رواية كيان الفهد (نجم الظلام) الفصل الأول 1 بقلم سلمى السيد

رواية كيان الفهد (نجم الظلام) الفصل الأول 1 بقلم سلمى السيد

رواية كيان الفهد (نجم الظلام) البارت الأول

رواية كيان الفهد (نجم الظلام) الجزء الأول

رواية كيان الفهد (نجم الظلام) الحلقة الأولى

_ الساعة ٣ و نص بليل كان واقف علي الجسر و لما شاف البنت معدية من طريق الغابة نده بحزم و شدة و قال : يا أنسة .
بصت وراها و هي ماشية و بعدها جريت بخوف و جري وراها و ضر*ب طلقة بسلاحه جانبها و هي أتكعبلت و وقعت علي الأرض ، قرب منها و هي واقعة علي الأرض و رفع سلاحه في وشها و قال بشدة : بطاقتك .
(القصة دي درامية ، أكشن ، رومانسي ، و لكن أحداثها غير واقعية نهائيآ ، كل الي هيتكتب من وحي خيالي ، لكن رغم إن الأحداث مش واقعية في عالمنا و لا في أي عالم تاني لكن المواقف هتكون هادفة ) .
بصتله كيان برعب خوفاً من إنه ميكونش مصري رغم إن كلامه مصري ، حطت إيديها في جيبها لكن ملقتش البطاقة ، الظاهر إنها وقعت منها لما كانت بتجري ، ردت و صوتها بيرتجف و قالت : بطاقتي وقعت .
نزل فهد ل مستواها و مسكت رقبتها جامد بوضعية الخنقة و قال بحدة : أنتي هتستعبطي عليا يا بت ، قومي .
كيان دموعها نزلت و قالت : صدقني و الله أنا مش منهم ، و بطاقتي كانت معايا بس ممكن تكون وقعت مني و أنا بجري .
جه حمزة صاحبه و هو بينهج من الجري لما صعب عليه منظر كيان و قال : براحة أستني أفهم منها .
لكن فهد مهتمش لكلامه و شد أكتر بإيده علي رقبتها و قال بحده : اسمك اي و بلدك اي ؟؟ .
كيان دموعها كانت بتنزل و قالت بخوف : ك…. كيان ، و من مصر .
خفف من قبضة إيده علي رقبتها لكن كان لسه ماسك رقبتها و قال بحده و بعدم ثقة : كدابة ، وريني العلامة .
و هو لسه ماسك رقبتها هي رفعت إيديها و بعدت شعرها الي كان نازل علي ودانها و إيده و بينت رقبتها و ظهرت العلامة كونها مصرية .
أتنهد بشدة و ساب رقبتها بزقه بسيطة و قال : و طالما أنتي مصرية و مش منهم نازلة ليه الساعة تلاتة و نص بليل و أنتي عارفة الظروف .
كيان بصتله هو و حمزة بخوف و دموع و قالت : أنتو مصريين ؟؟ .
حمزة بهدوء : أيوه متخافيش يا كيان ، أمسحي دموعك و أهدي .
فهد بصله بحده و بعدها بص ل كيان و قال بشدة : جاوبي .
كيان بخوف و دموع و قالت بكدب في كلامها : ص..صاحبتي الي أنا معاها في نفس البيت ، تعبانة جدآ و علاجها خلص ، و كان لازم أنزل أجبلها العلاج ، عشان لو مخدتهوش هيحصل مضاعفات و ممكن تموت .
كيان كدبت لأنها مش واثقة فيهم نهائيآ ، هي بالفعل صحبتها تعبانة بس تعبانة من اي !!!! ، دا الي هنعرفه مع رواية
[ ” كيان الفهد ” «نجم الظلام» ] .
في مكان أخر .
بصتله بخبث و دققت في ملامحه بعيونها الزرقة و قربت منه و هو مربوط و علامات التعذيب باينه علي وشه و قالتله : مش صعبان عليك وسامتك الي راحت دي ، (رفعت إيديها و لمست جروح وشه بصوابعها و قالت بنبرة حُب مزيفة و همس و غرور : قول يا أسد ، قولي علي مكانهم و أنا همنع تعذيبك ، أنا بحبك و نفسي أكون معاك ، أنا هقف قدامه و هحميك بس قوله ، و أنا أوعدك إن محدش من سلالتك هيحصله حاجة ، و أنا هبقي معاك ، هخليك أعلي واحد فيهم ، يكفي إن أنا هكون جانبك ، هعملك و هديك الي أنت عاوزه ، هرفعك ، هخلي الكل يحسدك كونك وصلت للمرحلة الي هتبقي فيها ، هبقي مراتك ، هتملك جمالي كله .
بصلها أسد و بص لملامحها بإشمئزاز رغم إنها بنت أقل كلمة تتقال عليها إنها ملكة جمال علي عكس جمال أختها الصغيرة هاندا ، الي جمالها رقيق و متواضع ، أبتسم أسد بسخرية و قال : تفتكري أنا ممكن أقل من نفسي و من رجولتي و أبقي معاكي !!!! ، دا أنا قرفان من نفسي عشان بس حاسس بنفسك قريب مني دلوقتي ، عارفة أنتو ربطني و مش عاوزين تتكلموا معايا و أنا حر ليه ؟! ، عشان خايفيين مني رغم قوتكوا ، بس صدقيني يا روفان ، هيجي وقت و هنبيدكوا كلكوا واحد واحد .
Salma Elsayed Etman .
فهد بحده : و العلاج دا هتجيبيه منيين ؟! ، أنتي فاكرة نفسك في رحلة ل دريم بارك !! ، أنتي مش شايفة أحنا فين ؟؟ .
كيان أزدرءت ريقها بصعوبة و قالت : كنت هحاول أجمعلها أعشاب عشان تشربها و تقويها علي ما ألاقي العلاج .
و قبل ما فهد ينطق سمعوا صوت إنفج*ار قوي جداً ، كيان صرخت و فهد و حمزة بصوا وراهم بسرعة و لاقوا إن الإنف*جار بعيد بس صوته واصل ليهم و كأنه جانبهم ، حمزة لاقي دخان الإنفجار لونه أزرق مش زي لون الدخان العادي ، أتنهد بهدوء و بضيق و قال : دا إنفج*ار من سلالة
” الطير الأزرق ” ، (كمل بحزن و قال ) أكيد ناس كتير ماتت في الإنف*جار دا .
فهد غمض عيونه بحزن و فتحها و قال : الظلام الي أحنا فيه دا لازم ينتهي في أقرب وقت ، نفسي نجمنا ضوئه يملي العالم ، و نقضي علي السلالة دي ، نفسي أسد أخويا يرجعلي .
بص وراه لكن ملاقاش كيان ، لأنها أستغلت إنشغالهم و بعدت عنهم بسرعة ، فهد أتعصب و قال : هي راحت فييييييين ؟؟ ، مكنش لازم نثق فيها حتي لو هي مصرية زينا .
يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية كيان الفهد (نجم الظلام))