رواية مريم الفصل الثاني 2 بقلم مريم سلامة
من خلال موقع بليري برس تستعرض معكم في هذا المقال ،رواية مريم الفصل الثاني 2 بقلم مريم سلامة ، لمزيد من التفاصيل حول المقال تابع القراءة
رواية مريم الفصل الثاني 2 بقلم مريم سلامة
رواية مريم البارت الثاني
رواية مريم الجزء الثاني
رواية مريم الحلقة الثانية
فضلت افكر كتير يا ترا مين باعت الرسايل دي لحد مغلبني النوم صحيت تاني يوم
مريم: ايه ده يا ماما هو العيد جاي ولا ايه
حنان: لا يا خفيفه صحيت لقيت نفسي فاضيه قولت انضف تعالي نضفي معايا بما انك اجازه
مريم: يارب بقي حتي اليوم الاجازه مش رحماني
حنان: يلا يا بت اخلصي
مريم: حاضر
ــــــــــــــــــــــــــــــــــــــــــ
مريم: ياااه اخيرا خلصنا
ماما انا هطلع اقعد علي السطح شويه
حنان: ماشي
اخدت الشاي بالنعناع وطلعت
ـــــــــــــــــــــــــــــــــــــــــــــــــــــــــــــــ
كنت واقفه سرحانه فيه
يوسف: بتعملي ايه هنا يا مريم
مريم: حرام عليك يا دكتور خضتني
يوسف: سلامتك من الخضه بس بلاش دكتور احنا هنا في البيت
مريم: حاضر
يوسف: كنت سرحانه في ايه
مريم: ولا حاجه
يوسف: طيب انزلي ذاكري عشان عندك امتحان بعد بكره
مريم: ايه امتحان علي ايه
يوسف: في مادتي
مريم: بس انت مقولتش لينا والماده دي انا مش عارفه فيها حاجه
يوسف بإبتسامه: اديني قولتلك انزلي يا ستي اعملي شاي بالنعناع من ايدك وهاتي الكتب وتعالي اه ونادي مرات عمي عشان تقعد معانا عشان مينفعش نقعد لوحدنا
مريم بفرحه: ماشي فوريره
نزلت عملت الشاي وجبت الكتب وناديت ماما
مريم: اتأخرت عليك
يوسف: لا خالص يلا نبدا
يوسف بدا الشرح وانا كل شويه ابصله وبعد كده ابص في الكتاب قولت في نفسي جرا ايه يا مريم غضي بصرك يا حبيبتي
يوسف: ها فهمتي الجزئيه دي
مريم: اه طبعا فهمتها
يوسف: طيب اسألك فيها يعني
مريم: طبعاً طبعا
يوسف سأل معرفتش تجاوب
حنان: جرا ايه يا بت يا مريم ما تركزي شويه
مريم: علي فكره بقي انت اللي مش بتعرف تشرح
يوسف بصدمه: انا يا بنتي ماشي أنا غلطان
مريم: خلاص والله
يوسف: هعيدها تاني ركزي شويه
وبعد شويه خلصنا
حنان: انا نازله بقي متغيبيش وتعالي ورايا
مريم: حاضر ياقلبي امي
مريم: يوسف هو انت ليه بتتعامل معايا كده
يوسف: بتعامل ازاي
مريم: يعني ولا مره كلمتني ولو كلمتني بيبقي زعيق
يوسف بحنيه: عشان خايف عليكي
مريم: طيب قولي بتحب حد
يوسف: اه بحب واحده كده بس إن شاءلله اتقدملها قريب
مريم بحزن بتداريه: إن شاءلله طيب هسيبك بقي الوقت اتأخر وزمان بابا جه من الشغل
نزلت ودخلت سلمت علي بابا
بابا: عامله اية يا مريومه
مريم: الحمدلله يا بابا
بابا: سألت عليكي ماما امبارح قالتلي نايمه سيبتك نايمه بقي عامله ايه في الكليه
مريم: كله تمام طيب يا جماعه هدخل أنام تصبحوا علي خير
حنان: هو انت غيبوبه يا بنتي
بابا سيبيها يا حنان وتعالي أنا اقعد معاكي
مريم بغمزه: ايوه روحي يا ﺣن اقعدي مع بابا
ـــــــــــــــــــــــــــــــــــــــــــــــــــــــــ
دخلت انام معرفتش وفضلت افكر ياترا بيحب مين نمت من كتر التفكير
صحيت الصبح علي صوت دوشه
مريم: ماما هو في ايه ايه الصوت ده
حنان بفرحه: اصل يوسف ابن عمك هيخطب
مريم: ايه هيخطب سامعين صوت الكسر ده ده صوت قلبي
حنان: طيب يلا عشان تروحي عند عمك عشان عايزك
مريم بتوهان: حاضر يا ماما
قومت صليت ودعيت كتير ان ربنا يريح قلبي ويلهمني الصبر
روحت خبط علي باب عمي
يوسف: ازيك يا مريم
مريم بحزن بتحاول تداريه: الحمدلله مبارك علي الخطوبه يادكتور
يوسف بخبث: الله يبارك فيكي بس مش احنا قولنا بلاش دكتور دي احنا هنا في البيت
مريم: تمام هو فين عمو كان عايزني
يوسف: بابا جوا مستنيكي
مريم: عامل ايه يا عمو وحشتني اومال فين سوسو
ـ الحمدلله يا روح عمك انت اكتر بس انت اللي مش بتسألي
مريم: اعمل ايه بقي الكليه واخده كل وقتي
ـ ربنا يقويك يا عيون عمك سوسو هتلاقيها في المطبخ
مريم ـ عامله ايه يا سوسو
ـ الحمدلله ياقلب سوسو انا زعلانه منك عشان مش بتسألي عليا
ـ معلش والله يا سوسو حقك عليا
ـ عمو صحيح كنت عايزني في حاجه
ـ ايوه كنت عايزك تجهزي عشان نروح نشتري دهب العروسه علي زوقك عشان يوسف قال ايه عايز يعملها مفاجأه
مريم بضحك مصتنع: حاضر يعمو كله لاجل عروسة يوسف هو احنا عندنا الا يوسف واحد
يوسف بغرور: طبعا يا بنتي هو في زي
مريم بصوت خافت: غلس
طيب انا هروح اجهز
صالح: ماشي يا بنتي
روحت دخلت اوضتي عيطت كتير علي كسرة قلبي بس هو معلقنيش بحاجه
طلعت دريس كنت لسه شرياه جديد لونه ابيض وفيه ورود زرقه واسع وخمار لونه ازرق لبست وطلعت لقيتهم مستنيني
يوسف: اللهم صلي على النبي
مريم بكسوف من نظراته: مش يلا يا جماعه ولا ايه
بابا وعمو: ايوه يلا
بابا: مريم هتركب مع يوسف وانا هاخد صالح ومراته و ام مريم
مريم: تمام
يوسف: علي فكره شكلك حلو
مريم بكسوف: شكرا
اول ما وصلنا كانت فيه دبله عجبتني
يوسف: حلوه الدبله دي
مريم: ممكن زوقي ميعجبهاش
يوسف: لا هيعجبها
اخترنا الدهب وكنا مروحين كنت رايحه اركب في العربيه جنبه بس لقيت
كريم: مريم
مريم: نعم
يوسف: عايز ايه مش قولتلك ما اشوفش وشك قريب منها
كريم: انا بس كنت عايز رقم والدها كنت عايزه في موضوع
يوسف: موضوع ايه بقي إن شاءلله
كريم: كنت عايز اطلب ايد انسه مريم
يوسف: نعممممم ياروح امك شكلك عايز تاخد علقه
كريم: ليه بس يادكتور
يوسف: انت اهبل يلا جاي تتقدم لخطيبتي…………
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية مريم)
في نهاية مقال رواية مريم الفصل الثاني 2 بقلم مريم سلامة نختم معكم عبر بليري برس
