رواية عائلة الهلالي الفصل الأول 1 بقلم حبيب نور

رواية عائلة الهلالي الفصل الأول 1 بقلم حبيب نور

رواية عائلة الهلالي البارت الأول

رواية عائلة الهلالي الجزء الأول

رواية عائلة الهلالي الحلقة الأولى

عائله الهلالي **
سليم الهلالي وهو كبير العائله يبلغ من العمر 70سنه وهو رجل زي منصب عالي وذو طبع حاد لايقبل المناقشه معه ثلاث اولاد فقط هم (احمد ومصطفي ومحمد)
اولاد العائله **
احمد الهلالى هو اكبر اولاد هذه العائله هو رجل عصبي ذو طبع حاد مثل ولده ولكنه يمتلك طيبه ايضا للجميع يبلغ من العمر 50سنه معه ثلاث اولاد (محمود وخالد وعمر)
تاني اولاد العائله **
مصطفي الهلالى هو تاني اولاد العائله هو رجل طيب جدا وهادئ يبلغ من العمر 45سنه معه(ادم وطه ونوره وفاطمه)
ثالث اولاد العائله واصغرهم **
محمد الهلالى هو اصغر افراد العائله هو رجل عصبي جدا ومزدوج الطباع مره حاد الطبع لا يقبل النقاش ومره هادئ جدا يبلغ من العمر 40سنه معه (امير وملك)
شباب العائله **
شباب اولاد احمد الهلالى **
محمود احمد الهلالى يبلغ من العمر (29سنه)
خالد احمد الهلالى يبلغ من العمر (25سنه)
عمر احمد الهلالى يبلغ من العمر (22سنه)
اولاد مصطفي الهلالى **
ادم مصطفي الهلالى يبلغ من العمر (27سنه)
طه مصطفي الهلالى يبلغ من العمر (24سنه)
نوره مصطفي الهلالى تبلغ من العمر (22سنه)
فاطمه مصطفي الهلالى تبلغ من العمر (20سنه)
اولاد محمد الهلالى **
امير محمد الهلالي يبلغ من العمر (20سنه)
ملك محمد الهلالى تبلغ من العمر (18سنه)
تبدء الاحداث بضوء الشمس الذي يخترق نافذه تلك الجميله النايمه تستيقط على صوت ضجيج في الخارج وأحد يطرق الباب الغرفه بقوه
حياه والده ملك:قومي يابت بسرعه في كارثه تحت عند جدك والبيت كله
ملك بنعاس:في ايه ياماما على الصبح كده كارثه ايه انا نايمه متأخره النهاردا وتعبانه والنبي لتسبيني دلوقتي
حيات بصراخ:قومي ياجزمه البيت كله مقلبوب وجدك تعبان تحت فزي يلا
ملك:خلاص حاضر قايمه اهو اووف بقى على الصبح اكيد مصيبه من ولاد عمي كالعاده
خرجت ولقيت فعلا البيت مقلوب وجدي قاعد تعبان وعمامي قاعدين قلقانين وحتي ولاد عمي موجودين مفيش غير خالد وادم مش موجودين طيب حصل ايه ياتري لكل ده
مصطفي بقلق:اهدى يابابا ان شاء الله خير متخافش.. مش كفايه احمد الى تعب اول ماعرف.. تمالك نفسك علشان تقدر تنصرف كويس
محمد:ايوه يابابا متقلقش انا بعت خالد وادم للمطار واكيد خير ان شاء الله متخافش
الجد بقلق:انا قلبي مش مطمن عليه.. الخبر ده كان زي الصدمه ليا ولأحمد كمان
في الناحيه التانيه مرات عمي قاعده بتعيط ومرات عمي وماما بيهدو فيها
فريده مرت عمي مصطفي:اهدى ياكريمه مش كده ان شاء الله خير ومش حيحصله حاجه ان شاء الله
حياه ماما بتقول:اهدي ياحبيبتي اهو خالد وادم راحو يطمنو وحيطمنونا ان شاء الله
كريمه مرات عمي احمد بدموع:انا قلبي واجعني عليه حاسه حصله حاجه وقلب الام بيحس برضو يارب احفظه ليا يارب
بصيت كده حوليا لقيت بنات عمي قاعدين بعيد وبيعيطو معرفش ليه روحت عندهم علشان افهم ايه الى بيحصل هنا
نوره بدموع:انا خايفه اوي يافاطمه يحصله حاجه انا من ساعه ماعرف مش قادره ابطل عياط ابدا
فاطمه بدموع عليها:اهدي ياحبيبتي ان شاء الله خير وحيرجع كويس كمان خالد وادم حيطمنونا ان شاء الله بالخير
ملك بعدم فهم:في ايه ياجماعه هنا انا مش فاهمه حاجه مين الى مش كويس
نوره بدموع:ولد عمك محمود كان راجع من السفر وعمل حادث في الطريق وليسا مفيش اخبار عنه
ملك بصدمه:ايه انتى بتقولي ايه؟!! امتي ده حصل!!
فاطمه بدموع:من الصبح واحد رن على جدو وقالو كده وحنا من ساعتها على نفس الحال
ملك بحزن:ان شاء الله خير صحيح انا مشفتوش من زماان اوي من واحنا صغيرين بس هو في الاخر ابن عمي وانا بتمناله السلامه يارب
وبعدها سمعنا صوت عمي مصطفي من بره بصراخ
مصطفي بصراخ:يعني انتو متاكدين انه عمل حادث فعلا وفي المستشفي دلوقتي كمان طيب احنا حناجي فورا
احمد بقلق:في ايه يامصطفي ابني حصله حاجه انطق
مصطفي بحزن:محمود في المستشفي دلوقتي ومعاه خالد وادم واحنا لازم نروح فورا هناك
احمد بخوف:طيب انت مستني ايه يلا نروح فورا
ونادو على بابا كمان وراحو وسابو جدي علشان تعبان ومش حيقدر يروح معاهم وبعد ثلاث ساعات اتصل عمي على جدي علشان يطمنه
جدي بقلق:ها حصل ايه طمني هو كويس مش كده
عمي:******
جدي:ايه انت متأكد من كده طيب اعمل الأزم المهم يبقى كويس ومتتأخرش وطمني كمان شويه
عمي:*****
وقفل معاه انا كونت بتسمعه علشان كده روحت عندي اطمن
ملك بتوتر:جدي حصل ايه كل حاجه كويسه
جدي بقلق :بيقولو انت حالته محتاجه عمليه مستعجله وربنا يجيب العواقب سليمه يابتي
ملك:ان شاء الله حيكون كويس متخفش انت علشان صحتك ياجدي
وسبته وروحت لبنات عمي ومرات عمي علشان اطمنهم كمان
ملك:عمي اتصل بجدي وطمنه هو كويس بس محتاج عمليه بس وحيبقى كويس ان شاء الله
كريمه بقلق:ابني ياحبيب قلبي بعت عني السنين دي كلها ولما رجعت حصل فيك كده ياضنايا
فريده:اهدي ياكريمه حيبقى كويس ان شاء الله محمود قوي ومش حيحصله حاجه بأذن الله
حيات:ايوه متخافيش وعمامه وابوه معاه وولاد عمه كلهم حيكون كويس ان شاء الله
وبعد كده قضينا اليوم كله في قلق وخوف وعمي متصلش تاني بجدي الي تعب من القلق واخدناه يرتاح في اوضته وتاني يوم لقينا عمي مصطفي بيدخل وهو حزين واحنا كلنا قلقانين اوي
كريمه:حصل ايه ابني كويس مش كده طمني الله يخليك
مصطفي بحزن:متخافيش هو كويس وعمل العمليه وحيطلع النهادرا انا اجيت علشان اخد شويه حجات وحرجع تاني علشان نجيبه معانا
كريمه بخوف:انا قلقانه على ابني يامصطفي ابني حصله حاجه من كده متخبيش عليا انا قلبي حاسس بكده
مصطفي: لا ان شاء الله خير احنا ليسا مشفناهوش بس متقلقيش حيبقى كويس بأذن الله
وراح على غرفه علشان يرتاح شويه وانا روحت عند بنات عمي لقيتهم ليسا قلقانين
ملك:متخافوش عمي مصطفي اجه من شويه وقال انه بقى كويس وحيجبوه شويه كده بعد مايطمنو عليه اكتر
نوره بدموع:ان شاء الله خير يارب يكون كويس يارب.
فاطمه:حيبقى كويس ان شاء الله متقلقيش يانوره انا عارفاكي انتى كونتي اقرب وحده فيا ليه ومتربيه معاه علشان كده خايفه عليه اوي
حسيت من كلامها ده انها بتخبي عليا حاجه مش عاوزاني اعرفها بين محمود ونوره بس انا مركزتش في ده دلوقتي
ملك:انا حروح اشوف ماما لوعاوزه حاجه او مساعده في البيت
وخرجت روحت المطبخ لقيت ماما بتحضر الأكل للعيله وساعدتها انا في كده وبعد ماخلصنا حطيت االاكل على السفره ونديت على العيله تاكل اجى جدي ومرات عمي مصطفي بس مرات عمي احمد مجتش من الخوف على ابنها وقعدت انا وبنات عمي وجدي وماما ومرات عمي ناكل سوي بعد ماخلصنا انا لميت الأكل وغسلت الاطباق وطلعت ارتاح في اوضتي شويه وروحت في النوم من التعب
وفي الليل صحيت على صوتهم تحت وكانو بيصرخو انا اتخضيت وطلعت جري على تحت وانصدمت من الى شوفته.

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية عائلة الهلالي)