رواية عشقتها رغم تمردها الفصل العاشر 10 بقلم ياسمين رجب

رواية عشقتها رغم تمردها الفصل العاشر 10 بقلم ياسمين رجب

رواية عشقتها رغم تمردها البارت العاشر

رواية عشقتها رغم تمردها الجزء العاشر

رواية عشقتها رغم تمردها الحلقة العاشرة

نزلت نور من عند اسر وهي مبسوطة انه سمع ليها ومتعصبش عليها علشان اتداخلت في حياته حست انه انسان طيب وقلبه ابيض بس كله حزن محتاج حد يخرجه من واحدته علشان يكمل حياته ويخرج من ذكريات الماضي الي عايش فيها فاخدة قرار في نفسها أنها تحاول معاه علشان يتغير واقسمت على تغيير اسر
في مكتب اسر ظل مبتسما منذ خروجها من مكتبه فهي رغم تمردها الي انها بسيطة محبة للحياة تستطيع رسم الابتسامة على وجه من امامها فمن ينظر اليها لأ يستطيع ابعاد عينيه عنها يوجد لديها جاذبية تجعله يفقد صوابه فلا يريد ان يرها مع احد غيره لا يعرف ما هذا الشعور ولكن اصبح اثير عينيها
في ساحة المعسكر
اصتحب جاسر ندي وهو يمشي بسرعة كبيرة وهي تسير خلفه كادت أن تقع اكثر من مرة ولكن تامسكت فصرخت بقه قائلة
ندي: سيب ايدي يا جاسر هو أنا حيوانه بتجرني وراك
جاسر: مش عايز أسمع صوتك فاهمه
ندي: لا بقه إنت ملكش حق تكلمني بالطريقة دي مش معني اني سكت لك انك تتمادى في الغلط اكثر انا لو سكت ليك فده كان بمزجي بس أنت الظاهر عجبتك اللعبة وعايز تلعب بيا اكثر بس أنا مش هسمحلك بده أنت فاهم
رفع يده وكاد ان يصفعها علي وجها ولكن تراجع حين راء خوفها منه ودموعها التي انسابت علي وجها كأنها اخذت تصريح بالنزول فجذبها الي صدره محاولا تهدي روعتها وخوفها وراتب علي ظهرها
جاسر: آسف والله ما كان قصدي اخوفك أنا آسف يا ندي
ندي بصوت باكي: ابعد عني يا جاسر لو سمحت
جاسر: مش قبل ماتسامحيني يا ندي أنا اسف
ندي: اسفك مرفوض أنت كنت عايز تضربني مستحيل اسامحك
ابعدها عن صدره ورفع وجها بأنامله حتى نظرت في عينيه
جاسر: والله ما كان قصدي بس انتي استفزتيني لدرجة اني مقدرتش اتحكم في اعصابي
ندي: وايه الغلط الي أنا عملته
جاسر: نعم هو انتي مش عارفة ندي أنا سبق ونبهت عليكي اني مش عايز اشوفك بتضحكي مع حد صدقيني بحس أن روحي بتتسحب مني
ندي: بس ده عادل وهو زي اخويا
جاسر: أنا عارف اخلاق عادل كويس ومش بشك فيه بس هو غلط لما جرى🏃 وراكي في الساحة كل الشباب كانت عينهم عليكي فكرتي لحظة احساسي كان ايه
ندي: ما أنت كنت مشغول مع الست جيهان بتاعتك ضحك وهزار
جاسر: والله هي الي كآنت بتضحك أنا كنت مركز في الورقة الي بترجمها ندي لازم تعرفي حاجة واحدة هي اني بخاف عليكي من الهواء مش بستحمل حد يبصلك بنظرة وحدة
ندي: ليه بتخاف هو أنا بالنسبة ليك ايه
جاسر: تاني يا ندي انتي عارفه انتي بالنسبة ليا أي
ندي: لا مش عارفة يا جاسر واظن من حقي اعرف أنا بالنسبة لك اي
جاسر: قفلي على الموضوع ده
ندي: لا مش هقفل الموضوع ولو متكلمتش دلوقتى يا جاسر يبقى ملكش دعوة بيا وتسبني في حالي من النهاردة ويبقى كل واحد فينا من طريق وهبت أن تتركه وتغادر فأمسك بها بقوة ونظرا اليها ثم بحركة مفاجئة منه التهم شفتيها في قبلة غاضبة أراد أن يعقابها بتلك القبلة حتي لا تجرأ على نطق كلمة الابتعاد عنه فكيف تقول انها سوف تبتعد عنه فهوا يعشقها ولكن لا يعرف كيف يعبر عن مشاعره ابتعد عنها وأسند جبينه علي جبينها ونظر اليها وجدها مغمضة العينين فتحدث اليها قائلا
جاسر: ده عقابك علشان قولتي أنك عايزة تبعدي عني
ندي: أنت ايه الي أنت عملته ده
جاسر: أنا بحبك يا ندي وخوفي عليكي ده مش تحكم بالعكس أنا بغير عليكي من الهواء ما بالك لو شفت واحد بيبصلك أنا عارف أن حبي بيخنقك بس أنا مش بعرف أعبر عن الي في قلبي كل الي اعرفوا اني ماش هقدر ابعد عنك انتي بقيتي روحي يا ندي ومفيش حد بيعيش من غير روح
نظرت إليه بكل حب الدنيا وقالت وأنا بعشقك يا جاسر بعشقك
ضمها مجددا إليه قائلا
جاسر: اوعي في يوم تفكري تبعدي عني يا ندوش انتي الهواء الي من غيروا أنا ممكن اتخنق
ندي: أنا عمري ما هبعد عنك ابد مهما حصل
ابتعد عنها ونظر في عينيها
جاسر: تعرفي لو شفتك تاني بتهزري مع عادل هيكون الدور عليكي انتي
ندي: هههههههههههههههه ده زمان عادل دلوقتى عامل الدنيا مناحة بس انت زودتها معاه شوية يا جاسر
جاسر: يستاهل هو عارف اني بغير عليكي علشان كده عمل الي عمله واخذ جزته
نزلت نور الساحة وشافت الكل واقف حوالين عادل فا خافت يكون حصله حاجة قربت عليه وشافت شكل عينه الي كان لونها أزرق و منتفخه من اثر الضربة
نور: مين عمل فيك كده
عادل: سي جاسر يا اختي هو الي عمل كده
نور: وجاسر يضربك ليه كده مهو اكيد ههببت حاجة
عادل: حتى انتي يا نور الي حصل يا ستي
وقص عليها ما حدث
عادل: بس يا ستي هو ده الي حصل
انفجرت نور من الضحك حتي ادمعت عينيها
نور: أنت بجد فظيع يا عادل يعني أنت اكتر واحد عارف جاسر ورايح ترمي نفسك ليه بصراحة طلعت غبي قوي هههههههههههههههه
عادل: اضحكي يا اختي اضحكي ما انا شكلي بقه شبه صينية البطاطس المحروقة
نور: ههههههههههههه وأنت الصادق شبهة وش رجلك
عادل: اه يا اني يا أمه آه يا الي مليش حظ ولا بخت يا اني آه يا عيني الي راحت وأنا لسه في عز شبابي
جاسر: هههههههههه علشان تحرم تهزر معايا تاني
عادل: أنت شرفت طبعا أنت دلوقتى محدش قدك ضربتني وعملت فيها جاكي شان ادام ندي وأنا في الاخر اضرب ويبقى شكلي شبه انشراح
ندي: ههههههههههههه بصراحة يا عادل أنت ظلمت انشراح علشان شكلك دلوقتى ملوش ملامح
عادل: حتى انتي يا ندي ده أنا الي وقفت جانبك تب الهي يارب البت الي شبه عصاية المائشة الي اسمها جيهان تاخذ الواد منك
جيهان: دي مين دي الي شبه عصاية المائشة أن شاء الله
نظر عادل خلفه وجد جيهان تقف والشر يظهر في عينيها
عادل: أنا همشي لحسن المرة دي مش هتكون عيني بس
تركهم عادل وغادر الي غرفته قبل أن تفتك به جيهان فنطلق الجميع في الضحك عليه فهو شخصية مرحة وضحوك
في صباح اليوم التالي استعد الجميع للذهاب الي الاسكندرية وكان الجميع حاضر في الساحة انطلق بهم اسر الي المعسكر الجديد وصلوا الي المعسكر واخبرهم اسر بأنه الجميع معزوم علي العشاء في خارج المعسكر استعد الجميع وذهبوا الي العشاء في احد اشهر مطاعم الاسكندرية
عادل: أيوة بقه هي دي العزومات ولا بلاش بس اي سر التغير المفاجئ ده يا سيادة المقدم
اسر: عادي يعني قولت تغير جو وبعدين طول ما احنا هنا بلاش كلمة سيادة المقدم دي احنا هنا مفيش بنا القاب علشان خاطر المهمة
نور: بس إحنا لحد دلوقتى منعرفش المهمة الجديدة اي
اسر: كل حاجة هتعرفيها بكرة
عادل: انا هروح الحمام وارجع بس محدش ياكل من غيري
ذهب عادل الي الحمام ولم يكن ينتبه فصدم بفتاة
عادل: أنا آسف
البنت: عادل
عادل: ازيك يا ريهام
ريهام: بخير وأنت
عادل: أنا كويس
وهنا اتي صوت شاب
الشاب: يلا يا حبيبتي واقفه ليه
ريهام: اعرفك ده ايهاب جوزي وده عادل صديق من ايام الثانوية
عادل: تشرفت بحضرتك
ايهاب: الشرف ليا أنا بس أنا ماشفتكش في فرحنا
عادل: معلش كان عندي تديب في الكلية ومقدرتش اجي
ايهاب: فرصة سعيدة اني اتعرفت عليك
عادل: أنا أسعد
ايهاب: بعد أذنك لزام نمشي علشان اتاخرانا
عادل: أة اتفضلوا
مشي ايهاب مع مراته الي وهيا ماشية بصت لعادل بعيون مليانة حزن وجع وهو قلبه كان بيطقطع عليها بعد ما كأن بدأ يعيش حياته رجع الوجع خبط علي باب قلبه تاني
رجع تاني علي التربيزة وقعد معهم علي العشاء وطول الوقت كان سرحان حتى انه مااكلش اي حاجة من طبقه فضل ساكت علي غير العادة ومحدش قادر يفهم ماله بس الوحيد الي كان فاهم عادل ماله هو اسر علشان شاف عادل وهو واقف مع ريهام وجوزها وده سر التغيير المفاجئ،،،،،،،
الحلقة الحادية عشر,,,,,,
,,عشقتها رغم تمردها,,
🌹🌹🌹🌹🌹🌹🌹🌹🌹🌹🌹🌹
.
.
.
علي طاولة العشاء
اسر: مالك يا عادل في اي
عادل:………………
اسر: عادل مالك
عادل: ها بتقول حاجة
جاسر: لا ده أنت مش معانا خالص في اي مالك
نور: مالك يا عادل أنت تعبان
ندي: شكلك متغير من وقت ما رجعت من الحمام
عادل: مافيش حاجة
مصطفى: لا في أنت مش شايف نفسك ده أنت حتي ما اكلتش اي حاجة ولا حتى اتكلمت نص كلمة
نور: معاك حق يا مصطفى أنت فعلآ مش طبيعي النهاردة مخلي القاعدة دمها تقيل
كان مخنوق ومضايق وكلام نور استفزه اكتر فخرج كل العصبية الي جوه وانفجر فيهم بصوت عالي
عادل: يوه كل واحد عنده ميت سؤال ايه الوحد ميعرفش ياخذ راحته شوية لزام اكون أنا المهزاء الي في القاعدة علشان تضحكي عليه يا ست نور بس معلش أنا مش مهرج ولا مهزاء ومن النهاردة كل واحد يلتزم حدوده معايا مش معني اني بضحك وبهزر معاكم تسوقوا فيها كل واحد يلزم حدوده معايا أنا ماشي بلا قرف
ندي: ايه ده أنا اول مرة أشوفه كده
جاسر: اكيد في حاجة عادل مش بيتعصب كده إلا لو كان الموضوع كبير أو حاجة تخصه
مصطفى: معاكم حق بس واضح أن الموضوع كبير قوي علشان ده كان في دموع في عنيه
نور: أنا هروح اشوف ماله وارجع
اسر: خليكي يا نور أنا الي هروحلوا
نور: بس حضرتك يعني
اسر: أنا الي هروحلوا يا نور اظن كلامي واضح
خرج اسر علشان يروح يشوف عادل وهو خارج من المطعم شاف عادل واقف علي البحر اخد نفس علشان يقدر يسيطر على اعصابه وميتنرفزش على عادل
بالنسبة ل عادل كان الحزن سيطر على كل قلبه كان متقبل فكرة انها مش نصيبه بس لما شافها مع جوزاها حس بوجع الدنيا كلها كأن الدنيا بتقوله أنت مش من حقك تفرح صعب أنك تعيش وأنت فاكر نفسك نسيت مستحيل تنسي بسهولة اول حد قلبك دق ليه لانو ببساطة بيكون أول احساس اول دقة اول لمسة أيد احساس بيعيش وبيكبر معك كل يوم أول كلمة بحبك قولتها للشخص ده لو عشت بعده مليون حالة حب مستحيل تنسي أول احساس
اسر: كنت بتحبها قوي كده
التفت عادل لمصدر الصوت لقا اسر واقف جانبه
عادل: هي مين
أسر : الي غيرت مزاجك 180 درجه
عادل: اظن ده شئ يخصني ومش من حق اي حد يدخل في حياتي
اسر: يبقى لسه بتحبها
عادل: أنت عايز ايه يا اخي أنا سبتلك المكان كله عايز ايه تاني
اسر: عايزك تفوق من وهم الماضي وترجع عادل الي الكل بيحبه
وقد فقد كل هدوئه
عادل: انت ايه يا اخي فاكرني مبسوط أنا بضحك بس علشان اخبي وجعي علشان مكونش سبب زعل حد بفرح الكل بس في حد فيكم سالني عن واجعي في حد فيكم حاول يعمل حاجة تفرحني أنا طول الوقت بساعد الكل واصالح الي بيحبوا بعض واهتم بالي حواليا بس أنا فين من كل ده في الاول والاخر أنا الوحدي ماليش حد انتو جزء من حياتي بس أنا عمري ما حد فيكم اعتبرني جزء من حياته حتى البنت الوحيده الي حبتها اهلها رفضواني علشان خاطر شغلي خايفين على بنتهم في يوم تكون أرملة ظابط كنت مستعد اتخلي عن حلمي اني اكون ظابط بس هي قالتلي اني لو عملت كده عمرها حتي ما هتوافق عليا حتي لو اهلها وافقوا وفي الاخر علشان تضمن اني مسبش الكلية وافقت تتجوز إبن عمها كآنت فاكرة أنها كده بتساعدني متعرفش انها بالي عملته ده كسرتني
اسر: بس هي عاشت حياتها أنت الي لسه موقف حياتك عليها فوق لنفسك بقه عمرك بيضع وانت لسه في عز شبابك
عادل: أنت الي بتقول كده تب ما أنت كمان وقفت حياتك بعد موت مرتك ليه مكملتش بعدها
اسر: وأنت عرفت الكلام ده منين نور هي الي قالت لك
عادل: نور ماقالتش حاجة بس حضرتك الي ناسي اني ظابط ولزام اعرف كل حاجة عن اي شخص بتعامل معه قولي بقه ليه ماكملتش حياتك بعد مراتك ليه انت كمان وقفت حياتك عليها
اسر: لان دي غير دي أنا مرتي ماتت فاهم يعني ايه مش هتكون معايا أحلامنا وكل حاجة خططنا لها انتهت قبل حتى ما تبدأ انما أنت حبيبتك عايشة وتقدر تشوفها وتطمن عليهآ
عادل: عايشه بس مع غيري مش ملكي يمكن لو ماتت كان
هيكون اسهل بس مفيش حد ممكن يستحمل يشوف حبيبته مع غيره حد غيري أخد مكاني في حياتها كل احلامنا مع بعض بقت ملك إنسان تاني صدقني انا لما شوفتها مع جوزها حسيت بروحي بتتسحب مني كنت مسلوب الإرادة الحياة قسيت عليا من غير سبب أنت صح مراتك ماتت بس وجعك اخف من وجعي أنا علي الاقل مش هتشوفها مع غيرك مفيش حد اخد مكانك في حياتها
أسر: اسمع يا عادل حاول تنسي الماضي اقفل صفحته عيش حياتك وسنك الحياة اقصر من ان الواحد يضيع ثانية في الماضي أفتكر لهآ اي حاجة حلوة اتمنى لهآ تكون مبسوطة حتي لو مع غيرك لان ده نصيب حاجة مقدرة ومكتوبة ليها أنها متكنش لك
عادل: احساس صعب
اسر؛: صعب بس مش مستحيل
عادل: ايه سر التغيير ده
اسر: اخدت نصيحة من حد وقرارات انفذها الماضي أنا مش هعيش فيه تاني قرارات أبد من جديد واكون أخ ليكم قبل ما اكون مدرب
عادل: ومين الشخص ده
اسر: مش مهم هو مين الاهم انه هو صح الماضي انتهى والحاضر احنا لزام نعيشه بحلوه او الوحش الي فيه اهم حاجة نضحك وننسي همومنا اي رئيك من النهاردة أنا أخوك الكبير تقبل بده
عادل: ده يبقى شرف ليا
اسر: تب يلا ندخل للجماعة الي في المطعم لحسن أنت عكيت الدنيا شوف بقه هتصلح الي أنت عكيته ده ازاي
عادل: أتصرف أنت أنا معنديش استعداد حد يضرابني تاني أنا مش الملطشه بتاع المعسكر كل من هب ودب يضرب فيا
اسر: ههههه أنت حظك كده بقه استحمل
عادل: كلو إلا الضرب👊 انا مش ناقص كفاية عيني
أسر: تب يلا نروح لهم بقه
في المطعم
ندي: تفتكروا ايه الي حصل مع عادل خلاه يقلب كده
جاسر: والله علمي علمك بس الموضوع كبير
ندي: تفتكرى يا نور عادل ماله
نور: معرفش ومش عايزة اعرف
جاسر: نور أنا عارف أنك زعلانه من عادل بس اكيد هو مكنش يقصد يزعلك
نور: اسمع يا جاسر أنا اعتبرت عادل زي أخويا بس أنا عمري ما استغليت ده في اني احسسه انه مهرج أو مهزاء اذا كان هو فاكر اني بستغل ده هو حر ومن النهاردة كل واحد ينتبه على كلامه معه خلي في حدود علشان ميضايش منا
جاسر: أهو عادل واسر وصلوا
عادل: مساء الخير
الكل ما عادة نور: مساء النور
عادل: أنا آسف يا جماعة مكنش قصدي اضايق حد أنا اسف يا نور معلش أنا كنت مضايق وعلي اخري
نور: انا عايزة امشي
عادل: تب هاجي اوصلك
نور: لو سمحت من النهاردة يكون في حدود بيني وبينك وملكش دعوة بيا نهائي
عادل: بس يا نور أنا
نور: في حد هيمشي ولا اروح لوحدي
اسر: استني انا هاجي اوصلك
نور : أنا هستناك بره
اسر: تمام يلا أنا جمعت حاجتي
عادل: يا نور استني
نور: لو سمحت يا عادل انا كرامتي قبل أي شيء مسمحش لاي حد يقرب من كرامتي مين من كان ويا ريت متعتذرش مني علشان أنا مش زعلانه منك أنا بس بعمل زي ما أنت طلبت بلتزام حدودي بعد اذنك
خرجت نور من المطعم مع اسر
مصطفى: متزعلش من نور يا عادل أنت عارف انها حساسه ومش بتحب حد يدوس علي كرمتها
عادل: بس أنا مكنتش قاصد
ندي: معلش يا عادل نور دلوقتى تهدي وهترجع زي الاول هي قلبها ابيض وبتنسي بسرعة
عادل: يارب يا ندوش
جاسر: نعم وحيات أمك بتقول لمين ندوش ياض
عادل: دلع ندي ندوش
جاسر: انا بس الي اقول ندوش أنت تقول الملازم وله عايز عينك التانية تروح
عادل: لا وحياة ابوك ده أنا شكلي زبالة حاسس اني تاجر مخدرات
جاسر: ههههههههههه على الله بس اشوفك بدلع حبيبتي محدش له حق يدلعها غيري فاهم ياض
عادل: تمام يا فندام
جاسر: عندك اعترض يا ندوش
ندي: آه عندي
جاسر نعم
ندي قربت منه وهمست : مش عايزة ندوش عايزة حبيبتي
جاسر: أنا هخلص المهمة دي وهسافر معاكي القاهرة أنا عايز اتجوز
عادل: ههههههههههه اي يا عم مستعجل علي أي بكرة تندم وتقول يا ريت مكونت اتجوزت
ندي: لم نفسك يا عادل وإلا المرة دي انا الي هضربك
عادل: لا خلاص أنا آسف بس يلا نمشي بقه
جاسر: معاك حق احنا اتاخرنا واسر هيعمل مشكلة
مصطفى: هو ايه الي غير اسر كده
عادل: هو انسان طيب علي فكرة بس الشغل والضغط عليه هما الي مبينين قسوته
جاسر: يلا نمشي احسن نتنفخ
في عربية اسر فضلت نور ساكته متكلمتش ولا كلمه واسر حاس انها محتاجة تكون مع نفسها شوية علشان تهدي
واصلوا المعسكر ونور نزلت من غير متكلم اسر او حتي تشكره
تاني يوم الصبح الكل اجتمع علشان يعرفوا تفاصيل القضية
أسر: اول حاجة أحب اعرفكم أن القضية دي مهمة جدا ولازم نكون حزرين لأن إحنا هنتعامل مع مافيا كاملة من تجارة اعضاء للمخدرات ل دعارة وسلاحه منظومة كاملة بس قبل ما نتكلم في تفاصيل القضية في ملازم جديد هينضم لينا بدل زميلكم ناصر الي اخد اجازة علشان تعبان
هو زمانه وصل دلوقتى
عادل: بس إحنا مش محتاجين حد غريب
اسر: الملازم الجديد مش لوحده معه شريك وإحنا محتاجين الاتنين المهم زمانه وصل وراح استقبله بره يا عادل
عادل: وانا مالي ابعتله اي عسكري
أسر: أولا لأنك قائد الفريق بتاعك ثانيا ده امر وأنت لازم تنفذ
عادل: تحت امرك يا فندام
خرج عادل وهو مش طايق نفسه ولا طايق حتي الملازم الجديد وفجأة وهو ماشي في بنت كانت بتجري خبطت فيه
عادل: مش تفتحي
البنت: آسفة مشفتش حضرتك
عادل: اصرفها منين أسفه دي أن شاء الله
البنت: قولت مخدتش بالي هي قصة وكانت لسه ها تمشي راح عادل مسكها من ايدها
البنت: سيب ايدي
عادل: انتي انسانه عديمة الذوق المفروض تعتذري بأسلوب أحسن من كده
البنت: أنا مش هرد عليك هجبلك الي أنت تفهم لغته
عادل: انتي فاكراني هخاف
البنت بأعلي صوت عندها ونادت: ماكس يا ماكس
وفجأة البنت ابتسمت وبصت الناحية التانيه
عادل أنتبه وبص مكان ما هي بتبص
عادل:نهار اسود مين ده
البنت: ده ماكس
عادل: لا والنبي كلو الا كده
مين ماكس ومين البت دي وايه هو مصير عادل مع ماكس
ونور هتعمل أي لما تعرف انها هتشتغل في قضية اخوها،،،،،،،
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية عشقتها رغم تمردها)