار
من خلال موقع بليري برس تستعرض معكم في هذا المقال ،رواية عروس متمردة الفصل الثاني 2 بقلم سولييه نصار ، لمزيد من التفاصيل حول المقال تابع القراءة
رواية عروس متمردة الفصل الثاني 2 بقلم سولييه نصار
رواية عروس متمردة البارت الثاني
رواية عروس متمردة الجزء الثاني
رواية عروس متمردة الحلقة الثانية
-انت بتقول ايه يا بابا؟!
قولتها بصدمة ودموعي تنزل بس هو كان ملامحه باردة متأثرش بدموعي خالص …
-بابا أنا عارفة اني غلـ طت ..عارفة والله وبعتذر منك …
-كويس أنك عارفة غلـ طك بس أكيد مش عارفة ان اللي اكتشفته ده كـ سرني قد ايه ..مكسوفة من أبوكي يا آية …أنا بشتغل ليل نهار عشان بس اكفيكي …عشان محدش يكون احسن منك و ده جزاتي مكسوفة مني ومن شغلتي يا آية..خلتينا فرجة للي يسوى واللي ميسواش …
عيطت بصوت أعلى وقولت :
-انا اسفة …اسفة يا بابا ..
اتنفضت لما زعق فيا جامد وقال:
-وانا أعمل بأسفك ايه …أعمل بأسفك ايه انطقي!!!!
رجعت لورا من الخوف فمسكني من ذراعي وقال :
-انطقي يا آية اصرف اسفك من فين ؟!انسى ازاي اني اتهـ نت من واحد قد عيالي …وبقيت في وسط هدومي قدام الناس …مبقتش قادر ابص في وش الناس في الشارع الكل بيتريق عليا بيقولي اني معرفتش اربي بنتي …الكل شمتان فيه يا آيه …
صوته اتخنق وعينيه دمعة فوقعت على الأرض وانا ببوس رجله وبقول:
-انا اسفة والله اسفة ياريتني مـ ت قبل ما أعمل كده …سامحني يا بابا …
بعد شوية وبصلي وهو بيمسح دموعه اللي نزلت وقال:
-خلاص يا آيه انتهى الموضوع انتي هتتجوزي منذر ابن عمك …..لو عايزاني اسامحك فعلا اتجوزيه من غير أي نقاش …
بصتله بصدمة وانا بعيط فكمل :
-وكمان خلاص ملناش عيشة في البلد دي .. بعد اللي حصل أنا مش هقدر اوري وشى للناس …
-بس أنا مشوفتش منذر ده خالص وبعدين أنا بحب أدهم يا بابا أنا …
-اسكتي يا آية خلاص انسي أدهم خالص لو كان بيحبك مكانش فضـ حك قدام الكل…اللي بيحب بجد عمره ما يعمل في اللي بيحبه كده …عمره ما يأ ذيه بالشكل ده ادهم محبكيش ومظنش ان ليكم فرصة بعد اللي حصل …لا هو هينسى أنك كد بتي عليه ولا انتي هتنسى انه فضـ حك …مفيش فرصة ليكم اسمعي الكلام وجهزي نفسك نرجع البلد وبعد الخطوبة هصفي كل شغلي هنا ونرجع البلد كده كده بعد ما أمك الله يرحمها ما تت مبقتش حابب العيشة هنا انا كنت عايش هنا عشان خاطرها وهي راحت وبعد اللي حصل ده احسن حل…هنرجع ونعيش في البلد ..يالا
…..
من جوايا كنت رافضة الموضوع بس مقدرتش اعارض وخاصة بعد ما كـ سرت قلب بابا باللي عملته …
………
بالفعل كنا بالليل في الاتوبيس ورايحين البلد…
كنت ماسكة موبايلي ويتصفح فيه لما قررت ادخل اكونت ادهم اللي اكتشفت انه لغى الصداقة ما بيننا بس معملش بلوك الحمدلله وقررت اكلمه يمكن ترجع المياه لمجاريها ويسامحني ونتجوز بس فجأة اتجمدت وانا ببص في صفحته …كان متصور مع واحدة حلوة ولابس دبلة وكاتب انه خطب!!!!
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية عروس متمردة)
في نهاية مقال رواية عروس متمردة الفصل الثاني 2 بقلم سولييه نصار نختم معكم عبر بليري برس
